John 4:38 Cross References - Wycliffe

³⁸ Y sente you to repe, that that ye `haue not trauelid; `othere men han trauelid, and ye han entrid `in to her trauels.

¹⁵ Forsothe the Lord God of her fadris sente to hem bi the hond of hise messangeris, and roos bi nyyt, and amonestide ech day; for he sparide his puple and dwellyng place.

⁴ And Y sente to you alle my seruauntis profetis; and Y roos bi nyyte, and sente, and seide, Nyle ye do the word of sich abhomynacioun.

¹ In tho daies Joon Baptist cam, and prechide in the desert of Judee, ² and seide, Do ye penaunce, for the kyngdom of heuenes shal neiye. ³ For this is he, of whom it is seid bi Ysaie, the prophete, seyinge, A vois of a crier in desert, Make ye redi the weies of the Lord; make ye riyt the pathis of hym. ⁴ And this Joon hadde clothing of camels heeris, and a girdil of skynne aboute hise leendis; and his mete was honysoukis, and hony of the wode. ⁵ Thanne Jerusalem wente out to hym, and al Judee, and al the cuntre aboute Jordan; ⁶ and thei weren waischun of hym in Jordan, `and knowlechiden her synnes.

²³ And Jhesus yede aboute al Galilee, techynge in the synagogis of hem, and prechynge the gospel of the kyngdom, and heelynge euery languor and eche sekenesse among the puple.

⁸ Or what thing wenten ye out to see? a man clothid with softe clothis? Lo! thei that ben clothid with softe clothis ben in the housis of kyngis. ⁹ But what thing wenten ye out to se? a prophete? Yhe, Y seie to you, and more than a prophete. ¹⁰ For this is he, of whom it is writun, Lo! Y sende myn aungel bifor thi face, that shal make redi thi weye bifor thee. ¹¹ Treuli Y seie to you, ther roos noon more than Joon Baptist among the children of wymmen; but he that is lesse in the kyngdom of heuenes, is more than he. ¹² And fro the daies of Joon Baptist til now the kyngdom of heuenes suffrith violence, and violent men rauyschen it. ¹³ For alle prophetis and the lawe `til to Joon prophecieden; and if ye wolen resseyue,

⁷ This man cam in to witnessyng, that he schulde bere witnessing of the liyt, that alle men schulden bileue bi hym.

⁴¹ Thanne thei that resseyueden his word weren baptisid, and in that dai soulis weren encreesid, aboute thre thousinde;

⁴ But manye of hem that hadden herd the word, bileueden; and the noumbre of men was maad fyue thousyndis.

³² And of al the multitude of men bileuynge was oon herte and oon wille; nether ony man seide ony thingis of tho thingis that he weldide to be his owne, but alle thingis weren comyn to hem.

¹⁴ And the multitude of men and of wymmen bileuynge in the Lord was more encreessid,

⁷ And the word of the Lord wexide, and the noumbre of the disciplis in Jerusalem was myche multiplied; also myche cumpany of preestis obeiede to the feith.

⁴ And thei that weren scaterid, passiden forth, prechynge the word of God. ⁵ And Filip cam doun in to a citee of Samarie, and prechide to hem Crist. ⁶ And the puple yaf tent to thes thingis that weren seid of Filip, with o wille herynge and seynge the signes that he dide. ⁷ For manye of hem that hadden vnclene spirits, crieden with a greet vois, and wenten out. ⁸ And manye sijk in the palsi, and crokid, weren heelid.

¹⁴ But whanne the apostlis that weren at Jerusalem, hadden herd that Samarie hadde resseyued the word of God, thei senten to hem Petre and Joon. ¹⁵ And whanne thei camen, thei preieden for hem, that thei schulden resseyue the Hooli Goost; ¹⁶ for he cam not yit in to ony of hem, but thei weren baptisid oonli in the name of the Lord Jhesu. ¹⁷ Thanne thei leiden hoondis on hem, and thei resseyueden the Hooli Goost.

³⁷ Ye witen the word that is maad thorou al Judee, and bigan at Galile, aftir the baptym that Joon prechide, Jhesu of Nazareth; ³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

⁴² And he comaundide to vs to preche to the puple, and to witnesse, that he it is, that is ordeyned of God domesman of the quyk and of deede. ⁴³ To this alle prophetis beren witnessing, that alle men that bileuen in hym, schulen resseyue remyssioun of synnes bi his name.

¹¹ and souyten which euer what maner tyme the spirit of Crist signyfiede in hem, and bifor telde tho passiouns, that ben in Crist, and the latere glories. ¹² To which it was schewid, for not to hem silf, but to you thei mynystriden tho thingis, that now ben teld to you bi hem that prechiden to you bi the Hooli Goost sent fro heuene, in to whom aungelis desiren to biholde.