Hebrews 3 Cross References - Wycliffe

¹ Therfor, hooli britheren, and parceneris of heuenli cleping, biholde ye the apostle and the bischop of oure confessioun, Jhesu, ² which is trewe to hym that made hym, as also Moises in al the hous of hym. ³ But this byschop is had worthi of more glorie than Moises, bi as myche as he hath more honour of the hous, that made the hous. ⁴ For ech hous is maad of sum man; he that made alle thingis of nouyt is God. ⁵ And Moises was trewe in al his hous, as a seruaunt, in to witnessyng of tho thingis that weren to be seid; ⁶ but Crist as a sone in his hous. Which hous we ben, if we holden sad trist and glorie of hope in to the ende. ⁷ Wherfor as the Hooli Goost seith, To dai, if ye han herd his vois, nyle ye hardne youre hertis, ⁸ as in wraththing, lijk the dai of temptacioun in desert; ⁹ where youre fadris temptiden me, and preueden, and siyen my werkis fourti yeeris. ¹⁰ Wherfor Y was wrooth to this generacioun, and Y seide, Euere more thei erren in herte, for thei knewen not my weies; ¹¹ to whiche Y swore in my wraththe, thei schulen not entre in to my reste. ¹² Britheren, se ye, lest perauenture in ony of you be an yuel herte of vnbileue, to departe fro the lyuynge God. ¹³ But moneste you silf bi alle daies, the while to dai is named, that noon of you be hardned bi fallas of synne. ¹⁴ For we ben maad parceneris of Crist, if netheles we holden the bigynnyng of his substaunce sad in to the ende. ¹⁵ While it is seid, to dai, if ye han herd the vois of hym, nyle ye hardne youre hertis, as in that wraththing. ¹⁶ For summen heringe wraththiden, but not alle thei that wenten out of Egipt bi Moises. ¹⁷ But to whiche was he wraththid fourti yeeris? Whether not to hem that synneden, whos careyns weren cast doun in desert? ¹⁸ And to whiche swoor he, that thei schulden not entre in to the reste of hym, not but to hem that weren vnbileueful? ¹⁹ And we seen, that thei myyten not entre in to the reste of hym for vnbileue.

⁶ and repentide him that he hadde maad man in erthe; and God was war bifore ayens tyme to comyng, and was touchid with sorewe of herte with ynne;

²¹ And the Lord sauerede the odour of swetnesse, and seide to hym, Y schal no more curse the erthe for men, for the wit and thouyt of mannus herte ben redi in to yuel fro yong wexynge age; therfor Y schal no more smyte ech lyuynge soule as Y dide;

¹⁵ Sotheli Farao seiy that reste was youun, and he made greuous his herte, and herde not hem, as the Lord comaundide.

³¹ and thei seiyen the greet hond which the Lord hadde vsid ayens hem; and the puple dredde the Lord, and thei bileueden to the Lord, and to Moises his seruaunt.

⁷ and he clepide the name of that place Temptacioun, for the chidyng of the sones of Israel, and for thei temptiden the Lord, and seiden, Whether the Lord is in vs, ether nay?

⁴ Ye silf han seyn what thingis Y haue do to Egipcians, how Y bar you on the wengis of eglis, and took to me.

²² And the Lord seide ferthermore to Moises, Thou schalt seie these thingis to the sones of Israel, Ye seiyen that fro heuene Y spak to you;

⁷ And he seide, And my seruaunt Moises is not siche, which is moost feithful in al myn hows;

² and alle the sones of Israel grutchiden ayens Moises and Aaron, and seiden,

⁴ And thei seiden oon to another, Ordeyne we a duyk to vs, and turne we ayen in to Egipt.

¹¹ And the Lord seide to Moises, Hou long schal this puple bacbite me? Hou longe schulen thei not bileue to me in alle `signes, whiche Y haue do bifor hem?

²⁰ And the Lord seide, Y haue foryouun to hem, bi thi word. ²¹ Y lyue; and the glorie of the Lord schal be fillid in al erthe; ²² netheles alle men that sien my mageste, and my signes, whiche Y dide in Egipt and in the wildirnesse, and temptiden me now bi ten sithis, and obeieden not to my vois,

²² netheles alle men that sien my mageste, and my signes, whiche Y dide in Egipt and in the wildirnesse, and temptiden me now bi ten sithis, and obeieden not to my vois, ²³ schulen not se the lond for which Y swore to her fadris, nethir ony of hem that bacbitide me, schal se it.

²³ schulen not se the lond for which Y swore to her fadris, nethir ony of hem that bacbitide me, schal se it. ²⁴ Y schal lede my seruaunt Caleph, that was ful of anothir spirit, and suede me, in to this lond, which he cumpasside, and his seed schal welde it. ²⁵ For Amalech and Cananei dwellen in the valeis, to morewe moue ye tentis, and turne ye ayen in to wildirnesse bi the weie of the reed see.

²⁷ Hou long grutchith this werste multitude ayens me? Y haue herd the pleyntis of the sones of Israel. ²⁸ Therfor seie thou to hem, Y lyue, seith the Lord; as ye spaken while Y herde, so Y schal do to you; ²⁹ youre careyns schulen ligge in this wildirnesse. Alle ye that ben noumbrid, fro twenti yeer and aboue, and grutchiden ayens me,

²⁹ youre careyns schulen ligge in this wildirnesse. Alle ye that ben noumbrid, fro twenti yeer and aboue, and grutchiden ayens me, ³⁰ schulen not entre in to the lond, on which Y reiside myn hond, that Y schulde make you to dwelle outakun Caleph, the sone of Jephone, and Josue, the sone of Nun.

³⁰ schulen not entre in to the lond, on which Y reiside myn hond, that Y schulde make you to dwelle outakun Caleph, the sone of Jephone, and Josue, the sone of Nun.

³² Forsothe youre careyns schulen ligge in the wildirnesse; ³³ youre sones schulen be walkeris aboute in the deseert bi fourti yeer, and thei schulen bere youre fornycacioun, til the careyns of the fadris ben wastid in the deseert,

³³ youre sones schulen be walkeris aboute in the deseert bi fourti yeer, and thei schulen bere youre fornycacioun, til the careyns of the fadris ben wastid in the deseert,

³⁵ For as Y spak, so Y schal do to al this werste multitude, that roos to gidere ayens me; it schal faile, and schal die in this wildirnesse.

³⁸ Sotheli Josue, the sone of Nun, and Caleph, the sone of Jephone, lyueden, of alle men that yeden to se the lond.

¹² And the Lord seide to Moises and to Aaron, For ye bileueden not to me, that ye schulden halewe me bifor the sones of Israel, ye schulen not lede these puples in to the lond which Y schal yyue to hem.

⁶⁴ among whiche noon of hem was that weren noumbrid bifor of Moises and Aaron, in the deseert of Synay; ⁶⁵ for the Lord bifore seide, that alle schulden die in `the wildirnesse; and noon of hem dwellide, no but Caleph, `the sone of Jephone, and Josue, the sone of Nun.

⁶⁵ for the Lord bifore seide, that alle schulden die in `the wildirnesse; and noon of hem dwellide, no but Caleph, `the sone of Jephone, and Josue, the sone of Nun.

¹⁰ And the Lord was wrooth, and swoor, ¹¹ seiynge, Thes men that stieden fro Egipt, fro twenti yeer and aboue, schulen not se the lond which Y bihiyte vndur an ooth to Abraham, Isaac, and Jacob, and nolden sue me, ¹² outakun Caleph, Cenezei, the sone of Jephone, and Josue, the sone of Nun; these tweyne filliden my wille. ¹³ And the Lord was wrooth ayens Israel, and ledde hym aboute the deseert bi fourti yeer, til al the generacioun was wastid, that hadde do yuel in the `siyt of the Lord.

