Bible verses about "karma" | Kabyle

¹² Ihi, xedmet i wiyaḍ ayen i tebɣam a wen-t-xedmen i kunwi, axaṭer akka i ɣ-d-tweṣṣa ccariɛa n Musa akk-d lenbiya.

⁸ S ṛṛeḥma n Sidi Ṛebbi kan i tețwasellkem, mi tumnem. Ayagi mačči d ayen i d-ikan s ɣuṛ-wen lameɛna ț-țukci n Sidi Ṛebbi. ⁹ Mačči s lḥasanat-nwen i tețwasellkem akken yiwen ur ițzuxxu s yiman is;

⁹ Meɛna ma nețqiṛṛi s ddnubat-nneɣ i Sidi Ṛebbi, nețța yellan d aḥeqqi, nezmer a nețkel fell-as a ɣ-isameḥ ddnubat-nneɣ, a ɣ-isellek si lbaṭel.

⁹ Kra n win ara iɛeddin tilas deg wayen yesselmed Lmasiḥ, ur yeṭṭif ara di Ṛebbi; ma d win yeṭṭfen deg uselmed n Lmasiḥ yeṭṭef di Baba Ṛebbi akk-d Mmi-s. ¹⁰ Kra n win ara d-yasen ɣuṛ-wen m'ur wen-d-yewwi ara aselmed-agi n Lmasiḥ ur sṭerḥibet ara yis ɣer yexxamen-nwen, ur țsellimet ara ula d sslam fell-as! ¹¹ Axaṭer win i gesṭerḥben yis, yețțekki di lecɣal-is n diri.

²⁷ Ma d nekk a wen-iniɣ i kunwi i d-ițḥessisen : ḥemmlet iɛdawen-nwen, xedmet lxiṛ i wid i kkun-ikeṛhen.

⁸ Win yettabaɛen lebɣi n tnefsit-is, a t-tessiweḍ ɣer lmut; ma d win iteddun s Ṛṛuḥ iqedsen ad isɛu tudert n dayem. ⁹ Ilaq a nxeddem lxiṛ mbla ɛeyyu; axaṭer m'ur nefcil ara, a d-nemger m'ara d-yaweḍ lweqt.

²⁷ Lmut tețțawi imdanen yiwet n tikkelt kan imiren a d-yili lḥisab.

¹⁰ Axaṭer a nɛeddi meṛṛa di ccṛeɛ n Lmasiḥ, iwakken mkul yiwen ad ițțuḥaseb ɣef lxiṛ neɣ cceṛ i gexdem asmi yella di ddunit.

⁷ ?adret aț-țɣelṭem : yiwen ur yezmir ad istehzi ɣef Ṛebbi; ayen yezreɛ wemdan, a t-id-imger.