Ecclesiastes 12 Cross References - Wycliffe

¹ Haue thou mynde on thi creatour in the daies of thi yongthe, bifore that the tyme of thi turment come, and the yeris of thi deth neiye, of whiche thou schalt seie, Tho plesen not me. ² `Haue thou mynde on thi creatour, bifor that the sunne be derk, and the liyt, and sterrys, and the mone; and cloude turne ayen after reyn. <sup>3</sup> Whanne the keperis of the hous schulen be mouyd, and strongeste men schulen tremble; and grynderis schulen be idel, whanne the noumbre schal be maad lesse, and seeris bi the hoolis schulen wexe derk; <sup>4</sup> and schulen close the doris in the street, in the lownesse of vois of a gryndere; and thei schulen rise at the vois of a brid, and alle the douytris of song schulen wexe deef. <sup>5</sup> And hiy thingis schulen drede, and schulen be aferd in the weie; an alemaunde tre schal floure, a locuste schal be maad fat, and capparis schal be distried; for a man schal go in to the hous of his euerlastyngnesse, and weileris schulen go aboute in the street. <sup>6</sup> Haue thou mynde on thi creatour, byfore that a siluerne roop be brokun, and a goldun lace renne ayen, and a watir pot be al to-brokun on the welle, and a wheele be brokun togidere on the cisterne; <sup>7</sup> and dust turne ayen in to his erthe, wherof it was, and the spirit turne ayen to God, that yaf it. <sup>8</sup> The vanyte of vanytees, seide Ecclesiastes, the vanyte of vanytees, and alle thingis ben vanyte. <sup>9</sup> And whanne Ecclesiastes was moost wijs, he tauyte the puple, and he telde out the thingis whiche he dide, <sup>10</sup> and he souyte out wisdom, and made many parablis; he souyte profitable wordis, and he wroot moost riytful wordis, and ful of treuthe. <sup>11</sup> The wordis of wise men ben as prickis, and as nailis fastned deepe, whiche ben youun of o scheepherde bi the counsels of maistris. <sup>12</sup> My sone, seke thou no more than these; noon ende is to make many bookis, and ofte thenkyng is turment of fleisch. <sup>13</sup> Alle we here togydere the ende of spekyng. Drede thou God, and kepe hise heestis; `that is to seie, ech man. ¹⁴ God schal brynge alle thingis in to dom, that ben don; for ech thing don bi errour, whether it be good, ether yuel.

⁷ Therfor the Lord God formede man of the sliym of erthe, and brethide in to his face the brething of lijf; and man was maad in to a lyuynge soule.

¹⁹ in swoot of thi cheer thou schalt ete thi breed, til thou turne ayen in to the erthe of which thou art takun; for thou art dust, and thou schalt turne ayen in to dust.

²⁷ Abraham answerde and seide, For Y bigan onys, Y schal speke to my Lord, sithen Y am dust and aische;

¹² Which answerde, I am present. And the aungel seide to hym, Holde thou not forth thin honde on the child, nether do thou ony thing to him; now Y haue knowe that thou dredist God, and sparidist not thin oon gendrid sone for me.

¹ Forsothe Isaac wexe eld, and hise iyen dasewiden, and he miyte not se. And he clepide Esau, his more sone, and seide to hym, My sone! Which answerde, Y am present.

² And the Lord was with hym, and he was a man doynge with prosperite in alle thingis. And Joseph dwellide in `the hows of his lord,

⁸ which assentide not to the vnleueful werk, and seide to hir, Lo! while alle thingis ben bitakun to me, my lord woot not what he hath in his hows, ⁹ nether ony thing is, which is not in my power, ether which `he hath not bitake to me, outakun thee, which art his wijf; how therfor may Y do this yuel, and do synne ayens my lord?

²³ for alle thingis weren bitakun to Joseph; for the Lord was with hym, and dresside alle his werkis.

³⁸ And Jacob seide, My sone schal not go doun with you; his brother is deed, he aloone is left; if ony aduersite schal bifalle `to hym in the lond to which ye schulen go, ye schulen lede forth myn hoore heeris with sorewe to hellis.

²⁹ if ye taken also this sone, and ony thing bifallith to hym in the weye, ye schulen lede forth myn hoor heeris with morenyng to hellis.

³¹ and he se that the child is not with vs, he schal die, and thi seruauntis schulen lede forth hise hoor heeris with sorewe to hellis.

