Jeremiah 20:18 Cross References - Wycliffe

¹⁸ Whi yede Y out of the wombe, that Y schulde se trauel and sorewe, and that mi daies schulen be waastid in schenschipe?

¹⁶ Also God seide to the womman, Y schal multiplie thi wretchidnessis and thi conseyuyngis; in sorewe thou schalt bere thi children; and thou schalt be vndur power of the hosebonde, and he schal be lord of thee. ¹⁷ Sothely God seyde to Adam, For thou herdist the voys of thi wijf, and hast ete of the tree, of which Y comaundide to thee that thou schuldist not ete, the erthe schal be cursid in thi werk; in traueylis thou schalt ete therof in alle daies of thi lijf; ¹⁸ it schal brynge forth thornes and breris to thee, and thou schalt ete eerbis of the erthe; ¹⁹ in swoot of thi cheer thou schalt ete thi breed, til thou turne ayen in to the erthe of which thou art takun; for thou art dust, and thou schalt turne ayen in to dust. ²⁰ Whi is liyt youun to the wretche, and lijf to hem that ben in bitternesse of soule?

¹ A man is borun of a womman, and lyueth schort tyme, and is fillid with many wretchidnessis.

¹³ Who yiueth this to me, that thou defende me in helle, and that thou hide me, til thi greet veniaunce passe; and thou sette to me a tyme, in which thou haue mynde on me?

⁹ For thou, Lord, art myn hope; thou hast set thin help altherhiyeste. ¹⁰ Yuel schal not come to thee; and a scourge schal not neiye to thi tabernacle.

⁶ Fro the sole of the foot til to the nol, helthe is not ther ynne; wounde, and wannesse, and betyng bolnynge is not boundun aboute, nether curid bi medicyn, nether nurschid with oile.

⁷ Ye puple, that knowen the iust man, here me, my lawe is in the herte of hem; nyle ye drede the schenschipe of men, and drede ye not the blasfemyes of hem.

¹⁸ My sorewe is on sorewe, myn herte is mourenynge in me.

¹² Lameth. A! alle ye that passen bi the weie, perseyue, and se, if ony sorewe is as my sorewe; for he gaderide awei grapis fro me, as the Lord spak in the day of wraththe of his strong veniaunce.

¹ Aleph. I am a man seynge my pouert in the yerde of his indignacioun.

²⁰ Treuli, treuli, Y seie to you, that ye schulen mourne and wepe, but the world schal haue ioye; and ye schulen be soreuful, but youre sorewe schal turne in to ioye.

⁴¹ And thei wenten ioiynge fro the siyt of the counsel, that thei weren had worthi to suffre dispisyng for the name of Jhesu. But ech dai thei ceessiden not in the temple, and aboute housis, to teche and to preche Jhesu Crist.

⁹ And Y gesse, that God schewide vs the laste apostlis, as thilke that ben sent to the deth; for we ben maad a spectacle to the world, and to aungels, and to men. ¹⁰ We foolis for Crist, but ye prudent in Crist; we sike, but ye stronge; ye noble, but we vnnoble. ¹¹ Til in to this our we hungren, and thirsten, and ben nakid, and ben smytun with buffatis, ¹² and we ben vnstable, and we trauelen worchynge with oure hondis; we ben cursid, and we blessen; we suffren persecucioun, and we abiden longe; we ben blasfemyd, and we bisechen; ¹³ as clensyngis of this world we ben maad the `out castyng of alle thingis `til yit.

¹² For which cause also Y suffre these thingis; but Y am not confoundid. For Y woot to whom Y haue bileuyd, and Y am certeyne that he is miyti for to kepe that is take to my keping in to that dai.

³⁶ For pacience is nedeful to you, that ye do the wille of God, and bringe ayen the biheest.

³⁶ And othere asaieden scornyngis and betingis, more ouer and boondis and prisouns.

² biholdinge in to the makere of feith, and the perfit endere, Jhesu; which whanne ioye was purposid to hym, he suffride the cros, and dispiside confusioun, and sittith on the riythalf of the seet of God.

¹³ Therfor go we out to hym with out the castels, berynge his repreef.

¹⁴ If ye ben dispisid for the name of Crist, ye schulen be blessid; for that that is of the onour, and of the glorie, and of the vertu of God, and the spirit that is his, schal reste on you. ¹⁵ But no man of you suffre as a mansleere, ethir a theef, ether cursere, ethir a disirere of othere mennus goodis; ¹⁶ but if as a cristen man, schame he not, but glorifie he God in this name.