Galatians 6:7 Cross References - Wycliffe

⁷ Nyle ye erre, God is not scorned;

⁸ Certis rathir Y siy hem, that worchen wickidnesse, and sowen sorewis,

⁸ Whether ye taken his face, and enforsen to deme for God? ⁹ Ethir it schal plese hym, fro whom no thing mai be hid? Whether he as a man schal be disseyued with youre falsnessis?

³¹ Bileue he not veynli disseyued bi errour, that he schal be ayenbouyt bi ony prijs.

³¹ Therfor thei schulen ete the fruytis of her weie; and thei schulen be fillid with her counseils.

¹⁴ bi schrewid herte he ymagyneth yuel, and in al tyme he sowith dissenciouns.

¹⁹ a man bringynge forth lesingis, a fals witnesse; and him that sowith discordis among britheren.

¹⁸ A wickid man makith vnstable werk; but feithful mede is to hym, that sowith riytfulnesse.

⁹ But thouy ye sleen al the oost of Caldeis, that fiyten ayens you, and summe woundid men of hem be left, ech man schal rise fro his tente, and thei schulen brenne this citee bi fier.

⁷ For thei schulen sowe wynd, and thei schulen repe whirlewynd. A stalke stondynge is not in hem, the seed schal not make mele; that if also it makith mele, aliens schulen ete it.

¹² Sowe ye to you riytfulnesse in treuthe, and repe ye in the mouthe of merci, and make ye newe to you a feld newli brouyte to tilthe. Forsothe tyme is to seke the Lord, whanne he cometh, that schal teche you riytfulnesse.

³ The pride of thin herte enhaunside thee, dwellynge in crasyngis of stoonys, areisynge thi seete. Whiche seist in thin herte, Who schal drawe me doun in to erthe?

²⁵ And Abraham seide to hym, Sone, haue mynde, for thou hast resseyued good thingis in thi lijf, and Lazarus also yuel thingis; but he is now coumfortid, and thou art turmentid.

⁸ And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.

⁶ that schal yelde to ech man aftir his werkis; ⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf; ⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch, ⁹ in to ech soule of man that worchith yuel, to the Jew first, and to the Greke; ¹⁰ but glorie, and honour, and pees, to ech man that worchith good thing, to the Jew first, and to the Greke.

¹⁸ No man disseyue hym silf. If ony man among you is seyn to be wiys in this world, be he maad a fool, that he be wijs.

⁹ Whether ye witen not, that wickid men schulen not welde the kyngdom of God? Nyle ye erre; nethir letchours, nether men that seruen mawmetis, nether auouteris,

³³ Nyle ye be disseyued; for yuel spechis distrien good thewis.

⁶ For Y seie this thing, he that sowith scarseli, schal also repe scarseli; and he that sowith in blessyngis, schal `repe also of blessyngis.

³ For who that trowith that he be ouyt, whanne he is nouyt, he bigilith him silf.

⁶ No man disseyue you bi veyn wordis; for whi for these thingis the wraththe of God cam on the sones of vnbileue.

³ No man disseyue you in ony manere. For but dissencioun come first, and the man of synne be schewid, the sonne of perdicioun,

²² But be ye doeris of the word, and not hereris oneli, disseiuynge you silf.

²⁶ And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn.

⁸ If we seien, that we han no synne, we disseyuen vs silf, and treuthe is not in vs.

⁷ Litle sones, no man disseyue you; he that doith riytwysnesse, is iust, as also he is iust.

¹⁸ that in the laste tymes ther schulen come gilours, wandringe aftir her owne desiris, not in pitee.