¹⁰ For `the iyen of Israel, dasewiden for greet eelde, and he myyte not se clereli; and he kisside and collide tho children ioyned to hym, and seide to his sone,

²⁴ His bowe sat in the stronge, and the boondis of his armes, and hondis weren vnboundun bi the hond of the myyti of Jacob; of hym a scheepherd yede out, the stoon of Israel.

³ While thei `filliden the comaundementis, fourti daies passiden, for this was the custom of deed bodies anoyntid; and Egipt biwepte hym seuenti daies. <sup>4</sup> And whanne the tyme of weiling was fillid, Joseph spak to the meyne of Farao, If Y haue founde grace in youre siyt, speke ye in the eeris of Farao; for my fadir chargide me, <sup>5</sup> and seide, Lo! Y die, thou schalt birie me in my sepulcre which Y diggide to me in the lond of Canaan; therfor Y schal stie that Y birie my fadir, and Y schal turne ayen. <sup>6</sup> And Farao seide to hym, Stie, and birie thi fader, as thou art chargid. <sup>7</sup> And whanne `he stiede, alle the elde men of `the hous of Farao yeden with him, and alle the grettere men in birthe of the lond of Egipt; the hous of Joseph with her britheren, ⁸ without litle children, and flockis, and grete beestis, whiche thei leften in the lond of Gessen, yeden with him. ⁹ And he hadde charis, and horsmen, and felouschip, and cumpany was maad not litil. ¹⁰ And thei camen to the cornfloor of Adad, which is set ouer Jordan, where thei maden the seruice of the deed bodi, with greet weilyng and strong, and fillide seuen daies.

³² Rise thou bifor an hoor heed, and onoure thou the persoone of an eld man, and drede thou thi Lord God; Y am the Lord.

²² Whiche felden lowe on the face, and seiden, Strongeste God of the spiritis of al fleisch, whethir `thin yre schal be fers ayens alle men, for o man synneth?

¹⁶ The Lord God of spiritis of al fleisch puruey a man, that be on this multitude,

² Ye schulen not adde to the word which Y speke to you, nether ye schulen take awei `fro it; kepe ye the comaundementis of youre Lord God, which Y comaunde to you.

² that thou drede thi Lord God, and kepe alle hise comaundementis, and heestis, whiche Y comaunde to thee, and to thi sones, and sones of sones, in alle the daies of thi lijf, that thi daies be lengthid.

¹² And now, Israel, what axith thi Lord God of thee, no but that thou drede thi Lord, and go in hise weies, and that thou loue hym, and serue thi Lord God in al thin herte, and in al thi soule;

²⁸ therfor Y haue youe hym to the Lord `in alle daies, in whiche he is youun to the Lord. And thei worschypiden there the Lord.

¹⁸ `Forsothe Samuel, a child gird with a lynnun clooth, mynystride bifor the face of the Lord.

²⁶ Forsothe the child Samuel profitide, and encreessyde, and pleside bothe God and men.

² Therfor it was doon in a dai, Heli lay in his bed, and hise iyen dasewiden, and he myyte not se the lanterne of God, bifor that it was quenchid.

¹⁹ Forsothe Samuel encreeside, and the Lord was with hym, and noon of alle hise wordis felde in to erthe. ²⁰ And al Israel fro Dan to Bersabee knew, that feithful Samuel was a profete of the Lord. ²¹ And the Lord addide `that he schulde appere in Silo, for the Lord was schewid to Samuel in Silo bi the `word of the Lord; and the word of Samuel cam to al Israel.

¹⁵ Forsothe Heli was of foure score yeer and eiytene, and hise iyen dasiwiden, and he myyte not se.

¹⁸ And whanne he hadde nemyd the arke of God, Hely felde fro `the hiye seete bacward bisidis the dore, and `was deed; for the nollis weren brokun. For he was an eld man, and of greet age; and he demyde Israel bi fourti yeer.

⁷ And the Lord seide to Samuel, Biholde thou not his cheer, nethir hiynesse of his stature; for Y castide hym awei, and Y demyde not bi `the siyt of man; for a man seeth tho thingis that ben opyn, but the Lord biholdith the herte.

¹² Therfor Ysai sente, and brouyte hym; sotheli he was rodi, and fair in siyt, and of semely face. And the Lord seide, Rise thou, and anoynte hym; for it is he. ¹³ Therfor Samuel took the horn of oyle, and anoyntid hym in the myddis of his britheren; and the Spirit of the Lord was dressid in to Dauid fro that day `and afterward. And Samuel roos, and yede in to Ramatha.

