Hebrews 2:4 Cross References - Wycliffe

⁴ For God witnesside to gidere bi myraclis, and wondris, and grete merueilis, and dyuerse vertues, and departyngis of the Hooli Goost, bi his wille.

²⁰ And thei yeden forth, and prechiden euery where, for the Lord wrouyte with hem, and confermyde the word with signes folewynge.

⁴⁸ Therfor Jhesus seide to him, But ye se tokenes and grete wondris, ye bileuen not.

²⁶ But whanne the coumfortour schal come, which Y schal sende to you fro the fadir, a spirit of treuthe, which cometh of the fadir, he schal bere witnessyng of me; and ye schulen bere witnessyng, for ye ben with me fro the bigynnyng.

³² God reiside this Jhesu, to whom we alle ben witnessis. ³³ Therfor he was enhaunsid bi the riythoond of God, and thorouy the biheest of the Hooli Goost that he took of the fadir, he schedde out this spirit, that ye seen and heren.

¹⁵ And ye slowen the maker of lijf, whom God reiside fro deth, of whom we ben witnessis. ¹⁶ And in the feith of his name he hath confermyd this man, whom ye seen and knowen; the name of hym, and the feith that is bi him, yaf to this man ful heelthe in the siyt of alle you.

¹⁰ be it knowun to you alle, and to al the puple of Israel, that in the name of Jhesu Crist of Nazareth, whom ye crucifieden, whom God reiside fro deth, in this this man stondith hool bifor you.

³ Therfor thei dwelliden myche tyme, and diden tristili in the Lord, berynge witnessyng to the word of his grace, yyuynge signes and wondris to be maad bi the hondis of hem.

¹¹ And God dide vertues not smale bi the hoond of Poul, ¹² so that on sijk men the sudaries weren borun fro his bodye, and sijknessis departiden fro hem, and wickid spiritis wenten out.

¹⁸ For Y dar not speke ony thing of tho thingis, whiche Crist doith not bi me, in to obedience of hethene men, in word and dedis, ¹⁹ in vertu of tokenes and grete wondris, in vertu of the Hooli Goost, so that fro Jerusalem bi cumpas to the Illirik see Y haue fillid the gospel of Crist.

⁴ And dyuerse graces ther ben, but it is al oon Spirit; ⁵ and dyuerse seruyces ther ben, but it is al oon Lord; and dyuerse worchingis ther ben, ⁶ but `al is oon God, that worchith alle thingis in alle thingis. ⁷ And to ech man the schewyng of spirit is youun to profit. The word of wisdom is youun to oon bi spirit; ⁸ to another the word of kunnyng, bi the same spirit; ⁹ feith to another, in the same spirit; to anothere, grace of helthis, in o spirit; ¹⁰ to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis. ¹¹ And oon and the same spirit worchith alle these thingis, departynge to ech bi hem silf as he wole.

⁵ Which hath bifor ordeyned vs in to adopcioun of sones bi Jhesu Crist in to hym, bi the purpos of his wille,

⁹ to make knowun to vs the sacrament of his wille, bi the good plesaunce of hym; the which sacrament he purposide in

⁸ for which thing he seith, He stiynge an hiy, ledde caitifte caitif, he yaf yiftis to men. ⁹ But what is it, that he stiede vp, no but that also he cam doun first in to the lowere partis of the erthe? ¹⁰ He it is that cam doun, and that stiede on alle heuenes, that he schulde fille alle thingis. ¹¹ And he yaf summe apostlis, summe prophetis, othere euangelistis, othere scheepherdis and techeris,