²⁶ And ye `nolden stie, but ye weren vnbileueful to the word of oure Lord God. <sup>27</sup> And ye grutchiden in youre tabernaclis, and ye seiden, The Lord hatith vs, and herfor he ledde vs out of the lond of Egipt, that he schulde bitake vs in the hond of Ammorey, and schulde do awei vs. <sup>28</sup> Whidur schulen we stie? the messangeris maden aferd oure herte, and seiden, A grettiste multitude is, and largere in stature than we; the citees ben greete, and wallid `til to the heuene; we sien there the sones of Enachym, that is, giauntis. ²⁹ And Y seide to you, `Nyle ye drede `with ynne, nether `drede withoutforth; the Lord God hym silf, ³⁰ which is youre ledere, schal fiyte for you, as he dide in Egipt, while alle men sien. ³¹ And ye sien in the wildirnesse, thi Lord God bar thee, as a man is wont to bere his litil sone, in al the weie bi which ye yeden til ye camen to this place. ³² And sotheli nether so ye bileueden to youre Lord God, that yede bifor you in the weie,

³⁴ And whanne the Lord hadde herd the vois of youre wordis, he was wrooth, ³⁵ and swoor, and seide, Noon of the men of this werste generacioun schal se the good lond, which Y bihiyte vndur an ooth to youre fadris,

³⁵ and swoor, and seide, Noon of the men of this werste generacioun schal se the good lond, which Y bihiyte vndur an ooth to youre fadris, ³⁶ outakun Caleph, the sone of Jephone; for he schal se it, and Y schal yyue to hym the lond on which he trad, and to hise sones, for he suede the Lord.

³⁸ Nether thou schalt entre thidur, but Josue, the sone of Nun, thi mynystre, he schal entre for thee; excyte and strengthe thou him, and he schal departe the lond bi lot to Israel.

¹⁴ Sotheli the tyme in whiche we yeden fro Cades Barne `til to the passynge of the stronde of Zared, was of eiyte and thretti yeer, til al the generacioun of `men fiyteris was wastid fro `the castels, as the Lord hadde swore; whos hond was ayens hem, <sup>15</sup> that thei schulden perische fro the myddis of `the castels. ¹⁶ Forsothe after that alle the fiyteris felden doun,

²⁴ for noon other God is ether in heuene, ether in erthe, that mai do thi werkis, and may be comparisound to thi strengthe.

³ Youre iyen sien alle thingis whiche the Lord dide ayens Belphegor; how he alto brak alle the worschiperis `of hym fro the myddis of you.

⁵ Ye witen that Y tauyte you the comaundementis and riytfulnessis, as my Lord God comaundide to me; so ye schulen do tho in the lond whiche ye schulen welde,

⁹ Therfor kepe thi silf, and thi soule bisili; foryete thou not the wordis whiche thin iyen sien, and falle tho not doun fro thin herte, in alle the daies of thi lijf. Thou schalt teche tho thi sones and thi sones sones.

¹⁶ Thou schalt not tempte thi Lord God, as thou temptidist in the place of temptyng.

² And thou schalt haue mynde of al the weie, bi which thi Lord God ledde thee by fourti yeer, bi deseert, that he schulde turmente, and schulde tempte thee; and that tho thingis that weren tretid in `thi soule schulden be knowun, whether thou woldist kepe hise comaundementis, ethir nay.

⁴ Thi cloth, bi which thou were hilid, failide not for eldnesse, and thi foot was not brokun undernethe, lo!

²² Also in the brennyng, and in the temptacioun at the watris of ayenseiyng, and in the Sepulcris of Coueytise, ye terriden the Lord; ²³ and whanne Y sente you fro Cades Barne, and seide, `Stye ye, and welde the lond which Y yaf to you, and ye dispisiden the comaundement of youre Lord God, and ye bileueden not to him, nether ye wolden here his vois;

²³ and whanne Y sente you fro Cades Barne, and seide, `Stye ye, and welde the lond which Y yaf to you, and ye dispisiden the comaundement of youre Lord God, and ye bileueden not to him, nether ye wolden here his vois; ²⁴ but euere ye weren rebel, fro the day in which Y bigan to knowe you.

⁷ Youre iyen sien alle the grete werkis of the Lord,

¹⁵ Thi Lord God schal reise a prophete of thi folk and of thi britheren as me, thou schalt here hym; ¹⁶ as thou axidist of thi Lord God in Oreb, whanne the cumpany was gaderid, and thou seidist, Y schal no more here the vois of my Lord God, and Y schal no more se `this grettiste fier, lest Y die. <sup>17</sup> And the Lord seide to me, Thei spaken wel alle thingis. <sup>18</sup> Y schal reise to hem a prophete, lijk thee, of the myddis of her britheren, and Y schal putte my wordis in his mouth, and he schal speke to hem alle thingis, whiche I schal comaunde to him. <sup>19</sup> Forsothe Y schal be vengere of `that man, that nyle here the wordis `of hym, whiche he schal speke in my name.

² And Moises clepid al Israel, and seide to hem, Ye sien alle thingis whiche the Lord dide bifor you in the lond of Egipt, to Farao and alle hise seruauntis, and to al his lond;

⁵ And Moyses, the seruaunt of the Lord, was deed there, in the lond of Moab, `for the Lord comaundide.

² rise thou, and passe this Jordan, thou, and al the puple with thee, in to the lond which Y schal yyue to the sones of Israel.

⁷ Therfor be thou coumfortid, and be thou ful strong, that thou kepe and do al the lawe, which Moyses, my seruaunt, comaundide to thee; bowe thou not fro it to the riyt side, ether to the left side, that thou vndirstonde alle thingis whiche thou doist.

¹⁵ til the Lord yyue reste to youre britheren, as `he yaf also to you, and `til also thei welden the lond which youre Lord God schal yyue to hem; and so turne ye ayen in to the lond of youre possessioun, and ye schulen dwelle in that lond which Moises, `seruaunt of the Lord, yaf to you ouer Jordan, ayens the `rysyng of the sunne.

⁶ that was borun in deseert bi fourti yeer, in the weie of broddeste wildirnesse, was vncircumsidid til thei weren waastid, that herden not the `vois of the Lord, and to whiche he swoor bifore, that he schulde schewe to hem the lond flowynge with mylk and hony.

³¹ as Moises, the `seruaunt of the Lord, comaundide to the sones of Israel, and it is writun in the book of Moises lawe, an auter of stoonys vnpolischid, whiche yrun touchide not. And he offride theron brent sacrifice to the Lord, and he offride pesible sacrifices;

³³ Sotheli al the puple, and the grettere men in birthe, and the duykis, and iugis stoden on `euer either side of the arke, in the siyt of preestis and dekenes, that baren the arke of boond of pees of the Lord; as a comeling, so and a man borun in the lond; the mydil part of hem stood bisidis the hil Garasym, and the myddil part stood bisidis the hil Hebal, as Moises, the `seruaunt of the Lord, comaundide. And first `sotheli he blesside the puple of Israel.

⁷ Y was of fourti yeer, whanne Moises, `seruaunt of the Lord, sente me fro Cades Barne, that Y schulde biholde the lond, and Y teelde to hym that, that semyde soth to me. <sup>8</sup> Forsothe my britheren, thats tieden with me, discoumfortiden the herte of the puple, and neuertheles Y suede my Lord God. <sup>9</sup> And Moises swoor in that dai, and seide, The lond, which thi foot trad, schal be thi possessioun, and of thi sones withouten ende; for thou suedist thi Lord God. <sup>10</sup> Sotheli the Lord grauntide lijf to me, as he bihiyte, `til in to present dai. Fourti yeer and fyue ben, sithen the Lord spak this word to Moises, whanne Israel yede bi the wildirnesse. To dai Y am of `foure scoor yeer and fyue, <sup>11</sup> and Y am as myyti, as Y was myyti in that time, whanne Y was sent to aspie; the strengthe `of that tyme dwellith stabli in me `til to dai, as wel to fiyte, as to go.

