Isaiah 24:11 Cross References - Wycliffe

¹¹ Cry schal be on wyn in streetis, al gladnesse is forsakun, the ioie of erthe is `takun awei.

⁶ Yyue ye sidur to hem that morenen, and wyn to hem that ben of bitter soule.

²² And it schal loke to the erthe, and lo! tribulacioun, and derknessis, and vnbyndyng, ether discoumfort, and angwisch, and myist pursuynge; and it schal not mow fle awei fro his angwisch.

¹⁹ In the wraththe of the Lord of oostis the lond schal be disturblid, and the puple schal be as the mete of fier; a man schal not spare his brothir.

¹⁰ And gladnesse and ful out ioiyng schal be takun awei fro Carmele; and noon schal make ful out ioye, nether schal synge hertli song in vyneris. He that was wont to wringe out, schal not wrynge out wyn in a pressour; Y haue take awei the vois of wryngeris out.

⁷ Vyndage morenyde, the vyne is sijk; alle men that weren glad in herte weiliden. ⁸ The ioie of tympans ceesside, the sowne of glad men restide; the swetnesse of harpe with song was stille. ⁹ Thei schulen not drynke wyn; a bittere drynk schal be to hem that schulen drynke it.

¹³ Thornes and breris schulen stie on the erthe of my puple; hou myche more on alle the housis of ioie of the citee makynge ful out ioie?

³³ Ful out ioye and gladnesse is takun awei fro Carmele, and fro the lond of Moab, and Y haue take awei wyn fro pressouris; a stampere of grape schal not synge a customable myri song.

¹⁴ Elde men failiden fro yatis; yonge men failiden of the queer of singeris. ¹⁵ The ioie of oure herte failide; oure song is turned in to mourenyng.

¹⁴ And thei crieden not to me in her herte, but yelliden in her beddis. Thei chewiden code on wheete, and wyn, and thei yeden awei fro me.

¹⁵ A! A! to the dai; for the dai of the Lord is niy, and schal come as a tempest fro the myyti.

¹⁶ Therfor the Lord God of oostis, hauynge lordschipe, seith these thingis, Weilyng schal be in alle stretis, and in alle thingis that ben withoutforth it schal be seid, Wo! wo! and thei schulen clepe an erthe tilier to mourenyng, and hem that kunnen weile, to weilyng. ¹⁷ And weilyng schal be in alle weies, for Y schal passe forth in the myddil of `the see, seith the Lord. ¹⁸ Wo to hem that desiren the dai of the Lord; wher to desiren ye it to you? This dai of the Lord schal be derknessis, and not liyt. ¹⁹ As if a man renne fro the face of a lioun, and a bere renne to hym; and he entre in to the hous, and lene with his hond on the wal, and a serpent dwellynge in schadewe bite hym. ²⁰ Whether the dai of the Lord schal not be derknessis, and not liyt; and myist, and not schynyng ther ynne?

¹¹ And the kyng entride, to se men sittynge at the mete; and he siye there a man not clothid with bride cloth. ¹² And he seide to hym, Freend, hou entridist thou hidir with out bride clothis? And he was doumbe. ¹³ Thanne the kyng bad hise mynystris, Bynde hym bothe hondis and feet, and sende ye him in to vtmer derknessis; there schal be wepyng and grentyng of teeth.

²⁵ And Abraham seide to hym, Sone, haue mynde, for thou hast resseyued good thingis in thi lijf, and Lazarus also yuel thingis; but he is now coumfortid, and thou art turmentid.