John 14:21 Cross References - Wycliffe

²¹ He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf.

³ and be thou a pilgrym ther ynne; and Y schal be with thee, and Y schal blesse thee; for Y schal yyue alle these cuntrees to thee and to thi seed, and Y schal fille the ooth which Y bihiyte to Abraham, thi fadir. ⁴ And Y schal multiplie thi seed as the sterris of heuene, and Y schal yyue alle these thingis to thin eyris, and alle folkis of erthe schulen be blessid in thi seed, for Abraham obeide to my vois, ⁵ and kepte `my preceptis and comaundementis, and kepte cerymonyes and lawis.

¹² And now, Israel, what axith thi Lord God of thee, no but that thou drede thi Lord, and go in hise weies, and that thou loue hym, and serue thi Lord God in al thin herte, and in al thi soule; ¹³ and that thou kepe the comaundementis of thi Lord God, and the cerymonyes of hym, whiche Y comaunde to thee to dai, that it be wel to thee.

¹³ Therfor if ye schulen obeie to myn heestis whiche Y comaunde to dai to you, that ye loue youre Lord God, and serue hym in al youre herte, and in al youre soule;

⁶ Thi Lord God schal circumcide thin herte, and the herte of thi seed, that thou loue thi Lord God in al thin herte and in al thi soule, and maist liue. ⁷ Forsothe the Lord schal turne alle these cursyngis on thin enemyes, and on hem that haten and pursuen thee. ⁸ Sotheli thou schalt turne ayen, and schalt here the vois of thi Lord God, and schalt do alle the heestis whiche Y comaunde to thee to dai;

⁴ Scharpe arowis of the myyti; with colis that maken desolat. ⁵ Allas to me! for my dwelling in an alien lond is maad long, Y dwellide with men dwellinge in Cedar; my soule was myche a comelyng. ⁶ I was pesible with hem that hatiden pees;

² And hethene men schulen se thi iust man, and alle kyngis schulen se thi noble man; and a newe name, which the mouth of the Lord nemyde, schal be clepid to thee. ³ And thou schalt be a coroun of glorie in the hond of the Lord, and a diademe of the rewme in the hond of thi God. ⁴ Thou schalt no more be clepid forsakun, and thi lond schal no more be clepid desolat; but thou schalt be clepid My wille in that, and thi lond schal be enhabitid; for it plesid the Lord in thee, and thi lond schal be enhabited. ⁵ For a yong man schal dwelle with a virgyn, and thi sones schulen dwelle in thee; and the spouse schal haue ioie on the spousesse, and thi God schal haue ioie on thee.

³¹ Lo! daies comen, seith the Lord, and Y schal smyte a newe boond of pees to the hous of Israel, and to the hous of Juda;

³³ But this schal be the couenaunte, which Y schal smyte with the hous of Israel aftir tho daies, seith the Lord; Y schal yyue my lawe in the entrails of hem, and Y schal write it in the herte of hem, and Y schal be in to God to hem, and thei schulen be in to a puple to me. ³⁴ And a man schal no more teche his neiybore, and a man his brother, and seie, Knowe thou the Lord; for alle schulen knowe me, fro the leeste of hem `til to the mooste, seith the Lord; for Y schal be merciful to the wickidnessis of hem, and Y schal no more be myndeful on the synne of hem.

²⁵ And Y schal schede out clene watir on you, and ye schulen be clensid fro alle youre filthis; and Y schal clense you fro alle youre idols. ²⁶ And Y schal yyue to you a newe herte, and Y schal sette a newe spirit in the myddis of you; and Y schal do awei an herte of stoon fro youre fleisch, and Y schal yyue to you an herte of fleisch, ²⁷ and Y schal sette my spirit in the myddis of you. And Y schal make that ye go in my comaundementis, and kepe and worche my domes.

¹⁷ Thi Lord God is strong in the myddil of thee, he schal saue; he schal make ioie on thee in gladnesse, he schal be stille in thi louyng, he schal make ioie withoutforth on thee in heriyng.

²⁸ And he seide, But yhe blessid be thei, that heren the word of God, and kepen it.

¹⁵ If ye louen me, kepe ye my comaundementis.

¹⁸ Y schal not leeue you fadirles, Y schal come to you.

²² Judas seith to hym, not he of Scarioth, Lord, what is don, that thou schalt schewe thi silf to vs, and not to the world? ²³ Jhesus answerde, and seide `to hym, If ony man loueth me, he schal kepe my word; and my fadir schal loue hym, and we schulen come to hym, and we schulen dwelle with hym. ²⁴ He that loueth me not, kepith not my wordis; and the word which ye han herd, is not myn, but the fadris, that sente me.

