Hebrews 13:16 Cross References - Wycliffe

¹⁶ And nyle ye foryete wel doynge, and comynyng; for bi siche sacrifices God is disserued.

³ For thin arowis ben fitchid in me; and thou hast confermed thin hond on me.

⁷ Whether God mai be paid in thousyndis of wetheris, ether in many thousyndis of fatte geet buckis? Whether Y schal yyue my firste bigetun for my greet trespas, the fruyt of my wombe for synne of my soule? ⁸ Y schal schewe to thee, thou man, what is good, and what the Lord axith of thee; forsothe for to do doom, and for to loue merci, and be bisi for to walke with thi God.

³⁵ For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me; ³⁶ nakid, and ye hiliden me; sijk, and ye visitiden me; Y was in prisoun, and ye camen to me. ³⁷ Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk? ³⁸ and whanne sayn we thee herborles, and we herboreden thee; or nakid, and we hiliden thee? ³⁹ or whanne sayn we thee sijk, or in prisoun, and we camen to thee? ⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

³⁵ Netheles loue ye youre enemyes, and do ye wel, and leene ye, hopinge no thing therof, and youre mede schal be myche, and ye schulen be the sones of the Heyest, for he is benygne on vnkynde men and yuele men. ³⁶ Therfor be ye merciful, as youre fadir is merciful.

²² And whanne this thing was herd, Jhesus seide to hym, Yit o thing failith `to thee; sille thou alle thingis that thou hast, and yyue to pore men, and thou schalt haue tresour in heuene; and come, and sue thou me.

³⁶ And in Joppe was a disciplesse, whos name was Tabita, that is to seie, Dorcas. This was ful of good werkis and almesdedis, that sche dide.

³⁸ hou God anoyntide hym with the Hooli Goost, and vertu; which passide forth in doynge wel, and heelynge alle men oppressid of the deuel, for God was with hym.

¹³ yyuynge good to the nedis of seyntis, kepynge hospitalite.

¹² For the mynystrie of this office not oneli fillith tho thingis that failen to holi men, but also multiplieth many thankyngis to God, ¹³ bi the preuyng of this mynystrie, which glorifien God in the obedience of youre knouleching in the gospel of Crist, and in symplenesse of comynycacioun in to hem and in to alle,

⁶ He that is tauyt bi word, comune he with him that techith hym, in `alle goodis.

¹⁰ Therfor while we han tyme, worche we good to alle men; but most to hem that ben homliche of the feith.

²⁸ He that stal, now stele he not; but more trauele he in worchinge with hise hondis that that is good, that he haue whereof he schal yyue to nedi.

¹⁴ Netheles ye han doon wel, comynynge to my tribulacioun.

¹⁸ For Y haue alle thingis, and abounde; Y am fillid with tho thingis takun of Epafrodite, whiche ye senten in to the odour of swetnesse, a couenable sacrifice, plesynge to God.

¹⁵ Se ye, that no man yelde yuel for yuel to ony man; but euere more sue ye that that is good, ech to othere and to alle men.

¹³ But nyle ye, britheren, faile wel doynge.

¹⁸ to do wel, to be maad riche in good werkis, liytli to yyue,

⁶ that the comynyng of thi feith be maad opyn, in knowing of al good thing in Crist Jhesu.

¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren.

¹ The charite of britherhod dwelle in you, and nyle ye foryete hospitalite; ² for bi this summen plesiden to aungels, that weren resseyued to herborewe.

¹¹ Moost dere brothir, nyle thou sue yuel thing, but that that is good thing. He that doith wel, is of God; he that doith yuel, seeth not God.