Bible verses about "immorality" | Clementine_Vulgate

²⁴ Quam ob rem relinquet homo patrem suum, et matrem, et adhærebit uxori suæ: et erunt duo in carne una.

¹ [Fili mi, custodi sermones meos, et præcepta mea reconde tibi. Fili, ² serva mandata mea, et vives; et legem meam quasi pupillam oculi tui: ³ liga eam in digitis tuis, scribe illam in tabulis cordis tui. ⁴ Dic sapientiæ: Soror mea es, et prudentiam voca amicam tuam: ⁵ ut custodiant te a muliere extranea, et ab aliena quæ verba sua dulcia facit. ⁶ De fenestra enim domus meæ per cancellos prospexi, ⁷ et video parvulos; considero vecordem juvenem, ⁸ qui transit per plateam juxta angulum et prope viam domus illius graditur: ⁹ in obscuro, advesperascente die, in noctis tenebris et caligine. ¹⁰ Et ecce occurrit illi mulier ornatu meretricio, præparata ad capiendas animas: garrula et vaga, ¹¹ quietis impatiens, nec valens in domo consistere pedibus suis; ¹² nunc foris, nunc in plateis, nunc juxta angulos insidians. ¹³ Apprehensumque deosculatur juvenem, et procaci vultu blanditur, dicens: ¹⁴ Victimas pro salute vovi; hodie reddidi vota mea: ¹⁵ idcirco egressa sum in occursum tuum, desiderans te videre, et reperi. ¹⁶ Intexui funibus lectulum meum; stravi tapetibus pictis ex Ægypto: ¹⁷ aspersi cubile meum myrrha, et aloë, et cinnamomo. ¹⁸ Veni, inebriemur uberibus, et fruamur cupitis amplexibus donec illucescat dies. ¹⁹ Non est enim vir in domo sua: abiit via longissima: ²⁰ sacculum pecuniæ secum tulit; in die plenæ lunæ reversurus est in domum suam. ²¹ Irretivit eum multis sermonibus, et blanditiis labiorum protraxit illum. ²² Statim eam sequitur quasi bos ductus ad victimam, et quasi agnus lasciviens, et ignorans quod ad vincula stultus trahatur: ²³ donec transfigat sagitta jecur ejus, velut si avis festinet ad laqueum, et nescit quod de periculo animæ illius agitur. ²⁴ Nunc ergo, fili mi, audi me, et attende verbis oris mei. ²⁵ Ne abstrahatur in viis illius mens tua, neque decipiaris semitis ejus; ²⁶ multos enim vulneratos dejecit, et fortissimi quique interfecti sunt ab ea. ²⁷ Viæ inferi domus ejus, penetrantes in interiora mortis.]

²⁷ { Audistis quia dictum est antiquis: Non mœchaberis.} ²⁸ { Ego autem dico vobis: quia omnis qui viderit mulierem ad concupiscendum eam, jam mœchatus est eam in corde suo.}

³ Hæc est enim voluntas Dei, sanctificatio vestra: ut abstineatis vos a fornicatione, ⁴ ut sciat unusquisque vestrum vas suum possidere in sanctificatione, et honore: ⁵ non in passione desiderii, sicut et gentes, quæ ignorant Deum:

² propter fornicationem autem unusquisque suam uxorem habeat, et unaquæque suum virum habeat.

²¹ ne iterum cum venero, humiliet me Deus apud vos, et lugeam multos ex iis qui ante peccaverunt, et non egerunt pœnitentiam super immunditia, et fornicatione, et impudicitia, quam gesserunt.

³² { Ego autem dico vobis: quia omnis qui dimiserit uxorem suam, excepta fornicationis causa, facit eam mœchari: et qui dimissam duxerit, adulterat.}

⁵ Mortificate ergo membra vestra, quæ sunt super terram: fornicationem, immunditiam, libidinem, concupiscentiam malam, et avaritiam, quæ est simulacrorum servitus:

¹³ Esca ventri, et venter escis: Deus autem et hunc et has destruet: corpus autem non fornicationi, sed Domino: et Dominus corpori.

¹³ Tentatio vos non apprehendat nisi humana: fidelis autem Deus est, qui non patietur vos tentari supra id quod potestis, sed faciet etiam cum tentatione proventum ut possitis sustinere.

³ Fornicatio autem, et omnis immunditia, aut avaritia, nec nominetur in vobis, sicut decet sanctos:

⁸ { Timidis autem, et incredulis, et execratis, et homicidis, et fornicatoribus, et veneficis, et idolatris, et omnibus mendacibus, pars illorum erit in stagno ardenti igne et sulphure: quod est mors secunda.}

²⁸ { Ego autem dico vobis: quia omnis qui viderit mulierem ad concupiscendum eam, jam mœchatus est eam in corde suo.}

²⁰ { Dicebat autem, quoniam quæ de homine exeunt, illa communicant hominem.} ²¹ { Ab intus enim de corde hominum malæ cogitationes procedunt, adulteria, fornicationes, homicidia,} ²² { furta, avaritiæ, nequitiæ, dolus, impudicitiæ, oculus malus, blasphemia, superbia, stultitia.} ²³ { Omnia hæc mala ab intus procedunt, et communicant hominem.}

¹⁸ Fugite fornicationem. Omne peccatum, quodcumque fecerit homo, extra corpus est: qui autem fornicatur, in corpus suum peccat.

⁴ Honorabile connubium in omnibus, et thorus immaculatus. Fornicatores enim, et adulteros judicabit Deus.

¹⁹ Manifesta sunt autem opera carnis, quæ sunt fornicatio, immunditia, impudicitia, luxuria, ²⁰ idolorum servitus, veneficia, inimicitiæ, contentiones, æmulationes, iræ, rixæ, dissensiones, sectæ, ²¹ invidiæ, homicidia, ebrietates, comessationes, et his similia, quæ prædico vobis, sicut prædixi: quoniam qui talia agunt, regnum Dei non consequentur.