³⁶ For Y thi seruaunt killide bothe a lioun and a bere; therfor and this Filistei vncircumcidid schal be as oon of hem. Now Y schal go, and Y schal do awey the schenschip of the puple; for who is this Filistei vncircumcidid, that was hardi to curse the oost of God lyuynge? ³⁷ And Dauid seide, The Lord that delyuerede me fro the `mouth of the lioun, and fro the `hond, that is, power, of the bere, he schal delyuere me fro the hond of this Filistei. Forsothe Saul seide to Dauid, Go thou, and the Lord be with thee.

³⁵ Y am of foure score yeer to dai; whether my wittis ben quike to deme swete thing ethir bittir, ether mete and drynk may delite thi seruaunt, ether may Y here more the vois of syngeris ether of syngsters? Whi is thi seruaunt to charge to my lord the kyng?

¹⁵ Forsothe batel of Filisteis was maad eft ayens Israel; and Dauid yede doun, and hise seruauntis with hym, and fouyten ayen Filisteis. ¹⁶ Sotheli whanne Dauid failide, Jesbydenob, that was of the kyn of Arapha, that is, of giauntis, and the yrun of his spere peiside thre hundrid ouncis, and he was gird with a newe swerd, enforside to smyte Dauid. ¹⁷ And Abisai, sone of Saruye, was in help to Dauid; and he smoot and killide the Filistei. Than the men of Dauid sworen, and seiden, Now thou schalt not go out with vs in to batel, lest thou quenche the lanterne of Israel.

⁶ And Salomon seide, Thou hast do greet merci with thi seruaunt Dauid, my fadir, as he yede in thi siyt, in treuthe, and riytfulnesse, and riytful herte with thee; thou hast kepte to hym thi greet merci, and hast youun to hym a sone, sittynge on his trone, as it is to dai. ⁷ And now, Lord God, thou hast maad thi seruaunt to regne for Dauid, my fadir; forsothe Y am a litil child, and not knowynge myn outgoynge and entryng. ⁸ And thi seruaunt is in the myddis of the puple, which thou hast chose, of puple with outen noumbre, that may not be noumbrid and rikened, for multitude. ⁹ Therfor thou schalt yyue to thi seruaunt an herte able to be tauyt, `that is, liytned of thee, that he may deme the puple, and iuge bitwixe good and yuel; for who may deme this puple, thi puple, this miche puple? ¹⁰ Therfor the world pleside bifore the Lord, that Salomon hadde axid sich a thing. ¹¹ And the Lord seide to Salomon, For thou axidist this word, and axidist not to thee many daies, nether richessis, nether the lyues of thin enemyes, but thou axidist to thee wisdom to deme doom, lo! ¹² Y haue do to thee vpe thi wordis, and Y haue youe to thee a wyse herte and vndirstondynge, in so myche that no man bifor thee was lijk thee, nether schal rise aftir thee.

³² And Salomon spak thre thousynde parablis, and hise songis weren fyue thousynde;

¹² Thanne Salomon seide, The Lord seide, that he wolde dwelle in a cloude. ¹³ Y bildynge haue bildid an hows in to thi dwelling place, in to thi moost stidefast trone with outen ende. ¹⁴ And the kyng turnede his face, and blesside al the chirche in Israel; for al the chirche of Israel stood. ¹⁵ And Salomon seide, Blessid be the Lord God of Israel, that spak with his mouth to Dauid, my fadir, and performyde in hise hondis, and seide, ¹⁶ Fro the dai in which Y ledde my puple Israel out of Egipt, Y chees not a citee of alle the lynagis of Israel, that an hows schulde be bildid, and my name schulde be there; but Y chees Dauid, that he schulde be ouer my puple Israel. ¹⁷ And Dauid, my fadir, wolde bilde an hows to the name of the Lord God of Israel. ¹⁸ And the Lord seide to Dauid, my fadir, That thou thouytist in thin herte to bilde an hows to my name, thou didist wel, tretynge this same thing in soule; ¹⁹ netheles thou schalt not bilde an hows to me, but thi sone, that schal go out of thi reynes, he schal bilde an hows to my name. ²⁰ The Lord hath confermyd his word, which he spak; and Y stood for Dauid, my fadir, and Y sat on the trone of Israel, as the Lord spak; and Y haue bildid an hows to the name of the Lord God of Israel. ²¹ And Y haue ordeyned there a place of the arke, in which arke the boond of pees of the Lord is, which he smoot with oure fadris, whanne thei yeden out of the lond of Egipt.