³ and ye seen alle thingis whiche youre Lord God hath do to alle naciouns `bi cumpas, hou he fauyt for you.

⁷ Forsothe the sones of Israel crieden to the Lord, and he settide derknessis bitwixe you and Egipcians; and he brouyte the see on hem, and hilide hem. Youre iyen sien alle thingis, whiche Y dide in Egipt. And ye dwelliden in wildirnesse in myche tyme.

¹⁶ And thei seiden these thingis, and castiden forth fro her coostis alle the idols of alien goddis, and serueden the Lord; which hadde `rewthe, ether compassioun, on the `wretchidnessis of hem.

⁶ Whi maken ye heuy youre hertis, as Egipt, and Farao `made heuy his herte? Whether not after that he was smytun, thanne he delyuerede hem, and thei yeden forth?

⁶ And Samuel seide to the puple, The Lord, that made Moises and Aaron, and ledde youre fadris out of the lond of Egipt, is present;

² The spiryt of the Lord spak bi me, and his word bi my tunge.

¹⁴ Whiche herden not, but maden hard her nol bi the nol of her fadris, that nolden obeie to her Lord God.

⁸ Nyle ye make hard youre nollis, as youre fadris diden; yyue ye hondis to the Lord, and come ye to his seyntuarie, which he halewide withouten ende; serue ye the Lord God of youre fadris, and the ire of his strong veniaunce schal `be turned awey fro you.

¹³ Also he yede awey fro the kyng Nabugodonosor, that hadde made hym to swere bi God; and he made hard his nol and herte, that he nolde turne ayen to the Lord of Israel.

¹⁴ And thou schewidist to hem an halewid sabat; and thou comaundidist `to hem comaundementis, and cerymonyes, and lawe, in the hond of Moises, thi seruaunt.

¹⁶ But `thei and oure fadris diden proudli, and maden hard her nollis, and herden not thi comaundementis.

¹⁰ And `sche nolde schewe to hym hir puple and hir cuntrei; for Mardoche hadde comaundid to hir, that in al maner sche schulde be stille of this thing.

⁹ If it plesith thee, `deme thou that it perisch, and Y schal paie ten thousynde of talentis to the keperis of thi tresour.

⁴ He is wiys in herte, and strong in myyt; who ayenstood hym, and hadde pees?

¹⁴ Whiche men seiden to God, Go thou awei fro us; we nylen the kunnyng of thi weies.

¹⁷ Whiche seiden to God, Go thou awei fro vs; and as if Almyyti God may do no thing, thei gessiden hym,

⁶ Forsothe Y am maad of hym a kyng on Syon, his hooli hil; prechynge his comaundement. ⁷ The Lord seide to me, Thou art my sone; Y haue gendrid thee to dai.

¹² Take ye lore; lest the Lord be wrooth sumtyme, and lest ye perischen fro iust waie.

² God rise vp, and hise enemyes be scaterid; and thei that haten hym fle fro his face.

⁸ Haue thou not mynde on oure elde wickidnesses; thi mercies bifore take vs soone, for we ben maad pore greetli.

⁷ Ye cuntrees of hethene men, brynge to the Lord, bringe ye glorye and onour to the Lord;

⁷ Ye cuntrees of hethene men, brynge to the Lord, bringe ye glorye and onour to the Lord; ⁸ bringe ye to the Lord glorie to hys name. Take ye sacrificis, and entre ye in to the hallis of hym; ⁹ herie ye the Lord in his hooli halle. Al erthe be moued of his face; ¹⁰ seie ye among hethene men, that the Lord hath regned. And he hath amendid the world, that schal not be moued; he schal deme puplis in equite.

¹⁰ seie ye among hethene men, that the Lord hath regned. And he hath amendid the world, that schal not be moued; he schal deme puplis in equite. ¹¹ Heuenes be glad, and the erthe make ful out ioye, the see and the fulnesse therof be moued togidere; feeldis schulen make ioye,

¹¹ Heuenes be glad, and the erthe make ful out ioye, the see and the fulnesse therof be moued togidere; feeldis schulen make ioye,

²⁶ And he reiside his hond on hem; to caste doun hem in desert.

¹⁴ And he ledde hem out of derknessis, and schadowe of deth; and brak the boondis of hem.

²⁴ Thei sien the werkis of the Lord; and hise merueilis in the depthe. ²⁵ He seide, and the spirit of tempest stood; and the wawis therof weren arerid. ²⁶ Thei stien til to heuenes, and goen doun `til to the depthis; the soule of hem failide in yuelis.

⁴ The Lord merciful in wille, and a merciful doere, hath maad a mynde of hise merueilis;

³² The turnyng awei of litle men in wit schal sle hem; and the prosperite of foolis schal leese hem.

¹ Haue thou not glorie on the morewe, `not knowynge what thing the dai to comynge schal bringe forth.

¹⁴ Blessid is the man, which is euere dredeful; but he that is `harde of soule, schal falle in to yuel.

²⁶ He that tristith in his herte, is a fool; but he that goith wiseli,

¹ Sodeyn perischyng schal come on that man, that with hard nol dispisith a blamere; and helth schal not sue hym.

¹⁰ Worche thou bisili, what euer thing thin hond mai do; for nether werk, nether resoun, nethir kunnyng, nether wisdom schulen be at hellis, whidir thou haastist.

³ An oxe knew his lord, and an asse knew the cratche of his lord; but Israel knewe not me, and my puple vndurstood not.

¹² Harpe, and giterne, and tympan, and pipe, and wyn ben in youre feestis; and ye biholden not the werk of the Lord, nether ye biholden the werkis of hise hondis.

⁶ Forsothe a litil child is borun to vs, and a sone is youun to vs, and prinsehod is maad on his schuldre; and his name schal be clepid Wondurful, A counselour, God, Strong, A fadir of the world to comynge, A prince of pees. ⁷ His empire schal be multiplied, and noon ende schal be of his pees; he schal sitte on the seete of Dauid, and on the rewme of hym, that he conferme it, and make stronge in doom and riytfulnesse, fro hennus forth and til in to with outen ende. The feruent loue of the Lord of oostis schal make this.

⁷ But also thei knewen not for wyn, and erriden for drunkenesse; the preest and profete knewen not for drunkenesse; thei weren sopun up of wyn, thei erriden in drunkenesse; thei knewen not a profete, thei knewen not doom.

²⁰ That thei se, and knowe, and bithenke, and vndurstonde togidere; that the hond of the Lord dide this thing, and the hooli of Israel made that of nouyt.

²⁰ A part therof is aische; an vnwijs herte schal worschipe it, and he schal not delyuere his soule, nether he schal seie, A strong leesyng is in my riythond.

³ Bowe ye youre eere, and `come ye to me; here ye, and youre soule schal lyue; and Y schal smyte with you a couenaunt euerlastynge, the feithful mercies of Dauid.

⁶ Seke ye the Lord, while he mai be foundun; clepe ye hym to help, while he is niy.

¹³ to do synne, and to lie ayens the Lord. And we ben turned awei, that we yeden not aftir the bak of oure God, that we speken fals caleng, and trespassyng. We conseyueden, and spaken of herte wordis of leesyng; and doom was turned abak,

¹⁰ Forsothe thei excitiden hym to wrathfulnesse, and turmentiden the spirit of his hooli; and he was turned in to an enemye to hem, and he ouercam hem in batel.

