Romans 8:3 Cross References - Wycliffe

³ For that that was vnpossible to the lawe, in what thing it was sijk bi flesch, God sente his sone in to the licknesse of fleisch of synne, and of synne dampnede synne in fleisch;

²⁷ And thei crucifien with hym twei theues, oon `at the riythalf and oon at his lefthalf.

¹⁴ And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe.

¹⁴ And as Moises areride a serpent in desert, so it bihoueth mannys sone to be reisid, ¹⁵ that ech man that bileueth in hym, perische not, but haue euerlastynge lijf. ¹⁶ For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf. ¹⁷ For God sente not his sone in to the world, that he iuge the world, but that the world be saued bi him.

²⁴ Therfor eftsoone thei clepiden the man, that was blynd, and seiden to hym, Yyue thou glorie to God; we witen, that this man is a synnere.

³⁹ In this ech man that bileueth, is iustified.

²⁰ For of the werkis of the lawe ech fleisch schal not be iustified bifor hym; for bi the lawe ther is knowyng of synne.

⁶ witynge this thing, that oure olde man is crucified togidere, that the bodi of synne be distruyed, that we serue no more to synne.

⁵ For whanne we weren in fleisch, passiouns of synnes, that weren bi the lawe, wrouyten in oure membris, to bere fruyt to deth. ⁶ But now we ben vnboundun fro the lawe of deth, in which we weren holdun, so that we seruen in newnesse of spirit, and not in eldnesse of lettre. ⁷ What therfor schulen we seie? The lawe is synne? God forbede. But Y knew not synne, but bi lawe; for Y wiste not that coueitynge was synne, but for the lawe seide, Thou schalt not coueyte. ⁸ And thoruy occasioun takun, synne bi the maundement hath wrouyt in me al coueytise; for withouten the lawe, synne was deed. ⁹ And Y lyuede withouten the lawe sumtyme; but whanne the comaundement was comun, synne lyuede ayen. ¹⁰ But Y was deed, and this comaundement that was to lijf, was foundun to me, to be to deth. ¹¹ For synne, thorouy occasioun takun bi the comaundement, disceyuede me, and bi that it slow me.

³² The which also sparide not his owne sone, but `for vs alle bitook hym, hou also yaf he not to vs alle thingis with hym?

³ For Y my silf desiride to be departid fro Crist for my britheren, that ben my cosyns aftir the fleisch, that ben men of Israel;

²¹ God the fadir made hym synne for vs, which knewe not synne, that we schulden be maad riytwisnesse of God in hym.

¹³ But Crist ayenbouyte us fro the curse of the lawe, and was maad acursid for vs; for it is writun, Ech man is cursid that hangith in the tre;

²¹ Is thanne the lawe ayens the biheestis of God? God forbede. For if the lawe were youun, that myyte quikene, verili were riytfulnesse of lawe.

⁴ But aftir that the fulfilling of tyme cam, God sente his sone, ⁵ maad of a womman, maad vndur the lawe, that he schulde ayenbie hem that weren vndur the lawe, that we schulden vnderfonge the adopcioun of sones.

⁷ but he lowide hym silf, takinge the forme of a seruaunt, and was maad in to the licknesse of men, and in abite was foundun as a man.

¹⁴ Therfor for children comyneden to fleisch and blood, and he also took part of the same, that bi deth he schulde destrie hym that hadde lordschipe of deth, that is to seie, the deuel,

¹⁷ Wherfor he ouyte to be likned to britheren bi alle thingis, that he schulde be maad merciful and a feithful bischop to God, that he schulde be merciful to the trespassis of the puple.

¹⁵ For we han not a bischop, that may not haue compassioun on oure infirmytees, but was temptid bi alle thingis bi lycnesse, with oute synne.

¹⁸ that repreuyng of the maundement bifor goynge is maad, for the vnsadnesse and vnprofit of it. ¹⁹ For whi the lawe brouyt no thing to perfeccioun, but there is a bringing in of a betere hope, bi which we neiyen to God.

¹ For the lawe hauinge a schadewe of good thingis `that ben to come, not the ilke image of thingis, mai neuer make men neiyinge perfit bi the ilke same sacrifices, which thei offren without ceessing bi alle yeeris; ² ellis thei schulden haue ceessid to be offrid, for as myche as the worschiperis clensid onys, hadden not ferthermore conscience of synne. ³ But in hem mynde of synnes is maad bi alle yeris. ⁴ For it is impossible that synnes be doon awei bi blood of boolis, and of buckis of geet. ⁵ Therfor he entrynge in to the world, seith, Thou woldist not sacrifice and offryng; but thou hast schapun a bodi to me; ⁶ brent sacrificis also for synne plesiden not to thee. ⁷ Thanne Y seide, Lo! Y come; in the bigynnyng of the book it is writun of me, that Y do thi wille, God. ⁸ He seiynge bifor, That thou woldist not sacrificis, and offringis, and brent sacrifices for synne, ne tho thingis ben plesaunt to thee, whiche ben offrid bi the lawe, ⁹ thanne Y seide, Lo! Y come, that Y do thi wille, God. He doith awei the firste, that he make stidfast the secounde. ¹⁰ In which wille we ben halewid bi the offring of the bodi of Crist Jhesu onys.

¹² But this man offringe o sacrifice for synnes, for euere more sittith in the riythalf of God the fadir;

¹⁴ For bi oon offring he made perfit for euere halewid men.

²⁴ And he hym silf bar oure synnes in his bodi on a tre, that we be deed to synnes, and lyue to riytwisnesse, bi whos wan wounde ye ben heelid.

¹ Therfor for Crist suffride in fleisch, be ye also armed bi the same thenkynge; for he that suffride in fleisch ceesside fro synnes, ² that that is left now in fleisch lyue not now to the desiris of men, but to the wille of God.

¹⁰ In this thing is charite, not as we hadden loued God, but for he firste louede vs, and sente hise sone foryyuenesse for oure synnes. ¹¹ Ye moost dere britheren, if God louede vs, we owen to loue ech other. ¹² No man say euer God; if we louen togidre, God dwellith in vs, and the charite of hym is perfit in vs. ¹³ In this thing we knowen, that we dwellen in hym, and he in vs; for of his spirit he yaf to vs. ¹⁴ And we sayen, and witnessen, that the fadir sente his sone sauyour of the world.