⁸ Thi men ben blessid, and thi seruauntis ben blessid, these that stonden bifor thee euere, and heren thi wisdom.

¹³ And al Israel schal biweile him, and schal birie; for this child aloone of Jeroboam schal be borun in to sepulcre, for a good word is foundun on hym of the Lord God of Israel, in the hows of Jeroboam.

¹² And whanne Y schal departe fro thee, the Spirit of the Lord schal bere thee awey in to a place which Y knowe not; and Y schal entre, and `Y schal telle to Achab, and he schal not fynde thee, and he schal sle me; forsothe thi seruaunt dredith the Lord fro his yong childhod.

² And he dide that, that was riytful in the siyt of the Lord; and yede in the waies of Dauid, his fadir, and bowide not to the riyt side nether to the left side. ³ Forsothe in the eiytethe yeer of the rewme of his empire, whanne he was yit a child, he bigan to seke God of his fadir Dauid; and in the tweluethe yeer after that he bigan, he clenside Juda and Jerusalem fro hiy places, and wodis, and similacris, and grauun ymagis.

⁸ And now as at a litil and at a moment oure preier is maad anentis `oure Lord God, that relikis schulden be left to vs, and that `his pees schulde be youun in his hooli place, and that oure God schulde liytne oure iyen, and yyue to vs a litil lijf in oure seruage.

¹⁹ Hou myche more thei that dwellen in housis of cley, that han an ertheli foundement, schulen be wastyd as of a mouyte. ²⁰ Fro morewtid til to euentid thei schulen be kit doun; and for no man vndurstondith, thei schulen perische with outen ende.

²¹ Whi doist thou not awei my sinne, and whi takist thou not awei my wickidnesse? Lo! now Y schal slepe in dust, and if thou sekist me eerli, Y schal not abide.

¹⁰ Bothe wise men and elde, myche eldre than thi fadris, ben among vs.

¹³ If Y `susteyne, ether suffre pacientli, helle is myn hous; and Y haue arayede my bed in derknessis.

¹¹ Hise boonys schulen be fillid with the vices of his yong wexynge age; and schulen slepe with hym in dust.

²⁸ And he seide to man, Lo! the drede of the Lord, thilke is wisdom; and to go awei fro yuel, is vndurstondyng.

² Of whiche men the vertu of hondis was for nouyt to me, and thei weren gessid vnworthi to that lijf.

²³ Y woot, that thow schalt bitake me to deeth, where an hows is ordeyned to ech lyuynge man.

¹⁴ If God dressith his herte to hym, he schal drawe to hym silf his spirit and blast. ¹⁵ Ech fleisch schal faile togidere; `and a man schal turne ayen in to aisch.

¹ The title of the `thre and twentithe salm. The song of Dauid. The erthe and the fulnesse therof is `the Lordis; the world, and alle that dwellen therynne `is the Lordis.

¹¹ Wickid witnessis risynge axiden me thingis, whiche Y knewe not.

¹⁰ For alle the wyelde beestis of wodis ben myne; werk beestis, and oxis in hillis. ¹¹ I haue knowe alle the volatils of heuene; and the fairnesse of the feeld is with me. ¹² If Y schal be hungry, Y schal not seie to thee; for the world and the fulnesse therof is myn. ¹³ Whether Y schal eete the fleischis of boolis? ethir schal Y drynke the blood of geet buckis? ¹⁴ Offre thou to God the sacrifice of heriyng; and yelde thin avowis to the hiyeste God.

⁹ thi riythond took me vp.

¹⁷ His name be blessid in to worldis; his name dwelle bifore the sunne. And all the lynagis of erthe schulen be blessid in hym; alle folkis schulen magnyfie hym. ¹⁸ Blessid be the Lord God of Israel; which aloone makith merueiylis.

¹⁸ Blessid be the Lord God of Israel; which aloone makith merueiylis.

²⁰ `The preieris of Dauid, the sone of Ysay, ben endid.

¹⁶ And he ledde watir out of the stoon; and he ledde forth watris as floodis.

¹ The title of the eiytetithe salm. To the ouercomer in the pressours of Asaph.

³ For he delyuered me fro the snare of hunteris; and fro a scharp word.

⁹ For thou, Lord, art myn hope; thou hast set thin help altherhiyeste. ¹⁰ Yuel schal not come to thee; and a scourge schal not neiye to thi tabernacle.