¹³ For whi my puple hath don tweyne yuels; thei han forsake me, the welle of quyke watir, and han diggid to hem cisternes, `that weren distried, that moun not holde watris.

¹⁷ In that tyme thei schulen clepe Jerusalem The seete of the Lord, and alle hethene men schulen be gaderid togidere to it, in the name of the Lord, in Jerusalem; and thei schulen not go aftir the schrewidnesse of her worste herte.

²² For my fonned puple knew not me; thei ben vnwise sones, and cowardis; thei ben wise to do yuels, but thei kouden not do wel.

²⁴ And thei herden not, nether bowiden doun her eere, but thei yeden in her lustis, and in the schrewidnesse of her yuel herte; and thei ben put bihynde, and not bifore,

²⁶ And thei herden not me, nether bowiden doun her eere; but thei maden hard her nol, and wrouyten worse than the fadris of hem.

²² Speke thou, the Lord seith, these thingis, And the deed bodi of a man schal fal doun as a toord on the face of the cuntrei, and as hei bihynde the bak of the mowere, and noon is that gaderith.

⁸ And thei herden not, nether bowiden doun her eere, but thei yeden forth ech man in the schrewidnesse of his yuel herte; and Y brouyte in on hem alle the wordis of this couenaunt, which Y comaundide that thei schulden do, and thei diden not.

¹² But also ye wrouyten worse than youre fadris; for lo! ech man goith aftir the schrewidnesse of his yuel herte, that he here not me.

⁵ The Lord seith these thingis, Cursid is the man that trestith in man, and settith fleisch his arm, and his herte goith awei fro the Lord.

⁹ The herte of man is schrewid, and `may not be souyt; who schal knowe it?

¹² Whiche seiden, We han dispeirid, for we schulen go after oure thouytis, and we schulen do ech man the schrewidnesse of his yuel herte.

⁷ But the hous of Israel nylen here thee, for thei nylen here me. For al the hous of Israel is of vnschamefast forheed, and of hard herte. ⁸ Lo! Y yaf thi face strongere than the faces of hem, and thi forheed hardere than the forheedis of hem. ⁹ Y yaf thi face as an adamaunt, and as a flynt; drede thou not hem, nether drede thou of the face of hem, for it is an hous terrynge to wraththe.

³ Therfor thou, sone of man, make to thee vessels of passing ouer, and thou schalt passe ouer bi dai bifor hem; forsothe thou schalt passe ouer fro thi place to another place, in the siyt of hem, if perauenture thei biholden, for it is an hous terrynge to wraththe.

²⁸ For he biholdinge and turnynge awei hym silf fro alle hise wickidnessis which he wrouyte, schal lyue in lijf, and schal not die.

²⁰ Forsothe whanne his herte was reisid, and his spirit was maad obstynat in pride, he was put doun of the seete of his rewme;

² The bigynnyng of the spekyng to the Lord in Osee. And the Lord seide to Osee, Go thou, take to thee a wijf of fornycaciouns, and make to thee sones of fornycaciouns, for the lond doynge fornicacioun schal do fornicacioun fro the Lord.

¹² My puple axide in his tre, and the staf therof telde to it; for the spirit of fornicacioun disseyuede hem, and thei diden fornicacioun fro her God.

¹⁰ Y am, that made you to stie fro the lond of Egipt, and ledde you out in desert bi fourti yeer, that ye schulden welde the lond of Ammorrei.

³ The pride of thin herte enhaunside thee, dwellynge in crasyngis of stoonys, areisynge thi seete. Whiche seist in thin herte, Who schal drawe me doun in to erthe?

⁵ And now the Lord of oostis seith these thingis, Putte ye youre hertis on youre weies.

¹⁵ And Aggei answeride, and seide, So is this puple, and so is this folc bifor my face, seith the Lord, and so is al werk of her hondis; and alle thingis whiche thei offren there, schulen be defoulid.

⁹ and seide, The hondis of Sorobabel foundiden this hous, and the hondis of hym schulen perfourme it; and ye schulen wite, that the Lord of oostis sente me to you.

¹² and schalt speke to hym, and seie, The Lord of oostis seith these thingis, seiynge, Lo! a man, Comynge forth, ether Borun, is his name, and vndir him it schal sprynge. And he schal bilde a temple to the Lord, ¹³ and he schal make a temple to the Lord; and he schal bere glorie, and schal sitte, and schal be lord on his seete; and the preest schal be on his seete, and counsel of pees schal be bitwixe hem tweyne.

¹¹ And thei wolden not `take heede, and thei turneden awei the schuldre, and yeden awei, and `maden heuy her eeris, lest thei herden. ¹² And thei puttiden her herte as adamaunt, lest thei herden the lawe, and wordis whiche the Lord of oostis sente in his Spirit, bi the hond of the formere profetis; and greet indignacioun was maad of the Lord of oostis.

²² And ye schulen be in hate to alle men for my name; but he that shall dwelle stille in to the ende, shal be saaf.

¹⁵ for the herte of this puple is greetli fattid, and thei herden heuyli with eeris, and thei han closed her iyen, lest sumtime thei seen with iyen, and with eeris heeren, and vndirstonden in herte, and thei be conuertid, and Y heele hem.

¹⁶ Symount Petre answeride, and seide, Thou art Crist, the sone of God lyuynge.

¹⁸ And Y seie to thee, that thou art Petre, and on this stoon Y schal bilde my chirche, and the yatis of helle schulen not haue miyt ayens it.

⁵ a briyt cloude ouerschadewide hem; and lo! a voice out of the cloude, that seide, This is my dereworth sone, in whom Y haue wel pleside to me; here ye hym.

⁴³ He seith to hem, Hou thanne Dauid in spirit clepith hym Lord,

⁴ And Jhesus answeride, and seide to hem, Loke ye, that no man disseyue you.

¹³ but he that schal dwelle stable in to the ende, schal be saaf.

⁴⁵ Who gessist thou is a trewe seruaunt and prudent, whom his lord ordeyned on his meynee, to yyue hem mete in tyme?

²¹ His lord seide to hym, Wel be thou, good seruaunt and feithful; for on fewe thingis thou hast be trewe, Y schal ordeyne thee on manye thingis; entre thou in to the ioye of thi lord.

⁵ And he biheeld hem aboute with wraththe, and hadde sorewe on the blyndnesse of her herte, and seith to the man, Hold forth thin hoond. And he helde forth, and his hoond was restorid to hym.

²¹ For fro with ynne, of the herte of men comen forth yuel thouytis, auowtries, ²² fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli. ²³ Alle these yuels comen forth fro with ynne, and defoulen a man.

³⁶ For Dauid hym silf seide in the Hooli Goost, the Lord seide to my lord, Sitte on my riythalf, til Y putte thin enemyes the stool of thi feet.

⁹ But se ye you silf, for thei schulen take you in counsels, and ye schulen be betun in synagogis; and ye schulen stonde bifor kyngis and domesmen for me, in witnessyng to hem.

²³ Therfor take ye kepe; lo! Y haue bifor seid to you alle thingis.

³³ Se ye, wake ye, and preie ye; for ye witen not, whanne the tyme is.

¹⁶ Who that bileueth, and is baptisid, schal be saaf; but he that bileueth not, schal be dampned.

²² And Jhesus answerde, and seide to hem, Go ye ayen, and telle ye to Joon tho thingis that ye han herd and seyn; blynde men seyn, crokid men goen, mesels ben maad cleene, deef men heren, deed men risen ayen, pore men ben takun to prechyng of the gospel.

⁴² And the Lord seide, Who, gessist thou, is a trewe dispendere, and a prudent, whom the lord hath ordeyned on his meyne, to yyue hem in tyme mesure of whete?

