Haggai 2:8 Cross References - Wycliffe

⁸ and Y schal moue alle folkis, and the desirid to alle folkis schal come; and Y schal fille this hous with glorie, seith the Lord of oostis.

²⁰ Sotheli Goddis answeryng place hadde twenti cubitis of lengthe, and twenti cubitis of breede, and twenti cubitis of hiyte; and he hilide, and clothide it with pureste gold; but also he clothide the auter with cedre. ²¹ Also he hilide with pureste gold the hows bifor `Goddis answeryng place, and fastnyde platis with goldun nailis. <sup>22</sup> No thing was in the temple, `which thing was not hilid with gold; but also he hilid with gold al the auter of Goddis answeryng place. ²³ And he made in `Goddis answeryng place twey cherubyns of the trees of olyues, of ten cubits of heiyte; <sup>24</sup> o wynge of cherub was of fyue cubitis, and the tother wynge of cherub was of fyue cubitis, that is, hauynge ten cubitis, fro the heiynesse of `the o wynge `til to the hiynesse of the tother wynge. <sup>25</sup> And the secunde cherub was of ten cubitis in euene mesure; and o werk was in the twey cherubyns, <sup>26</sup> that is, o cherub hadde the hiythe of ten cubitis, and in lijk maner the tother cherub. <sup>27</sup> And he settide cherubyns in the myddis of the ynnere temple; forsothe the cherubyns helden forth her wyngis, and o wenge touchide the wal, and the wynge of the secunde cherub touchide the tother wal; forsothe the othere wyngis in the middil part of the temple touchiden hem silf togidere. <sup>28</sup> And he hilide the cherubyns with gold, <sup>29</sup> and alle the wallis of the temple `bi cumpas; and grauyde with dyuerse grauyngis and smethenesse; and he made in tho wallys cherubyns, and palmes, and dyuerse peynturis, as stondinge forth and goynge out of the wal. ³⁰ But also he hilide with gold the pawment of the hows, withynne and with outforthe. ³¹ And in the entryng of `Goddis answering place he made twei litil doris of the trees of olyues; and he made postis of fyue corneris, ³² and twei doris of the trees of olyues; and grauyde in tho the peynture of cherubyns, and the licnessis of palmes, and grauyngis aboue stondynge forth gretli; and he hilide tho with gold; and he hilide as wel the cherubyns, as palmes, and othere thingis with gold. ³³ And in the entring of the temple he made postis foure cornerid of the trees of olyues; ³⁴ and he made twei doris of the trees of beech, ech ayens other; and euer either dore was double, and it was openyd holdynge it silf togidere. ³⁵ And he grauyde cherubyns, and palmes, and grauyngis apperynge greetli; and he hilide alle thingis with goldun platis, bi square werk at reule.

¹⁴ Who am Y, and who is my puple, that we moun bihete alle these thingis to thee? Alle thingis ben thine, and we han youe to thee tho thingis, whiche we token of thin hond. ¹⁵ For we ben pilgrimes and comelyngis bifor thee, as alle oure fadris; oure daies ben as schadewe on the erthe, and `no dwellyng is. ¹⁶ Oure Lord God, al this plentee which we han maad redi, that an hows schulde be byldid to thin hooli name, is of thin hond; and alle thingis ben thin.

¹ The title of the foure and twentithe salm. To Dauid.

¹⁰ Yyue thou ioie, and gladnesse to myn heryng; and boonys maad meke schulen ful out make ioye. ¹¹ Turne awei thi face fro my synnes; and do awei alle my wickidnesses. ¹² God, make thou a clene herte in me; and make thou newe a riytful spirit in my entrailis.

¹³ The glorie of the Liban schal come to thee, a fir tre, and box tre, and pyne appil tre togidere, to ourne the place of myn halewyng; and Y schal glorifie the place of my feet.

¹⁷ For bras Y schal brynge gold, and for irun Y schal brynge siluer; and bras for trees, and yrun for stoonys; and Y schal sette thi visitacioun pees, and thi prelatis riytfulnesse.