¹⁰ Yuel schal not come to thee; and a scourge schal not neiye to thi tabernacle.

¹⁰ A synner schal se, and schal be wrooth; he schal gnaste with hise teeth, and schal faile; the desijr of synneris schal perische.

⁴ Which noumbrith the multitude of sterris; and clepith names to alle tho.

¹ The parablis of Salomon, the sone of Dauid, king of Israel;

¹ The parablis of Salomon, the sone of Dauid, king of Israel; ² to kunne wisdom and kunnyng; ³ to vndurstonde the wordis of prudence; and to take the lernyng of teching; to take riytfulnesse, and dom, and equyte; ⁴ that felnesse be youun to litle children, and kunnyng, and vndurstonding to a yong wexynge man. ⁵ A wise man heringe schal be wisere; and a man vndurstondinge schal holde gouernails. ⁶ He schal perseyue a parable, and expownyng; the wordis of wise men, and the derk figuratif spechis of hem.

⁶ He schal perseyue a parable, and expownyng; the wordis of wise men, and the derk figuratif spechis of hem. ⁷ The drede of the Lord is the bigynning of wisdom; foolis dispisen wisdom and teching.

⁶ Here ye, for Y schal speke of grete thingis; and my lippis schulen be openyd, to preche riytful thingis. ⁷ My throte schal bithenke treuthe; and my lippis schulen curse a wickid man. ⁸ My wordis ben iust; no schrewid thing, nether weiward is in tho. ⁹ `My wordis ben riytful to hem that vndurstonden; and ben euene to hem that fynden kunnyng. ¹⁰ Take ye my chastisyng, and not money; chese ye teching more than tresour.

¹⁷ I loue hem that louen me; and thei that waken eerli to me, schulen fynde me.

¹ The parablis of Salomon. A wijs sone makith glad the fadir; but a fonned sone is the sorewe of his modir.

²³ A man is glad in the sentence of his mouth; and a couenable word is best.

²⁶ Iuele thouytis is abhomynacioun of the Lord; and a cleene word moost fair schal be maad stidfast of hym.

²¹ He that is wijs in herte, schal be clepid prudent; and he that is swete in speche, schal fynde grettere thingis. ²² The welle of lijf is the lernyng of him that weldith; the techyng of foolis is foli. ²³ The herte of a wijs man schal teche his mouth; and schal encreesse grace to hise lippis. ²⁴ Wordis wel set togidere is a coomb of hony; helthe of boonys is the swetnesse of soule.

³¹ A coroun of dignyte is eelde, that schal be foundun in the weies of riytfulnesse.

²³ The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste.

²⁹ The ful out ioiyng of yonge men is the strengthe of hem; and the dignyte of elde men is hoornesse.

⁶ It is a prouerbe, A yong wexynge man bisidis his weie, and whanne he hath wexe elde, he schal not go awei fro it.

¹⁷ My sone, bowe doun thin eere, and here thou the wordis of wise men; but sette thou the herte to my techyng.

¹⁷ My sone, bowe doun thin eere, and here thou the wordis of wise men; but sette thou the herte to my techyng. ¹⁸ That schal be fair to thee, whanne thou hast kept it in thin herte, and it schal flowe ayen in thi lippis. ¹⁹ That thi trist be in the Lord; wherfor and Y haue schewid it to thee to dai. ²⁰ Lo! Y haue discryued it in thre maneres, in thouytis and kunnyng, ²¹ that Y schulde schewe to thee the sadnesse and spechis of trewthe; to answere of these thingis to hem, that senten thee.

¹⁷ Thin herte sue not synneris; but be thou in the drede of the Lord al dai.

¹ Also these ben the Parablis of Salomon, whiche the men of Ezechie, kyng of Juda, translatiden.

¹¹ A goldun pomel in beddis of siluer is he, that spekith a word in his time. ¹² A goldun eere ryng, and a schinynge peerle is he, that repreueth a wijs man, and an eere obeiynge.

¹ The wordis of Ecclesiastes, sone of Dauid, the kyng of Jerusalem. ² The vanyte of vanytees, seide Ecclesiastes; the vanyte of vanytees, and alle thingis ben vanite.

¹² I Ecclesiastes was king of Israel in Jerusalem;

¹⁴ I siy alle thingis that ben maad vndur the sunne, and lo! alle thingis ben vanyte and turment of spirit.

¹⁸ for in myche wisdom is myche indignacioun, and he that encressith kunnyng, encreessith also trauel.

