Bible verses about "wisdom" | Clementine_Vulgate

¹⁵ Via stulti recta in oculis ejus; qui autem sapiens est audit consilia.

²³ Quasi per risum stultus operatur scelus, sapientia autem est viro prudentia.

²⁰ Audi consilium, et suscipe disciplinam, ut sis sapiens in novissimis tuis.

¹⁵ Cor prudens possidebit scientiam, et auris sapientium quærit doctrinam.]

⁷ Timor Domini principium sapientiæ; sapientiam atque doctrinam stulti despiciunt.]

²⁷ Qui moderatur sermones suos doctus et prudens est, et pretiosi spiritus vir eruditus. ²⁸ Stultus quoque, si tacuerit, sapiens reputabitur, et si compresserit labia sua, intelligens.]

¹⁶ Verbum Christi habitet in vobis abundanter, in omni sapientia, docentes, et commonentes vosmetipsos, psalmis, hymnis, et canticis spiritualibus, in gratia cantantes in cordibus vestris Deo.

¹⁵ Videte itaque, fratres, quomodo caute ambuletis: non quasi insipientes, ¹⁶ sed ut sapientes: redimentes tempus, quoniam dies mali sunt. ¹⁷ Propterea nolite fieri imprudentes, sed intelligentes quæ sit voluntas Dei.

¹³ Beatus homo qui invenit sapientiam, et qui affluit prudentia. ¹⁴ Melior est acquisitio ejus negotiatione argenti, et auri primi et purissimi fructus ejus. ¹⁵ Pretiosior est cunctis opibus, et omnia quæ desiderantur huic non valent comparari. ¹⁶ Longitudo dierum in dextera ejus, et in sinistra illius divitiæ et gloria. ¹⁷ Viæ ejus viæ pulchræ, et omnes semitæ illius pacificæ. ¹⁸ Lignum vitæ est his qui apprehenderint eam, et qui tenuerit eam beatus.

¹⁷ Quæ autem desursum est sapientia, primum quidem pudica est, deinde pacifica, modesta, suadibilis, bonus consentiens, plena misericordia et fructibus bonis, non judicans, sine simulatione.

⁵ Si quis autem vestrum indiget sapientia, postulet a Deo, qui dat omnibus affluenter, et non improperat: et dabitur ei.