Philippians 4:1 Cross References - Wycliffe

¹ Therfor, my britheren most dereworthe and most desirid, my ioye and my coroun, so stonde ye in the Lord, most dere britheren.

¹ The `title of the hundrid and fyue and twentithe `salm. The song of grecis. Whanne the Lord turnede the caitifte of Sion; we weren maad as coumfortid.

²² And ye schulen be in hate to alle men for my name; but he that shall dwelle stille in to the ende, shal be saaf.

³¹ Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;

³ Now ye ben clene, for the word that Y haue spokun to you. ⁴ Dwelle ye in me, and Y in you; as a braunche may not make fruyt of it silf, but it dwelle in the vyne, so nether ye, but ye dwelle in me.

⁴² and weren lastynge stabli in the teching of the apostlis, and in comynyng of the breking of breed, in preieris.

²³ And whanne he was come, and siy the grace of the Lord, he ioyede, and monestide alle men to dwelle in the Lord in purpos of herte;

²² And whanne thei hadden ordeined prestis to hem bi alle citees, and hadden preied with fastyngis, thei bitoken hem to the Lord, in whom thei bileueden.

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf;

⁵⁸ Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.

¹³ Walke ye, and stonde ye in the feith; do ye manli, and be ye coumfortid in the Lord,

¹⁴ as also ye han knowe vs a parti; for we ben youre glorie, as also ye ben oure in the dai of oure Lord Jhesu Crist.

¹ Stonde ye therfor, and nyl ye eftsoones be holdun in the yok of seruage.

¹⁰ Her aftirward, britheren, be ye coumfortid in the Lord, and in the miyt of his vertu. ¹¹ Clothe you with the armere of God, that ye moun stonde ayens aspiynges of the deuel. ¹² For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis. ¹³ Therfor take ye the armere of God, that ye moun ayenstonde in the yuel dai; and in alle thingis stonde perfit. ¹⁴ Therfor stonde ye, and be gird aboute youre leendis in sothefastnesse, and clothid with the haburioun of riytwisnesse, ¹⁵ and youre feet schood in making redi of the gospel of pees. ¹⁶ In alle thingis take ye the scheld of feith, in which ye moun quenche alle the firy dartis of `the worste. ¹⁷ And take ye the helm of helthe, and the swerd of the Goost, that is, the word of God. ¹⁸ Bi al preier and bisechyng preie ye al tyme in spirit, and in hym wakinge in al bisynesse, and bisechyng for alle hooli men, and for me;

⁸ For God is a witnesse to me, hou Y coueyte alle you in the bowelis of Jhesu Crist.

²⁷ Oneli lyue ye worthili to the gospel of Crist, that whether whanne Y come and se you, ethir absent Y here of you, that ye stonden in o spirit of o wille, trauelinge togidere to the feith of the gospel.

¹⁶ And holde ye togidere the word of lijf to my glorie in the day of Crist; for Y haue not runnen in veyn, nether Y haue trauelid in veyn.

²⁶ For he desiride you alle, and he was sorewful, therfor that ye herden that he was sijk.

²⁰ But oure lyuyng is in heuenes; fro whennus also we abiden the sauyour oure Lord Jhesu Crist, ²¹ which schal reforme the bodi of oure mekenesse, that is maad lijk to the bodi of his clerenesse, bi the worching bi which he mai `also make alle thingis suget to hym.

¹² Epafras, that is of you, the seruaunt of Jhesu Crist, gretith you wel; euere bisi for you in preyeris, that ye stonde perfit and ful in al the wille of God.

¹⁹ For whi what is oure hope, or ioye, or coroun of glorie? Whether ye ben not bifore oure Lord Jhesu Crist in his comyng? ²⁰ For ye ben oure glorie and ioye.

⁸ For now we lyuen, if ye stonden in the Lord. ⁹ For what doyng of thankingis moun we yelde to God for you, in al ioye, in which we ioyen for you bifor oure Lord?

¹³ that youre hertis ben confermyd with outen pleynt in holynesse, bifor God and oure fadir, in the comyng of oure Lord Jhesu Crist with alle hise seyntis. Amen.

¹⁵ And oure Lord Jhesu Crist him silf, and God oure fadir, which louyde vs, and yaf euerlastinge coumfort and good hope in grace, stire youre hertis,

¹ Therfor thou, my sone, be coumfortid in grace that is in Crist Jhesu.

¹⁴ For we ben maad parceneris of Crist, if netheles we holden the bigynnyng of his substaunce sad in to the ende.

¹⁴ Therfor we that han a greet bischop, that perside heuenes, Jhesu, the sone of God, holde we the knoulechyng of oure hope.

²³ and holde we the confessioun of oure hope, bowinge to no side; for he is trewe that hath made the biheeste.

³⁵ Therfor nyle ye leese youre trist, which hath greet rewarding. ³⁶ For pacience is nedeful to you, that ye do the wille of God, and bringe ayen the biheest.

¹¹ Therfor whanne alle these thingis schulen be dissolued, what manner men bihoueth it you to be in hooli lyuyngis and pitees, ¹² abidinge and hiyynge in to the comyng of the dai of oure Lord Jhesu Crist, bi whom heuenes brennynge schulen be dissoluyd, and elementis schulen faile bi brennyng of fier. ¹³ Also we abiden bi hise biheestis newe heuenes and newe erthe, in which riytwisnesse dwellith. ¹⁴ For which thing, ye moost dere, abidynge these thingis, be ye bisye to be foundun to hym in pees vnspottid and vndefoulid.

¹⁷ Therfor ye, britheren, bifor witynge kepe you silf, lest ye be disseyued bi errour of vnwise men, and falle awei fro youre owne sadnesse.

²⁰ But ye, moost dere britheren, aboue bilde you silf on youre moost hooli feith, and preye ye in the Hooli Goost, ²¹ and kepe you silf in the loue of God, and abide ye the merci of oure Lord Jhesu Crist in to lijf euerlastynge.

²⁴ But to him that is miyti to kepe you with out synne, and to ordeyne bifore the siyt of his glorie you vnwemmed in ful out ioye, in the comynge of oure Lord Jhesu Crist, to God aloone oure sauyour, ²⁵ bi Jhesu Crist oure Lord, be glorie, and magnefiyng, empire, and power, bifore alle worldis, `and now and in to alle worldis of worldis. Amen.

¹⁰ that Y louyde thee, for thou keptist the word of my pacience. And Y schal kepe thee fro the our of temptacioun, that is to comynge in to al the world, to tempte men that dwellen in erthe. ¹¹ Lo! Y come soone; holde thou that that thou hast, that no man take thi coroun.