Joshua 1:18 Cross References - Wycliffe

¹⁸ Die he that ayenseith thi mouth, and obeieth not to alle thi wordis, whiche thou comaundist to hym; oneli be thou coumfortid, and do thou manli.

¹² Forsothe that man schal die, which is proud, and nyle obeie to the comaundement of the preest, `that mynystrith in that tyme to thi Lord God, and to the sentence of iuge, and thou schalt do awei yuel fro the myddis of Israel;

⁶ Be thou coumfortid, and be thou strong; for thou schalt departe bi lot to this puple the lond, for which Y swoor to thi fadris, that Y schulde yyue it to hem. ⁷ Therfor be thou coumfortid, and be thou ful strong, that thou kepe and do al the lawe, which Moyses, my seruaunt, comaundide to thee; bowe thou not fro it to the riyt side, ether to the left side, that thou vndirstonde alle thingis whiche thou doist.

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

¹² And the puple seide to Samuel, Who is this, that seide, Saul schal not regne on vs? Yyue ye the men, and we schulen sle hem.

⁴ Rise thou, it `is thin office to deme, and we schulen be with thee; be thou coumfortid, and do.

¹ Whi gnastiden with teeth hethene men; and puplis thouyten veyn thingis? ² The kyngis of erthe stoden togidere; and princes camen togidere ayens the Lord, and ayens his Crist? ³ Breke we the bondis of hem; and cast we awei the yok of hem fro vs. ⁴ He that dwellith in heuenes schal scorne hem; and the Lord schal bimowe hem. ⁵ Thanne he schal speke to hem in his ire; and he schal disturble hem in his stronge veniaunce. ⁶ Forsothe Y am maad of hym a kyng on Syon, his hooli hil; prechynge his comaundement.

²⁷ Netheles brynge ye hidur tho myn enemyes, that wolden not that Y regnede on hem, and sle ye bifor me.

¹ Euery soule be suget to heiyere powers. For ther is no power but of God, and tho thingis that ben of God, ben ordeyned. ² Therfor he that ayenstondith power, ayenstondith the ordynaunce of God; and thei that ayenstonden, geten to hem silf dampnacioun. ³ For princes ben not to the drede of good work, but of yuel. But wilt thou, that thou drede not power? Do thou good thing, and thou schalt haue preisyng of it; ⁴ for he is the mynystre of God to thee in to good. But if thou doist yuel, drede thou; for not with outen cause he berith the swerd, for he is the mynystre of God, vengere in to wraththe to hym that doith yuel. ⁵ And therfor bi nede be ye suget, not oneli for wraththe, but also for conscience.

¹³ Walke ye, and stonde ye in the feith; do ye manli, and be ye coumfortid in the Lord,

¹⁰ Her aftirward, britheren, be ye coumfortid in the Lord, and in the miyt of his vertu.

²⁸ Who that brekith Moises lawe, dieth withouten ony merci, bi tweine or thre witnessis; ²⁹ hou myche more gessen ye, that he disserueth worse turmentis, which defouleth the sone of God, and holdith the blood of the testament pollut, in which he is halewid, and doith dispit to the spirit of grace?

²⁵ Se ye, that ye forsake not the spekere; for if thei that forsaken him that spak on the erthe, aschapide not, myche more we that turnen awei fro him that spekith to vs fro heuenes.