Joshua 3:7 Cross References - Wycliffe

⁷ And the Lord seide to Josue, To dai Y schal bigynne to enhaunse thee bifor al Israel, that thei wite, that as Y was with Moises, so Y am also with thee.

⁵ Noon schal mow ayenstonde you in alle the daies of thi lijf; as Y was with Moises, so Y schal be with thee; Y schal not leeue, nether Y schal forsake thee.

¹⁷ as we obeieden in alle thingis to Moises, so we schulen obeie also to thee; oneli thi Lord God be with thee, as he was with Moyses.

¹⁴ In that day the Lord magnyfiede Josue bifor al Israel, that thei schulden drede hym, as thei dreden Moises, while he lyuede yit.

²⁵ Therfor the Lord magnefiede Salomon on al Israel, and yaue to hym glorie of the rewme, what maner glorie no kyng of Israel hadde bifor hym.

¹ Therfor Salomon, the sone of Dauid, was coumfortid in his rewme, and the Lord was with hym, and magnefiede hym an hiy.

¹⁷ What is a man, for thou `magnifiest hym? ether what settist thou thin herte toward hym?

¹ These thingis Jhesus spak, and whanne he hadde cast vp hise iyen in to heuene, he seide, Fadir, the our cometh, clarifie thi sone, that thi sone clarifie thee.

²⁰ For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth.

⁹ For which thing God enhaunside hym, and yaf to hym a name that is aboue al name; ¹⁰ that in the name of Jhesu ech kne be bowid, of heuenli thingis, of ertheli thingis, and of hellis; ¹¹ and ech tunge knouleche, that the Lord Jhesu Crist is in the glorie of God the fadir.