¹⁰ He that is trewe in the leeste thing, is trewe also in the more; and he that is wickid in a litil thing, is wickid also in the more. ¹¹ Therfor if ye weren not trewe in the wickid thing of ritchesse, who schal bitake to you that that is verry? ¹² And if ye weren not trewe in othere mennus thing, who schal yyue to you that that is youre?

⁸ And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.

²⁷ And he bigan at Moises and at alle the prophetis, and declaride to hem in alle scripturis, that weren of hym.

⁴⁴ and seide `to hem, These ben the wordis that Y spak to you, whanne Y was yit with you; for it is nede that alle thingis ben fulfillid, that ben writun in the lawe of Moises, and in prophetis, and in salmes, of me.

¹⁸ He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God. ¹⁹ And this is the dom, for liyt cam in to the world, and men loueden more derknessis than liyt; for her werkes weren yuele. ²⁰ For ech man that doith yuele, hatith the liyt; and he cometh not to the liyt, that hise werkis be not repreued.

³⁵ The fadir loueth the sone, and he hath youun alle thingis in his hoond. ³⁶ He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

³⁶ He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

²⁵ Treuli, treuli Y seie to you, for the our cometh, and now it is, whanne deed men schulen here the vois of `Goddis sone, and thei that heren, schulen lyue.

³⁹ Seke ye scripturis, in which ye gessen to haue euerlastynge lijf; and tho it ben, that beren witnessyng of me.

⁴⁶ For if ye bileueden to Moises, perauenture ye schulden bileue also to me; for he wroot of me. ⁴⁷ But if ye bileuen not to hise lettris, hou schulen ye bileue to my wordis?

³⁸ For Y cam doun fro heuene, not that Y do my wille, but the wille of hym that sente me. ³⁹ And this is the wille of the fadir that sente me, that al thing that the fadir yaf me, Y leese not of it, but ayen reise it in the laste dai. ⁴⁰ And this is the wille of my fadir that sente me, that ech man that seeth the sone, and bileueth in hym, haue euerlastynge lijf; and Y schal ayen reyse hym in the laste dai.

¹⁸ He that spekith of hym silf, sekith his owne glorie; but he that sekith the glorie of hym that sente hym, is sothefast, and vnriytwisnesse is not in hym.

²⁹ And he that sente me is with me, and lefte me not aloone; for Y do euermore tho thingis, that ben plesynge to hym.

⁴⁵ But for Y seie treuthe, ye bileuen not to me.

³ To this the porter openeth, and the scheep heren his vois, and he clepith his owne scheep bi name, and ledith hem out.

¹⁶ Y haue othere scheep, that ben not of this foolde, and it bihoueth me to brynge hem togidir, and thei schulen here my vois; and it schal be maad o foolde and o scheepherde.

²⁷ My scheep heren my vois, and Y knowe hem, and thei suen me.

¹⁰ If ye kepen my comaundementis, ye schulen dwelle in my loue; as Y haue kept the comaundementis of my fadir, and Y dwelle in his loue.

⁴ Y haue clarified thee on the erthe, Y haue endid the werk, that thou hast youun to me to do.

²¹ And he seith to hem eft, Pees to you; as the fadir sente me, Y sende you.

²⁷ Afterward he seith to Thomas, Putte in here thi fyngur, and se myn hondis, and putte hidur thin hond, and putte in to my side, and nyle thou be vnbileueful, but feithful.

¹⁶ Britheren, it bihoueth that the scripture be fillid, whiche the Hooly Goost bifore seide bi the mouth of Dauith, of Judas that was ledere of hem that token Jhesu;

²² For Moises seide, For the Lord youre God schal reise to you a profete, of youre britheren; as me, ye schulen here hym bi alle thingis, what euer he schal speke to you. ²³ And it schal be, that euery man that schal not here the ilke profete, schal be distried fro the puple.

³⁶ This Moises ledde hem out, and dide wondris and signes in the loond of Egipt, and in the reed see, and in desert fourti yeeris. ³⁷ This is Moises, that seide to the sones of Israel, God schal reise to you a profete of youre bretheren, as me ye schulen here him.

²³ And whanne he was come, and siy the grace of the Lord, he ioyede, and monestide alle men to dwelle in the Lord in purpos of herte;

⁸ But Elymas witche withstoode hem; for his name is expowned so; and he souyte to turne awei the proconsul fro bileue.

⁹ But whanne summe weren hardid, and bileueden not, and cursiden the weie of the Lord bifor the multitude, he yede awei fro hem, and departide the disciplis, and disputide in the scole of a myyti man eche dai.

²³ And whanne thei hadden ordeined a dai to hym, many men camen to hym in to the in. To whiche he expownede, witnessinge the kyngdom `of God, and counseilide hem of Jhesu, of the lawe of Moyses, and profetis, for the morewe til to euentid.

²⁵ And whanne thei weren not consentinge togidir, thei departiden. And Poul seide o word, For the Hooli Goost spak wel bi Ysaye, the profete, to oure fadris,

⁶ among whiche ye ben also clepid of Jhesu Crist, ⁷ to alle that ben at Rome, derlyngis of God, and clepid hooli, grace to you, and pees of God oure fadir, and of the Lord Jhesu Crist.

²⁸ And as thei preueden that thei hadden not God in knowyng, God bitook hem in to a repreuable wit, that thei do tho thingis that ben not couenable; that thei ben fulfillid with al wickidnesse,

⁵ But aftir thin hardnesse and vnrepentaunt herte, thou tresorist to thee wraththe in the dai of wraththe and of schewyng of the riytful doom of God, ⁶ that schal yelde to ech man aftir his werkis;

⁷ For if the treuthe of God hath aboundid in my lessyng, in to the glorie of hym, what yit am Y demed as a synner?

²¹ But now with outen the lawe the riytwisnesse of God is schewid, that is witnessid of the lawe and the profetis.

² Bi whom we han niy goyng to, bi feith in to this grace, in which we stonden, and han glorie in the hope of the glorie of Goddis children.

¹¹ For synne, thorouy occasioun takun bi the comaundement, disceyuede me, and bi that it slow me.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis. ²⁹ For thilke that he knewe bifor, he bifor ordenede bi grace to be maad lijk to the ymage of his sone, that he be the first bigetun among many britheren. ³⁰ And thilke that he bifore ordeynede to blis, hem he clepide; and whiche he clepide, hem he iustifiede; and whiche he iustifiede, and hem he glorifiede.

²⁴ Whiche also he clepide not oneli of Jewis, but also of hethene men, as he seith in Osee,

⁴ But what seith Goddis answere to hym? Y haue left to me seuene thousyndes of men, that han not bowid her knees bifore Baal. ⁵ So therfor also in this tyme, the relifs ben maad saaf, bi the chesyng of the grace of God.

¹⁷ What if ony of the braunchis ben brokun, whanne thou were a wielde olyue tre, art graffid among hem, and art maad felowe of the roote, and of the fatnesse of the olyue tre,

²¹ but drede thou, for if God sparide not the kyndli braunchis, lest perauenture he spare not thee. ²² Therfor se the goodnesse, and the fersnesse of God; yhe, the feersnesse in to hem that felden doun, but the goodnesse of God in to thee, if thou dwellist in goodnesse, ellis also thou schalt be kit doun.

¹² ioiynge in hope, pacient in tribulacioun, bisy in preier,

⁸ For Y seie, that Jhesu Crist was a mynystre of circumcisioun for the treuthe of God, to conferme the biheestis of fadris.

¹³ And God of hope fulfille you in al ioye and pees in bileuynge, that ye encrees in hope and vertu of the Hooli Goost.

²⁷ For it pleside to hem, and thei ben dettouris of hem; for hethene men ben maad parteneris of her goostli thingis, thei owen also in fleischli thingis to mynystre to hem.

