Job 24:4 Cross References - Wycliffe

⁴ Thei distrieden the weie of pore men, and thei oppressiden togidere the mylde men of erthe.

¹⁴ A mansleere risith ful eerli, and sleeth a nedi man, and a pore man; sotheli bi nyyt he schal be as a nyyt theef.

¹² for Y hadde delyueride a pore man criynge, and a fadirles child, that hadde noon helpere.

²⁵ Y wepte sum tyme on him, that was turmentid, and my soule hadde compassioun on a pore man.

¹⁶ If Y denyede to pore men that, that thei wolden, and if Y made the iyen of a wydewe to abide;

¹ The title of the oon and fourtithe salm. To victorie, to the sones of Chore.

¹⁶ He that falsli chalengith a pore man, to encreesse hise owne richessis, schal yyue to a richere man, and schal be nedi.

¹² In enhaunsing of iust men is miche glorie; whanne wickid men regnen, fallyngis of men ben.

²⁸ Whanne vnpitouse men risen, men schulen be hid; whanne tho `vnpitouse men han perischid, iust men schulen be multiplied.

¹⁴ A generacioun that hath swerdis for teeth, and etith with hise wank teeth; that it ete nedi men of erthe, and the porails of men.

² and to do violence to the cause of meke men of my puple; that widewis schulen be the prey of them, and that thei schulden rauysche fadirles children.

¹² makynge soreuful a nedy man and pore, rauyschynge raueyns, not yeldinge a wed, reisynge hise iyen to idols, doynge abhomynacioun; yiuynge to vsure, and takynge more;

¹⁸ For his fadir made fals caleng, and dide violence to his brother, and wrouyte yuel in the myddis of his puple, lo! he is deed in his wickidnesse.

²⁹ The puples of the lond calengiden fals caleng, and rauyschiden bi violence; thei turmentiden a nedi man and pore, and oppressiden a comeling bi fals caleng, with out doom.

⁷ Whiche al to-foulen the heedis of pore men on the dust of erthe, and bowen awei the weie of meke men; and the sone and his fadir yeden to a damesele, that thei schulden defoule myn hooli name.

⁴ Here ye this thing, whiche al to-breken a pore man, and maken nedi men of the lond for to faile; ⁵ and ye seien, Whanne schal heruest passe, and we schulen sille marchaundises? and the sabat, and we schulen opene wheete? that we make lesse the mesure, and encreesse the cicle, and `vndur put gileful balauncis; ⁶ that we welde bi siluer nedi men and pore men for schoon, and we sille outcastyngis of wheete?

¹ Wo to you, that thenken vnprofitable thing, and worchen yuele in youre beddis; in the morewtid liyt thei don it, for the hond of hem is ayenus God. ² Thei coueitiden feeldis, and tooken violentli; and rauyschiden housis, and falsli calengiden a man and his hous, a man and his eritage.

⁴ Lo! the hire of youre werke men, that repiden youre feeldis, which is fraudid of you, crieth; and the cry of hem hath entrid in to the eeris of the Lord of oostis. ⁵ Ye han ete on the erthe, and in youre letcheries ye han nurschid youre hertis. In the dai of sleyng ye brouyten, ⁶ and slowen the iust man, and he ayenstood not you.