Matthew 15:19 Cross References - Wycliffe

¹⁹ For of the herte goon out yuele thouytis, mansleyngis, auowtries, fornycaciouns, theftis, fals witnessyngis, blasfemyes.

⁵ Sotheli God seiy that myche malice of men was in erthe, and that al the thouyt of herte was ententif to yuel in al tyme,

²¹ And the Lord sauerede the odour of swetnesse, and seide to hym, Y schal no more curse the erthe for men, for the wit and thouyt of mannus herte ben redi in to yuel fro yong wexynge age; therfor Y schal no more smyte ech lyuynge soule as Y dide;

²³ With al keping kepe thin herte, for lijf cometh forth of it.

¹⁴ bi schrewid herte he ymagyneth yuel, and in al tyme he sowith dissenciouns.

¹⁵ Foli is boundun togidere in the herte of a child; and a yerde of chastisyng schal dryue it awey.

⁹ The thouyte of a fool is synne; and a bacbitere is abhomynacioun of men.

⁷ An vnfeithful man forsake his weie, and a wickid man forsake hise thouytis; and turne he ayen to the Lord, and he schal haue merci on hym, and to oure God, for he is myche to foryyue.

⁷ The feet of hem rennen to yuel, and haasten to schede out innocent blood; the thouytis of hem ben vnprofitable thouytis; distriyng and defouling ben in the weies of hem.

¹⁴ Thou Jerusalem, waische thin herte fro malice, that thou be maad saaf. Hou long schulen noiful thouytis dwelle in thee?

⁹ The herte of man is schrewid, and `may not be souyt; who schal knowe it?

⁴ And whanne Jhesus hadde seyn her thouytis, he seide, Wherto thenken ye yuele thingis in youre hertis?

²¹ For fro with ynne, of the herte of men comen forth yuel thouytis, auowtries, ²² fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli. ²³ Alle these yuels comen forth fro with ynne, and defoulen a man.

²² Therfor do thou penaunce for this wickidnesse of thee, and preie God, if perauenture this thouyt of thin herte be foryouun to thee.

¹⁰ as it is writun, For ther is no man iust; ¹¹ ther is no man vndurstondynge, nethir sekynge God. ¹² Alle bowiden a wey, togidere thei ben maad vnprofitable; ther is noon that doith good thing, there is noon `til to oon. ¹³ The throte of hem is an opyn sepulcre; with her tungis thei diden gilefuli; the venym of snakis is vndur her lippis. ¹⁴ The mouth of whiche is ful of cursyng and bitternesse; ¹⁵ the feet of hem ben swifte to schede blood. ¹⁶ Sorewe and cursidnesse ben in the weies of hem, and thei knewen not the weie of pees; ^{17 18} the drede of God is not bifor her iyen. ¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God.

¹⁸ But and Y woot, that in me, that is, in my fleisch, dwellith no good; for wille lieth to me, but Y fynde not to performe good thing.

⁷ For the wisdom of the fleisch is enemye to God; for it is not suget to the lawe of God, for nether it may. ⁸ And thei that ben in fleisch, moun not plese to God.

¹⁹ And werkis of the fleisch ben opyn, whiche ben fornicacioun, vnclennes, vnchastite, letcherie, seruice of false goddis, ²⁰ witchecraftis, enmytees, striuyngis, indignaciouns, wraththis, chidingis, discenciouns, sectis, enuyes, ²¹ manslauytris, dronkennessis, vnmesurable etyngis, and thingis lijk to these, whiche Y seie to you, as Y haue told to you `to fore, for thei that doon suche thingis, schulen not haue the kyngdom of God.

¹ And whanne ye weren deed in youre giltis and synnes, ² in which ye wandriden sum tyme aftir the cours of this world, aftir the prince of the power of this eir, of the spirit that worchith now in to the sones of vnbileue; ³ in which also we `alle lyueden sum tyme in the desiris of oure fleisch, doynge the willis of the fleisch and of thouytis, and we weren bi kynde the sones of wraththe, as othere men;

² to blasfeme no man, to be not ful of chiding, but temperat, schewynge al myldenesse to alle men. ³ For we weren sum tyme vnwise, vnbileueful, errynge, and seruynge to desiris, and to dyuerse lustis, doynge in malice and enuye, worthi to be hatid, hatinge ech othere. ⁴ But whanne the benygnyte and the manhed of oure sauyour God aperide, ⁵ not of werkis of riytwisnesse that we diden, but bi his merci he made vs saaf, bi waischyng of ayen bigetyng, and ayen newyng of the Hooli Goost, ⁶ whom he schedde into vs plenteuousli bi Jhesu Crist,

¹³ No man whanne he is temptid, seie, that he is temptid of God; for whi God is not a temptere of yuele thingis, for he temptith no man. ¹⁴ But ech man is temptid, drawun and stirid of his owne coueiting. ¹⁵ Aftirward coueityng, whanne it hath conseyued, bringith forth synne; but synne, whanne it is fillid, gendrith deth.