² to hem that ben halewid in Crist Jhesu, and clepid seyntis, with alle that inwardli clepen the name of oure Lord Jhesu Crist, in ech place of hem and of oure,

³⁰ But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

⁹ For we ben the helperis of God; ye ben the erthetiliyng of God, ye ben the bildyng of God.

¹⁶ Witen ye not, that ye ben the temple of God, and the spirit of God dwellith in you?

² Now it is souyt here among the dispenderis, that a man be foundun trewe.

¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne?

²³ But Y do alle thingis for the gospel, that Y be maad partener of it.

¹ Britheren, Y nyle, that ye vnknowe, that alle oure fadris weren vndur cloude, and alle passiden the see; ² and alle weren baptisid in Moises, in the cloude and in the see; ³ and alle eeten the same spiritual mete, ⁴ and alle drunken the same spiritual drynke; thei drunken of the spiritual stoon folewynge hem; and the stoon was Crist. ⁵ But not in ful manye of hem it was wel pleasaunt to God; for whi thei weren cast doun in desert. ⁶ But these thingis ben don in figure of vs, that we be not coueyteris of yuele thingis, as thei coueitiden. ⁷ Nether be ye maad idolatreris, as summe of hem; as it is writun, The puple sat to ete and drynke, and thei risen vp to pleie. ⁸ Nether do we fornycacioun, as summe of hem diden fornicacioun, and thre and twenti thousyndis weren deed in o dai. ⁹ Nethir tempte we Crist, as summe of hem temptiden, and perischiden of serpentis.

⁹ Nethir tempte we Crist, as summe of hem temptiden, and perischiden of serpentis. ¹⁰ Nether grutche ye, as summe of hem grutchiden, and thei perischiden of a distrier. ¹¹ And alle these thingis felliden to hem in figure; but thei ben writun to oure amendyng, in to whiche the endis of the worldis ben comun. ¹² Therfor he that gessith hym, `that he stondith, se he, that he falle not.

¹² Therfor he that gessith hym, `that he stondith, se he, that he falle not. <sup>13</sup> Temptacioun take `not you, but mannus temptacioun; for God is trewe, which schal not suffre you to be temptid aboue that that ye moun; but he schal make with temptacioun also purueyaunce, that ye moun suffre.

¹⁷ For we manye ben o breed and o bodi, alle we that taken part of o breed and of o cuppe.

⁷ that oure hope be sad for you; witynge for as ye ben felowis of passiouns, so ye schulen ben also of coumfort.

¹ But we helpynge monesten, that ye resseyuen not the grace of God in veyn. ² For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.

¹⁶ and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me.

⁹ And doynge good faile we not; for in his tyme we schal repe, not failinge.

²¹ in whom ech bildyng maad waxith in to an hooli temple in the Lord. ²² In whom also `be ye bildid togidere in to the habitacle of God, in the Hooli Goost.

²² In whom also `be ye bildid togidere in to the habitacle of God, in the Hooli Goost.

⁶ that hethene men ben euen eiris, and of oo bodi, and parteneris togidere of his biheest in Crist Jhesu bi the euangelie;

¹ Therfor Y boundun for the Lord biseche you, that ye walke worthili in the clepyng,

⁴ O bodi and o spirit, as ye ben clepid in oon hope of youre cleping;

²² Do ye awey bi the elde lyuyng the elde man, that is corrupt bi the desiris of errour;

³⁰ And nyle ye make the Hooli Goost of God sori, in which ye ben markid in the dai of redempcioun.

¹⁴ and pursue to the ordeyned mede of the hiy clepyng of God in Crist Jhesu.

¹² that ye do thankyngis to God and to the fadir, which made you worthi in to the part of eritage of hooli men in liyt.

¹⁸ And he is heed of the bodi of the chirche; which is the bigynnyng and the firste bigetun of deede men, that he holde the firste dignyte in alle thingis.

²² now he hath recounselid you in the bodi of his fleisch bi deth, to haue you hooli, and vnwemmyd, and with out repreef bifor hym. ²³ If netheles ye dwellen in the feith, foundid, and stable, and vnmouable fro the hope of the gospel that ye han herd, which is prechid in al creature that is vndur heuene. Of which Y Poul am maad mynystre,

¹² Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

⁹ For thei schewen of you, what maner entre we hadden to you, and hou ye ben conuertid to God fro maumettis, to serue to the lyuynge God and veri; and to abide his sone fro heuenes,

¹¹ As ye witen, hou we preyeden you, and coumfortiden ech of you, as the fadir hise sones, ¹² and we han witnessid, that ye schulden go worthili to God, that clepide you in to his kingdom and glorie.

¹¹ For which thing comforte ye togidere, and edefie ye ech other, as ye doon.

¹⁶ Euere more ioye ye; without ceessing preye ye;

²⁷ Y coniure you bi the Lord, that this pistle be red to alle hooli britheren.

¹¹ In which thing also we preien euere more for you, that oure God make you worthi to his cleping, and fille al the wille of his goodnesse, and the werk of feith in vertu;

¹⁰ and grete wondris, false, and in al disseit of wickidnesse, to hem that perischen. For that thei resseyueden not the charite of treuthe, that thei schulden be maad saaf. And therfor God schal sende to hem a worching of errour, that thei bileue to leesing, ¹¹ that alle be demed, whiche bileueden not to treuthe, but consentiden to wickidnesse. ¹² But, britheren louyd of God, we owen to do thankyngis euermore to God for you, that God chees vs the firste fruytis in to heelthe, in halewing of spirit and in feith of treuthe;

¹² But, britheren louyd of God, we owen to do thankyngis euermore to God for you, that God chees vs the firste fruytis in to heelthe, in halewing of spirit and in feith of treuthe;

¹⁴ Therfor, britheren, stonde ye, and holde ye the tradiciouns, that ye han lerud, ethir bi word, ethir bi oure pistle.

¹⁶ and conferme in al good werk and word.

¹² Y do thankingis to hym, that coumfortide me in Crist Jhesu oure Lord, for he gesside me feithful, and putte me in mynystrie,

¹⁵ but if Y tarie, that thou wite, hou it bihoueth thee to lyue in the hous of God, that is the chirche of lyuynge God, a pilere and sadnesse of treuthe.

² And thei that han feithful lordis, dispise hem not, for thei ben britheren; but more serue thei, for thei ben feithful and louyd, whiche ben parceneris of benefice. Teche thou these thingis, and moneste thou these thingis.

¹² Stryue thou a good strijf of feith, catche euerlastinge lijf, in to which thou art clepid, and hast knoulechid a good knouleching bifor many witnessis.

⁹ that delyueride vs, and clepide with his hooli clepyng, not after oure werkis, but bi his purpos and grace, that is youun in Crist Jhesu bifore worldli tymes;

⁷ Vndurstonde thou what thingis Y seie. For the Lord schal yyue to thee vndurstonding in alle thingis.

² preche the word, be thou bisi couenabli with outen rest, repreue thou, biseche thou, blame thou in al pacience and doctryn.

² laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis.

² laste in these daies he hath spoke to vs bi the sone; whom he hath ordeyned eir of alle thingis, and bi whom he made the worldis. ³ Which whanne also he is the briytnesse of glorie, and figure of his substaunce, and berith alle thingis bi word of his vertu, he makith purgacioun of synnes, and syttith on the riythalf of the maieste in heuenes; ⁴ and so myche is maad betere than aungels, bi hou myche he hath eneritid a more dyuerse name bifor hem.

¹ Therfor more plenteuousli it bihoueth vs to kepe tho thingis, that we han herd, lest perauenture we fleten awei. ² For if the ilke word that was seid bi aungels, was maad sad, and ech brekyng of the lawe and vnobedience took iust retribucioun of meede, ³ hou schulen we ascape, if we despisen so greet an heelthe? Which, whanne it hadde takun bigynnyng to be teld out by the Lord, of hem that herden is confermyd in to vs.

