Job 24:14 Cross References - Wycliffe

¹⁴ A mansleere risith ful eerli, and sleeth a nedi man, and a pore man; sotheli bi nyyt he schal be as a nyyt theef.

¹⁴ Therfor the morewtid was maad, and Dauid wroot epistle to Joab, and sente bi the hond of Vrye, ¹⁵ and wroot in the pistle, Sette ye Vrye euene ayens the batel, where the batel is strongeste, `that is, where the aduersaries ben stronge, and forsake ye hym, that he be smitun and perische. ¹⁶ Therfor whanne Joab bisegide the citee, he settide Vrie in the place where he wiste that strongeste men weren. ¹⁷ And men yeden out of the citee, and fouyten ayens Joab, and thei killiden of the puple of seruauntis of Dauid, and also Vrye Ethei was deed.

⁸ For the Lord is riytful, and louede riytfulnessis; his cheer siy equite, `ethir euennesse.

¹ Wo to you, that thenken vnprofitable thing, and worchen yuele in youre beddis; in the morewtid liyt thei don it, for the hond of hem is ayenus God. ² Thei coueitiden feeldis, and tooken violentli; and rauyschiden housis, and falsli calengiden a man and his hous, a man and his eritage.

³⁹ And wite ye this thing, for if an hosebonde man wiste, in what our the theef wolde come, sotheli he schulde wake, and not suffre his hous to be myned.

⁷ Therfor nyle ye be maad parteneris of hem. ⁸ For ye weren sum tyme derknessis, but now `ye ben liyt in the Lord. Walke ye as the sones of liyt. <sup>9</sup> For the fruyt of liyt is in al goodnesse, and riytwisnesse, and treuthe. <sup>10</sup> And preue ye what `thing is wel plesynge to God. ¹¹ And nyle ye comyne to vnfruytouse werkis of derknessis; but more repreue ye.

² For ye silf witen diligentli, that the dai of the Lord schal come, as a theef in the niyt.

³ Therfor haue thou in mynde, hou thou resseyuedist, and herdist; and kepe, and do penaunce. Therfor if thou wake not, Y schal come as a nyyt theef to thee, and thou schalt not wite in what our Y schal come to thee.