Numbers 24:7 Cross References - Wycliffe

⁷ watir schal flowe of his bokat, and his seed schal be in to many watris, `that is, puplis. The kyng of hym schal be takun a wei for Agag, and the rewme of hym schal be doon awai.

⁸ And he took Agag quyke, the kyng of Amalech; sotheli he killide bi the scharpnesse of swerd alle the comyn puple. ⁹ And Saul and the puple sparide Agag, and the beste flockis of scheep, and of grete beestis, and clothis, and rammes, and alle thingis that weren faire; and thei nolden destrie tho; sotheli what euer thing was vijl, and repreuable, thei distrieden this.

³² And Samuel seide, Brynge ye to me Agag, the kyng of Amalech. And Agag `moost fat tremblynge was brouyt to hym. And Agag seide, Whether thus departith bitter deeth? ³³ And Samuel seide, As thi swerd made wymmen with out fre children, so thi modir schal be with out fre children among wymmen. And Samuel kittide hym in to gobetis bifor the Lord in Galgalis.

¹² And Dauid knew, that the Lord hadde confermed hym kyng on Israel, and that he hadde enhaunsid his rewme on his puple Israel.

²¹ Forsothe Solomon was in his lordschip, and hadde alle rewmes, as fro the flood of the lond of Filisteis `til to the laste part of Egipt, of men offrynge yiftis to hym, and seruynge to hym, in alle the daies of his lijf.

² And Dauid knewe that the Lord hadde confermyd hym in to kyng on Israel; and that his rewme was reisid on his puple Israel.

²⁰ for whi `and ful stronge kyngis weren in Jerusalem, which also weren lordis of al the cuntrei which is biyende the flood; also thei token tribut, and tol, and rentis.

⁶ Forsothe Y am maad of hym a kyng on Syon, his hooli hil; prechynge his comaundement. ⁷ The Lord seide to me, Thou art my sone; Y haue gendrid thee to dai. ⁸ Axe thou of me, and Y schal yyue to thee hethene men thin eritage; and thi possessioun the termes of erthe. ⁹ Thou schalt gouerne hem in an yrun yerde; and thou schalt breke hem as the vessel of a pottere. ¹⁰ And now, ye kyngis, vndurstonde; ye that demen the erthe, be lerud.

²⁶ The habitacioun of hem be maad forsakun; and `noon be that dwelle in the tabernaclis of hem.

³ Lord, hou longe synneris; hou longe schulen synneris haue glorie? ⁴ Thei schulen telle out, and schulen speke wickidnesse; alle men schulen speke that worchen vnriytfulnesse.

¹⁶ Thi wellis be stremed forth; and departe thi watris in stretis. ¹⁷ Haue thou aloone `tho watris; and aliens be not thi parceneris. ¹⁸ Thi veyne be blessid; and be thou glad with the womman of thi yong wexynge age.

² And in the laste daies the hil of the hous of the Lord schal be maad redi in the cop of hillis, and schal be reisid aboue litle hillis. And alle hethene men schulen flowe to hym;

⁷ His empire schal be multiplied, and noon ende schal be of his pees; he schal sitte on the seete of Dauid, and on the rewme of hym, that he conferme it, and make stronge in doom and riytfulnesse, fro hennus forth and til in to with outen ende. The feruent loue of the Lord of oostis schal make this.

¹ The hows of Jacob, that ben clepid bi the name of Israel, and yeden out of the watris of Juda, here these thingis, whiche sweren in the name of the Lord, and han mynde on God of Israel, not in treuthe, nether in riytfulnesse.

¹³ A! thou Babiloyne, that dwellist on many watris, riche in thi tresours, thin ende cometh, the foote mesure of thi kittyng doun.

⁴⁴ Forsothe in the daies of tho rewmes, God of heuene shal reise a rewme, that schal not be distried with outen ende, and his rewme schal not be youun to another puple; it schal make lesse, and schal waste alle these rewmes, and it schal stonde with outen ende,

⁴⁹ `and seide, Rabi, thou art the sone of God, thou art kyng of Israel.

¹⁰ that in the name of Jhesu ech kne be bowid, of heuenli thingis, of ertheli thingis, and of hellis; ¹¹ and ech tunge knouleche, that the Lord Jhesu Crist is in the glorie of God the fadir.

¹⁵ And the seuenthe aungel trumpide, and grete voicis weren maad in heuene, and seiden, The rewme of this world is maad `oure Lordis, and of Crist, his sone; and he schal regne in to worldis of worldis.

¹ And oon of the seuene aungels cam, that hadde seuene viols, and spak with me, and seide, Come thou, Y schal schewe to thee the dampnacioun of the greet hoore, that sittith on many watris, with which kyngis of erthe diden fornicacioun;

¹⁵ And he seide to me, The watris whiche thou hast seyn, where the hoore sittith, ben puplis, and folkis, and langagis.

¹⁶ And he hath writun in his cloth, and in the hemme, Kyng of kyngis and Lord of lordis.