⁹ but we seen hym that was maad a litil lesse than aungels, Jhesu, for the passioun of deth crowned with glorie and onour, that he thorouy grace of God schulde taste deth for alle men.

¹¹ For he that halewith, and thei that ben halewid, ben alle of oon; for which cause he is not schamed to clepe hem britheren,

¹⁷ Wherfor he ouyte to be likned to britheren bi alle thingis, that he schulde be maad merciful and a feithful bischop to God, that he schulde be merciful to the trespassis of the puple.

¹ Therfor, hooli britheren, and parceneris of heuenli cleping, biholde ye the apostle and the bischop of oure confessioun, Jhesu, ² which is trewe to hym that made hym, as also Moises in al the hous of hym.

² which is trewe to hym that made hym, as also Moises in al the hous of hym. ³ But this byschop is had worthi of more glorie than Moises, bi as myche as he hath more honour of the hous, that made the hous.

³ But this byschop is had worthi of more glorie than Moises, bi as myche as he hath more honour of the hous, that made the hous.

⁵ And Moises was trewe in al his hous, as a seruaunt, in to witnessyng of tho thingis that weren to be seid; ⁶ but Crist as a sone in his hous. Which hous we ben, if we holden sad trist and glorie of hope in to the ende.

⁶ but Crist as a sone in his hous. Which hous we ben, if we holden sad trist and glorie of hope in to the ende. ⁷ Wherfor as the Hooli Goost seith, To dai, if ye han herd his vois, nyle ye hardne youre hertis, ⁸ as in wraththing, lijk the dai of temptacioun in desert; ⁹ where youre fadris temptiden me, and preueden, and siyen my werkis fourti yeeris. ¹⁰ Wherfor Y was wrooth to this generacioun, and Y seide, Euere more thei erren in herte, for thei knewen not my weies;

¹⁰ Wherfor Y was wrooth to this generacioun, and Y seide, Euere more thei erren in herte, for thei knewen not my weies; ¹¹ to whiche Y swore in my wraththe, thei schulen not entre in to my reste. ¹² Britheren, se ye, lest perauenture in ony of you be an yuel herte of vnbileue, to departe fro the lyuynge God.

¹² Britheren, se ye, lest perauenture in ony of you be an yuel herte of vnbileue, to departe fro the lyuynge God. ¹³ But moneste you silf bi alle daies, the while to dai is named, that noon of you be hardned bi fallas of synne.

¹³ But moneste you silf bi alle daies, the while to dai is named, that noon of you be hardned bi fallas of synne. ¹⁴ For we ben maad parceneris of Crist, if netheles we holden the bigynnyng of his substaunce sad in to the ende. ¹⁵ While it is seid, to dai, if ye han herd the vois of hym, nyle ye hardne youre hertis, as in that wraththing.

¹⁸ And to whiche swoor he, that thei schulden not entre in to the reste of hym, not but to hem that weren vnbileueful? ¹⁹ And we seen, that thei myyten not entre in to the reste of hym for vnbileue.

² For it is told also to vs, as to hem. And the word that was herd profitide not to hem, not meynd to feith of tho thingis that thei herden. ³ For we that han bileued, schulen entre in to reste, as he seide, As Y swoor in my wraththe, thei schulen not entre in to my reste. And whanne the werkis weren maad perfit at the ordynaunce of the world,

⁵ And in this place eftsoone, Thei schulen not entre in to my reste. ⁶ Therfor for it sueth, that summen schulen entre in to it, and thei to whiche it was teld to bifor, entriden not for her vnbileue. ⁷ Eftsoone he termyneth sum dai, and seith in Dauith, To dai, aftir so myche tyme of tyme, as it is biforseid, To dai if ye han herd his vois, nyle ye hardne youre hertis.

⁹ Therfor the sabat is left to the puple of God.

¹¹ Therfor haste we to entre in to that reste, that no man falle in to the same ensaumple of vnbileue. For the word of God is quyk,

¹⁴ Therfor we that han a greet bischop, that perside heuenes, Jhesu, the sone of God, holde we the knoulechyng of oure hope.

¹⁴ Therfor we that han a greet bischop, that perside heuenes, Jhesu, the sone of God, holde we the knoulechyng of oure hope. ¹⁵ For we han not a bischop, that may not haue compassioun on oure infirmytees, but was temptid bi alle thingis bi lycnesse, with oute synne.

¹ For ech bischop takun of men, is ordeyned for men in these thingis `that ben to God, that he offre yiftis and sacrifices for synnes. <sup>2</sup> Which may togidere sorewe with hem, that beth vnkunnynge and erren; for also he is enuyrounned with infirmytee. <sup>3</sup> And therfor he owith, as for the puple, so also for hym silf, to offre for synnes. <sup>4</sup> Nethir ony man taketh to hym onour, but he that is clepid of God, as Aaron was. <sup>5</sup> So Crist clarifiede not hym silf, that he were bischop, but he that spak to hym, Thou art my sone, to dai Y gendride thee. <sup>6</sup> As `in anothere place he seith, Thou art a prest with outen ende, aftir the ordre of Melchisedech. ⁷ Which in the daies of his fleisch offride, with greet cry and teeris, preieris and bisechingis to hym that myyte make hym saaf fro deth, and was herd for his reuerence. ⁸ And whanne he was Goddis sone, he lernyde obedience of these thingis that be suffride; ⁹ and he brouyt to the ende is maad cause of euerlastinge heelthe to alle that obeischen to hym, and is clepid of God a bischop, ¹⁰ bi the ordre of Melchisedech.

⁴ But it is impossible, that thei that ben onys liytned, and `han tastid also an heuenly yifte, and ben maad parceneris of the Hooli Goost,

¹¹ And we coueiten that ech of you schewe the same bisynesse to the fillyng of hope in to the ende;

²⁰ where the bifore goere, Jhesus, that is maad bischop with outen ende bi the ordre of Melchisedech, entride for vs.

²⁶ For it bisemyde that sich a man were a bischop to vs, hooli, innocent, vndefoulid, clene, departid fro synful men, and maad hiyere than heuenes;

¹ But a capitle on tho thingis that ben seid. We han siche a bischop, that sat in the riythalf of the seete of greetnesse in heuenes, ² the mynystre of seyntis, and of the veri tabernacle, that God made, and not man. ³ For ech bischop is ordeyned to offre yiftis and sacrificis; wherfor it is nede, that also this bischop haue sum thing that he schal offre.

⁵ whiche seruen to the saumpler and schadewe of heueneli thingis. As it was answerid to Moises, whanne he schulde ende the tabernacle, Se, he seide, make thou alle thingis bi the saumpler, that is schewid to thee in the mount.

⁸ For the Hooli Goost signefiede this thing, that not yit the weie of seyntis was openyd, while the formere tabernacle hadde staat.