⁹ As my fadir louede me, Y haue loued you; dwelle ye in my loue. ¹⁰ If ye kepen my comaundementis, ye schulen dwelle in my loue; as Y haue kept the comaundementis of my fadir, and Y dwelle in his loue.

¹⁴ Ye ben my freendis if ye doen tho thingis, that Y comaunde to you.

¹⁴ He schal clarifie me, for of myne he schal take, and schal telle to you.

²⁷ for the fadir hym silf loueth you, for ye han loued me, and han bileued, that Y wente out fro God.

²³ as we ben oon; Y in hem, and thou in me, that thei be endid in to oon; and that the world knowe, that thou sentist me, and hast loued hem, as thou hast loued also me.

⁹ And the Lord seide bi nyyt to Poul bi a visioun, Nyle thou drede, but speke, and be not stille; ¹⁰ for Y am with thee, and no man schal be put to thee to noye thee, for myche puple is to me in this citee. ¹¹ And he dwellide there a yeer and sixe monethis, techinge among hem the word of God.

¹⁸ and Y siy him seiynge to me, Hiye thou, and go out faste of Jerusalem, for thei schulen not resseyue thi witnessing of me.

¹⁸ And alle we that with open face seen the glorie of the Lord, ben transformed in to the same ymage, fro clerenesse in to clerenesse, as of the spirit of the Lord.

⁶ For God, that seide liyt to schyne of derknessis, he hath youe liyt in oure hertis, to the liytnyng of the science of the clerenesse of God, in the face of Jhesu Crist.

¹⁴ For the charite of Crist dryueth vs; gessynge this thing, that if oon died for alle, thanne alle weren deed. ¹⁵ And Crist diede for alle, that thei that lyuen, lyue not now to hem silf, but to hym that diede for hem, and roos ayen.

⁸ For whiche thing thries Y preiede the Lord, that it schulde go awei fro me.

¹⁶ and conferme in al good werk and word.

¹⁷ But the Lord helpide me, and coumfortide me, that the preching be fillid bi me, and that alle folkis here, that Y am delyueride fro the mouth of the lioun. ¹⁸ And the Lord delyueride me fro al yuel werk, and schal make me saaf in to his heuenly kingdom, to whom be glorie in to worldis of worldis.

²² Oure Lord Jhesu Crist be with thi spirit. The grace of God be with you. Amen.

²³ And the scripture was fillid, seiynge, Abraham bileuede to God, and it was arettid to hym to riytwisnesse, and he was clepid the freend of God. ²⁴ Ye seen that a man is iustified of werkis, and not of feith oneli.

¹ That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid. ² And we sayn, and we witnessen, and tellen to you the euerlastynge lijf, that was anentis the fadir, and apperide to vs. ³ Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.

⁵ But the charite of God is perfit verili in hym, that kepith his word. In this thing we witen, that we ben in hym, if we ben perfit in hym.

¹ Se ye what maner charite the fadir yaf to vs, that we be named the sones of God, and ben hise sones. For this thing the world knewe not vs, for it knew not hym.

¹⁸ Mi litle sones, loue we not in word, nethir in tunge, but in werk and treuthe. ¹⁹ In this thing we knowen, that we ben of treuthe, and in his siyt we monesten oure hertis. ²⁰ For if oure herte repreueth vs, God is more than oure hert, and knowith alle thingis. ²¹ Moost dere britheren, if oure herte repreueth not vs, we han trust to God; ²² and what euer we schulen axe, we schulen resseyue of hym, for we kepen hise comaundementis, and we don tho thingis that ben plesaunt bifor hym. ²³ And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs. ²⁴ And he that kepith hise comaundementis, dwellith in hym, and he in hym. And in this thing we witen, that he dwellith in vs, bi the spirit, whom he yaf to vs.

³ For this is the charite of God, that we kepe hise maundementis; and his maundementis ben not heuy.

⁶ And this is charite, that we walke after his maundementis. For this is the comaundement, that as ye herden at the bigynnyng, walke ye in hym.

¹⁷ He that hath eeris, here he, what the spirit seith to the chirches. To him that ouercometh Y schal yyue aungel mete hid; and Y schal yyue to hym a whiit stoon, and in the stoon a newe name writun, which no man knowith, but he that takith.

²⁰ Lo! Y stonde at the dore, and knocke; if ony man herith my voys, and openith the yate to me, Y shal entre to hym, and soupe with hym, and he with me.

¹⁴ Blessid be thei, that waischen her stoolis, that the power of hem be in the tree of lijf, and entre bi the yatis in to the citee.