John 7:31 Cross References - Wycliffe

³¹ And many of the puple bileueden in hym, and seiden, Whanne Crist schal come, whether he schal do mo tokenes, than tho that this doith?

³ and seide to him, `Art thou he that schal come, or we abiden another? <sup>4</sup> And Jhesus answeride, and seide `to hem, Go ye, and telle ayen to Joon tho thingis that ye han herd and seyn. ⁵ Blynde men seen, crokid men goon, meselis ben maad clene, deefe men heren, deed men rysen ayen, pore men ben takun to `prechyng of the gospel. ⁶ And he is blessid, that shal not be sclaundrid in me.

²³ And al the puple wondride, and seide, Whether this be the sone of Dauid?

¹³ But thei that fel on a stoon, ben these that whanne thei han herd, resseyuen the word with ioye. And these han not rootis; for at a tyme thei bileuen, and in tyme of temptacioun thei goen awei.

¹¹ Jhesus dide this the bigynnyng of signes in the Cane of Galilee, and schewide his glorie; and hise disciplis bileueden in hym.

²³ And whanne Jhesus was at Jerusalem in pask, in the feeste dai, many bileueden in his name, seynge his signes that he dide. ²⁴ But Jhesus trowide not hym silf to hem, for he knewe alle men;

² And he cam to Jhesu bi niyt, and seide to hym, Rabi, we witen, that thou art comun fro God maister; for no man may do these signes, that thou doist, but God be with hym.

³⁹ And of that citee many Samaritans bileueden in hym, for the word of the womman, that bare witnessyng, That he seide to me alle thingis that Y haue don.

² And a greet multitude suede hym; for thei sayn the tokenes, that he dide on hem that weren sijke.

¹⁴ Therfor tho men, whanne thei hadden seyn the signe that he hadde don, seiden, For this is verili the profete, that is to come in to the world. ¹⁵ And whanne Jhesus hadde knowun, that thei weren to come to take hym, and make hym kyng, he fleiy `aloone eft in to an hille.

³⁰ Whanne he spak these thingis, manye bileueden in hym. ³¹ Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis; ³² and ye schulen knowe the treuthe, and the treuthe schal make you fre.

¹⁶ Therfor summe of the Fariseis seiden, This man is not of God, that kepith not the sabat. Othere men seiden, Hou may a synful man do these signes. And strijf was among hem.

⁴¹ And manye camen to hym, and seiden, For Joon dide no myracle; ⁴² and alle thingis what euer Joon seide of this, weren sothe. And many bileueden in hym.

⁴⁵ Therfor many of the Jewis that camen to Marie and Martha, and seyn what thingis Jhesus dide, bileueden in hym.

¹¹ for manye of the Jewis wenten awei for him, and bileueden in Jhesu.

⁴² Netheles `of the pryncis manye bileueden in hym, but for the Farisees thei knowlechiden not, that thei schulden not be put out of the synagoge;

¹³ And thanne also Symount him silf bileued; and whanne he was baptisid, he drouy to Filip; and he sai also that signes and grete vertues weren don, he was astonyed, and wondride.

²⁶ For as the bodi with out spirit is deed, so also feith with out werkis is deed.