⁸ For the Hooli Goost signefiede this thing, that not yit the weie of seyntis was openyd, while the formere tabernacle hadde staat. ⁹ Which parable is of this present tyme, bi which also yiftis and sacrifices ben offrid, whiche moun not make a man seruynge perfit bi conscience, oneli in metis, ¹⁰ and drynkis, and dyuerse waischingis, and riytwisnessis of fleisch, that weren sett to the tyme of correccioun. ¹¹ But Crist beynge a bischop of goodis to comynge, entride bi a largere and perfitere tabernacle, not maad bi hoond, that is to seye,

¹¹ But Crist beynge a bischop of goodis to comynge, entride bi a largere and perfitere tabernacle, not maad bi hoond, that is to seye, ¹² not of this makyng, nether bi blood of goot buckis, or of calues, but bi his owne blood, entride onys in to the hooli thingis, that weren foundun bi an euerlastinge redempcioun. ¹³ For if the blood of gootbuckis, and of boolis, and the aische of a cow calf spreynd, halewith vnclene men to the clensing of fleisch,

²⁴ For Jhesus entride not in to hooli thingis maad bi hoondis, that ben saumpleris of very thingis, but in to heuene it silf, that he appere now to the cheer of God for vs; nether that he offre him silf ofte,

²¹ his fleisch, and we hauynge the greet preest on the hous of God,

²³ and holde we the confessioun of oure hope, bowinge to no side; for he is trewe that hath made the biheeste. ²⁴ And biholde we togidere in the stiring of charite and of good werkis; not forsakinge oure gadering togidere, ²⁵ as it is of custom to sum men, but coumfortinge, and bi so myche the more, bi hou myche ye seen the dai neiyynge.

²⁹ hou myche more gessen ye, that he disserueth worse turmentis, which defouleth the sone of God, and holdith the blood of the testament pollut, in which he is halewid, and doith dispit to the spirit of grace?

³⁵ Therfor nyle ye leese youre trist, which hath greet rewarding.

³⁸ For my iust man lyueth of feith; that if he withdrawith hym silf, he schal not plese to my soule.

³⁸ For my iust man lyueth of feith; that if he withdrawith hym silf, he schal not plese to my soule. ³⁹ But we ben not the sones of withdrawing awei in to perdicioun, but of feith in to getynge of soule.

¹⁰ And thei in tyme of fewe dayes tauyten vs bi her wille; but this fadir techith to that thing that is profitable, in resseyuynge the halewing of hym.

¹⁵ Biholde ye, that no man faile to the grace of God, that no roote of bittirnesse buriownynge vpward lette, and manye ben defoulid bi it;

²⁵ Se ye, that ye forsake not the spekere; for if thei that forsaken him that spak on the erthe, aschapide not, myche more we that turnen awei fro him that spekith to vs fro heuenes.

¹⁴ But ech man is temptid, drawun and stirid of his owne coueiting.

¹³ And who art thou, that demest thi neiybore? Lo! now ye, that seien, To dai ethir to morewe we schulen go in to thilke citee, and there we schulen dwelle a yeer, and we schulen make marchaundise, and we schulen make wynning; ¹⁴ whiche witen not, what is to you in the morewe. ¹⁵ For what is youre lijf? A smoke apperinge at a litil, and aftirward it schal be wastid. Therfor that ye seie, If the Lord wole, and if we liuen, we schulen do this thing, ether that thing.

³ Blessid be God, and the fadir of oure Lord Jhesu Crist, which bi his greet merci bigat vs ayen in to lyuynge hope, bi the ayen risyng of Jhesu Crist fro deth, ⁴ in to eritage vncorruptible, and vndefoulid, and that schal not fade, that is kept in heuenes for you, ⁵ that in the vertu of God ben kept bi the feith in to heelthe, and is redi to be schewid in the last tyme. ⁶ In which ye schulen make ioye, thouy it bihoueth now a litil to be sori in dyuerse temptaciouns;

⁸ Whom whanne ye han not seyn, ye louen; in to whom also now ye not seynge, bileuen; but ye that bileuen schulen haue ioye, and gladnesse that may not be teld out,

¹⁰ Of which helthe profetis souyten, and enserchiden, that profecieden of the grace to comyng in you, ¹¹ and souyten which euer what maner tyme the spirit of Crist signyfiede in hem, and bifor telde tho passiouns, that ben in Crist, and the latere glories. ¹² To which it was schewid, for not to hem silf, but to you thei mynystriden tho thingis, that now ben teld to you bi hem that prechiden to you bi the Hooli Goost sent fro heuene, in to whom aungelis desiren to biholde.

⁵ and ye silf as quyk stoonys be ye aboue bildid in to spiritual housis, and an hooli preesthod, to offre spiritual sacrifices, acceptable to God bi Jhesu Crist.

⁵ and ye silf as quyk stoonys be ye aboue bildid in to spiritual housis, and an hooli preesthod, to offre spiritual sacrifices, acceptable to God bi Jhesu Crist. ⁶ For which thing the scripture seith, Lo! Y schal sette in Syon the hiyeste corner stoon, chosun and preciouse; and he that schal belieue in hym, schal not be confoundid. ⁷ Therfor onour to you that bileuen; but to men that bileuen not, the stoon whom the bilderis repreuyden, this is maad in to the heed of the corner; and the stoon of hirtyng,

⁹ But ye ben a chosun kyn, a kyngli preesthod, hooli folc, a puple of purchasing, that ye telle the vertues of hym, that clepide you fro derknessis in to his wondirful liyt.

⁵ For so sumtyme hooli wymmen hopinge in God ourneden hem silf, and weren suget to her owne hosebondis.

¹³ but comyne ye with the passiouns of Crist, and haue ye ioye, that also ye be glad, and haue ioye in the reuelacioun of his glorie.

¹ Therfor Y, an euene eldre man, and a witnesse of Cristis passiouns, which also am a comynere of that glorie, that schal be schewid in tyme to comynge; byseche ye the eldre men,

¹⁰ And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

³ Hou alle thingis of his godlich vertu, that ben to lijf and pitee, ben youun to vs, bi the knowyng of hym, that clepide vs for his owne glorie and vertu. ⁴ Bi whom he yaf to vs moost preciouse biheestis; that bi these thingis ye schulen be maad felows of Goddis kynde, and fle the corrupcioun of that coueytise, that is in the world. ⁵ And bringe ye in alle bisynesse, and mynystre ye in youre feith vertu, and `in vertu kunnyng; ⁶ in kunnyng abstinence, in abstynence pacience, in pacience pitee; ⁷ in pitee, love of britherhod, and in loue of britherhod charite. ⁸ For if these ben with you, and ouercomen, thei schulen not make you voide, nethir with out fruyt, in the knowyng of oure Lord Jhesu Crist. ⁹ But to whom these ben not redi, he is blynd, and gropith with his hoond, and foryetith the purgyng of his elde trespassis. ¹⁰ Wherfor, britheren, be ye more bisi, that by goode werkis ye make youre clepyng and chesyng certeyn;

²¹ for prophesie was not brouyt ony tyme bi mannus wille, but the hooli men of God inspirid with the Hooli Goost spaken.

³ Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.

¹⁰ He that bileueth in the sone of God, hath the witnessing of God in hym. He that bileueth not to the sone, makith hym a liere; for he bileueth not in the witnessing, that God witnesside of his sone.

¹ Judas, the seruaunt of Jhesu Crist, and brother of James, to these that ben louyd, that ben in God the fadir, and to hem that ben clepid and kept of Jhesu Crist,

⁵ But Y wole moneste you onys, that witen alle thingis, that Jhesus sauyde his puple fro the lond of Egipt, and the secunde tyme loste hem that bileueden not.

¹⁸ And to the aungel of the chirche of Tiatira write thou, These thingis seith the sone of God, that hath iyen as flawme of fier, and hise feet lijk latoun.

²⁵ til Y come.

¹¹ Lo! Y come soone; holde thou that that thou hast, that no man take thi coroun.

²⁰ Lo! Y stonde at the dore, and knocke; if ony man herith my voys, and openith the yate to me, Y shal entre to hym, and soupe with hym, and he with me.

¹⁴ These schulen fiyte with the lomb, and the lomb schal ouercome hem; for he is Lord of lordis, and kyng of kyngis; and thei that ben with hym, ben clepid, chosun, and feithful.

²⁰ Heuene, and hooli apostlis, and prophetis, make ye ful out ioye on it, for God hath demed youre dom of it.