Bible verses about "pastoring" | Esperanto

¹⁵ Kaj Mi donos al vi pasxtistojn laux Mia koro, kiuj pasxtos vin kun sciado kaj sagxeco.

¹ La presbiterojn do inter vi mi admonas, estante kunpresbitero kaj atestanto de la suferoj de Kristo kaj partoprenanto en la malkasxota gloro: ² Pasxtu la gregon de Dio cxe vi, direktante gxin, ne devige, sed volonte, laux Dio; ne pro avideco, sed bonvole; ³ ne kvazaux sinjorante super la heredo, sed farigxante ekzemploj al la grego. ⁴ Kaj kiam elmontrigxos la CXefpasxtisto, vi ricevos la nevelkontan kronon de gloro. ⁵ Tiel same, vi plijunuloj, submetu vin al la pliagxuloj. Tial ankaux vi cxiuj submetu vin unu al la alia, kaj zonu vin per humileco; cxar Dio kontrauxstaras al la fieruloj, sed al la humiluloj donas gracon. ⁶ Humiligu vin do sub la potencan manon de Dio, por ke Li altigu vin gxustatempe; ⁷ surjxetante sur Lin cxian vian zorgon, cxar Li zorgas pri vi. ⁸ Estu sobraj, vigladu; via kontrauxulo, la diablo, kiel leono blekeganta cxirkauxiras, sercxante, kiun li povos forgluti; ⁹ lin rezistu, konstantaj en la fido, sciante, ke la samaj suferoj plenumigxas en via frataro en la mondo. ¹⁰ Kaj la Dio de cxia graco, kiu vin alvokis al Sia eterna gloro en Kristo, mem perfektigos, firmigos, plifortigos vin ne longe suferintajn. ¹¹ Al Li estu la potenco por cxiam kaj eterne. Amen. ¹² Per Silvano, la fidela frato, kiel mi opinias, al vi mi skribis mallonge, konsilante kaj atestante, ke cxi tio estas la vera graco de Dio; en gxi firme staru. ¹³ Vin salutas la en Babel kunelektitino, kaj Marko, mia filo. ¹⁴ Salutu unu la alian per ama kiso. Paco al vi cxiuj, kiuj estas en Kristo.