Luke 6:45 Cross References - Wycliffe

⁴⁵ A good man of the good tresoure of his herte bryngith forth good thingis, and an yuel man of the yuel tresoure bryngith forth yuel thingis; for of the plente of the herte the mouth spekith.

² Hou long schal Y sette counsels in my soule; sorewe in my herte bi dai? ³ Hou long schal myn enemy be reisid on me? ⁴ My Lord God, biholde thou, and here thou me. Liytne thou myn iyen, lest ony tyme Y slepe in deth;

⁸ He yede with out forth; and spak to the same thing. Alle myn enemyes bacbitiden pryuyli ayens me; ayens me thei thouyten yuels to me. ⁹ Thei ordeineden an yuel word ayens me; Whether he that slepith, schal not leie to, that he rise ayen? ¹⁰ For whi the man of my pees, in whom Y hopide, he that eet my looues; made greet disseit on me.

⁶ Mi soule, whi art thou sory; and whi disturblist thou me? Hope thou in God, for yit Y schal knouleche to hym; he is the helthe of my cheer, ⁷ and my God. My soule is disturblid at my silf; therfor, God, Y schal be myndeful of thee fro the lond of Jordan, and fro the litil hil Hermonyim.

² Thei ben `corrupt, and maad abhomynable in her wickidnessis; noon is that doith good. <sup>3</sup> God bihelde fro heuene on the sones of men; that he se, if `ony is vndurstondynge, ether sekynge God. ⁴ Alle boweden awei, thei ben maad vnprofitable togidre; noon is that doith good, ther is not til to oon.

⁷ make thou saaf with thi riyt hond `the puple of Israel, and here thou me.

¹² Whether not thou, God, that hast put awei vs; and schalt thou not, God, go out in oure vertues?

³ Here thou my preier; ech man schal come to thee. ⁴ The wordis of wickid men hadden the maistrye ouer vs; and thou schalt do merci to oure wickidnessis. ⁵ Blessid is he, whom thou hast chose, and hast take; he schal dwelle in thin hallis. We schulen be fillid with the goodis of thin hous; ⁶ thi temple is hooli, wondurful in equite. God, oure heelthe, here thou vs; thou art hope of alle coostis of erthe, and in the see afer. ⁷ And thou makest redi hillis in thi vertu, and art gird with power; ⁸ which disturblist the depthe of the see, the soun of the wawis therof.

¹⁵ And he schal lyue, and me schal yyue to hym of the gold of Arabie; and thei schulen euere worschipe of hym, al dai thei schulen blesse hym. ¹⁶ Stidefastnesse schal be in the erthe, in the hiyeste places of mounteyns; the fruyt therof schal be enhaunsid aboue the Liban; and thei schulen blosme fro the citee, as the hey of erthe doith. ¹⁷ His name be blessid in to worldis; his name dwelle bifore the sunne. And all the lynagis of erthe schulen be blessid in hym; alle folkis schulen magnyfie hym. ¹⁸ Blessid be the Lord God of Israel; which aloone makith merueiylis.

⁵ A iust man schal repreue me in mersi, and schal blame me; but the oile of a synner make not fat myn heed. For whi and yit my preier is in the wel plesaunt thingis of hem;

²³ With al keping kepe thin herte, for lijf cometh forth of it.

²⁰ Chosun siluer is the tunge of a iust man; the herte of wickid men is for nouyt. ²¹ The lippis of a iust man techen ful manye men; but thei that ben vnlerned, schulen die in nedinesse of herte.

¹⁸ A man is that bihetith, and he is prickid as with the swerd of conscience; but the tunge of wise men is helthe.

²³ A man is glad in the sentence of his mouth; and a couenable word is best.

¹⁷ My sone, bowe doun thin eere, and here thou the wordis of wise men; but sette thou the herte to my techyng. ¹⁸ That schal be fair to thee, whanne thou hast kept it in thin herte, and it schal flowe ayen in thi lippis.

² Who schal yyue me in to a wildirnesse of dyuerse weigoeris? And I schal forsake my puple, and Y schal go awei fro hem. For whi alle ben auowteris, and the cumpenyes of trespassouris ayens the lawe; ³ and thei helden forth her tunge as a bouwe of leesyng, and not of treuthe Thei ben coumfortid in erthe, for thei yeden out fro yuel to yuel, and thei knewen not me, seith the Lord. ⁴ Ech man kepe hym fro his neiybore, and haue no trist in ony brother of hym; for whi ech brother disseyuyng schal disseyue, and ech frend schal go gilefuli. ⁵ And a man schal scorne his brother, and schal not speke treuthe; for thei tauyten her tunge to speke leesyng; thei traueliden to do wickidli.

³⁴ Ye generacioun of eddris, hou moun ye speke goode thingis, whanne ye ben yuele? For the mouth spekith of plente of the herte. ³⁵ A good man bryngith forth good thingis of good tresoure, and an yuel man bringith forth yuel thingis of yuel tresoure. ³⁶ And Y seie to you, that of euery idel word, that men speken, thei schulen yelde resoun therof in the dai of doom; ³⁷ for of thi wordis thou schalt be iustified, and of thi wordis thou shalt be dampned.

³⁸ He that bileueth in me, as the scripture seith, Floodis of quyk watir schulen flowe fro his wombe.

³ And Petre seide to hym, Anany, whi hath Sathanas temptid thin herte, that thou lye to the Hooli Goost, and to defraude of the prijs of the feeld?

¹⁹ Yyue ye also to me this power, that whom euere Y schal leye on myn hoondis, that he resseyue the Hooli Goost. ²⁰ But Petir seide to hym, Thi money be with thee into perdicioun, for thou gessidist the yifte of God schulde be had for monei. ²¹ Ther is no part, ne sort to thee, in this word, for thin herte is not riytful bifor God. ²² Therfor do thou penaunce for this wickidnesse of thee, and preie God, if perauenture this thouyt of thin herte be foryouun to thee. ²³ For Y se that thou art in the gall of bitternesse and in the boond of wickidnesse.

¹³ The throte of hem is an opyn sepulcre; with her tungis thei diden gilefuli; the venym of snakis is vndur her lippis. ¹⁴ The mouth of whiche is ful of cursyng and bitternesse;

⁶ For God, that seide liyt to schyne of derknessis, he hath youe liyt in oure hertis, to the liytnyng of the science of the clerenesse of God, in the face of Jhesu Crist. ⁷ And we han this tresour in britil vessels, that the worthinesse be of Goddis vertu, and not of vs.

⁸ To me, leeste of alle seyntis, this grace is youun to preche among hethene men the vnserchable richessis of Crist, and to liytne alle men,

²⁹ Ech yuel word go not of youre mouth; but if ony is good to the edificacioun of feith, that it yyue grace to men that heren.

³ And fornycacioun, and al vnclennesse, or aueryce, be not named among you, as it bicometh holi men; ⁴ ethir filthe, or foli speche, or harlatrye, that perteyneth not to profit, but more doyng of thankyngis.

¹⁹ and ymnes, and spiritual songis, syngynge and seiynge salm in youre hertis to the Lord;

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

⁶ Youre word be sauered in salt eueremore in grace; that ye wite, hou it bihoueth you to answere to ech man.

¹⁰ But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple.

⁵ So also the tunge is but a litil membre, and reisith grete thingis. Lo! hou litil fier brenneth a ful greet wode. ⁶ And oure tunge is fier, the vniuersite of wickidnesse. The tunge is ordeyned in oure membris, which defoulith al the bodi; and it is enflawmed of helle, and enflawmeth the wheel of oure birthe. ⁷ And al the kynde of beestis, and of foulis, and of serpentis, and of othere is chastisid, and tho ben maad tame of mannus kinde; but no man mai chastise the tunge, ⁸ for it is an vnpesible yuel, and ful of deedli venym.

¹⁵ to do dom ayens alle men, and to repreue alle vnfeithful men of alle the werkis of the wickidnesse of hem, bi whiche thei diden wickidli, and of alle the harde wordis, that wyckid synneris han spoke ayens God.