³ I thouyte in myn herte to withdrawe my fleisch fro wyn, that Y schulde lede ouer my soule to wisdom, and that Y schulde eschewe foli, til Y schulde se, what were profitable to the sones of men; in which dede the noumbre of daies of her lijf vndur the sunne is nedeful.

¹⁷ And therfor it anoiede me of my lijf, seynge that alle thingis vndur sunne ben yuele, and that alle thingis ben vanyte and turment of the spirit.

¹⁷ And Y seide in myn herte, The Lord schal deme a iust man, and an vnfeithful man; and the tyme of ech thing schal be thanne.

²⁰ Alle thingis ben suget to vanyte, and alle thingis goen to o place; tho ben maad of erthe, and tho turnen ayen togidere in to erthe. ²¹ Who knowith, if the spirit of the sones of Adam stieth vpward, and if the spirit of beestis goith dounward?

⁴ Eft Y bihelde alle the trauelis of men, and bisynesses; and Y perseyuede that tho ben opyn to the enuye of neiybore; and therfor in this is vanyte, and superflu bisynesse.

⁴ and it is myche betere to make not a vowe, than aftir a vowe to yelde not biheestis.

⁸ It is not in the power of man to forbede the spirit, nethir he hath power in the dai of deth, nethir he is suffrid to haue reste, whanne the batel neiyeth; nethir wickidnesse schal saue a wickid man.

¹² Netheles of that, that a synnere doith yuel an hundrid sithis, and is suffrid bi pacience, Y knew that good schal be to men dredynge God, that reuerensen his face.

¹⁰ Worche thou bisili, what euer thing thin hond mai do; for nether werk, nether resoun, nethir kunnyng, nether wisdom schulen be at hellis, whidir thou haastist.

⁷ The liyt is sweet, and delitable to the iyen to se the sunne. ⁸ If a man lyueth many yeeris, and is glad in alle these, he owith to haue mynde of derk tyme, and of many daies; and whanne tho schulen come, thingis passid schulen be repreued of vanyte.

⁸ If a man lyueth many yeeris, and is glad in alle these, he owith to haue mynde of derk tyme, and of many daies; and whanne tho schulen come, thingis passid schulen be repreued of vanyte. ⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom. ¹⁰ Do thou awei ire fro thin herte, and remoue thou malice fro thi fleisch; for whi yongthe and lust ben veyne thingis.

³⁰ And he schal sowne on it in that dai, as doith the soun of the see; we schulen biholde in to the erthe, and lo! derknessis of tribulacioun, and liyt is maad derk in the derknesse therof.

²³ And Y schal sette hym a stake in a feithful place, and he schal be in to the seete of glorie of the hous of his fadir.

⁸ And in the weie of thi domes, Lord, we suffriden thee; thi name, and thi memorial is in desir of soule.

¹¹ As a scheepherd he schal fede his flok, he schal gadere lambreen in his arm, and he schal reise in his bosom; he schal bere scheep `with lomb.

⁴ Til to eelde Y my silf, and til to hoor heeris Y schal bere; Y made, and Y schal bere, and Y schal saue.

¹⁶ For Y schal not stryue with outen ende, nether Y schal be wrooth `til to the ende; for whi a spirit schal go out fro my face, and Y schal make blastis.

¹¹ And the word of the Lord was maad to me, and seide, What seest thou, Jeremye?

¹⁷ The Lord of oostis, God of Israel, seith these thingis, Biholde ye, and clepe ye wymmen `that weilen, and come thei; and sende ye to tho wymmen that ben wise, and haste thei. ¹⁸ Haste thei, and take thei weilynge on you; youre iyen brynge doun teeris, and youre iyelidis flowe with watris; ¹⁹ for the vois of weilyng is herd fro Sion. Hou ben we distried, and schent greetli? for we han forsake the lond, for oure tabernaclis ben forsakun. ²⁰ Therfor, wymmen, here ye the word of the Lord, and youre eeris take the word of his mouth; and teche ye youre douytris weilyng, and ech womman teche hir neiybore mournyng.

²⁹ Whether my wordis ben not as fier brennynge, seith the Lord, and as an hamer al to-brekynge a stoon?

¹⁰ And Y schal leese of hem the vois of ioye, and the vois of gladnesse, the vois of spouse, and the vois of spousesse, the vois of queerne, and the liyt of the lanterne.

¹⁶ Therfor Sedechie the king swoor to Jeremye priueli, and seide, The Lord lyueth, that maad to vs this soule, Y schal not sle thee, and Y schal not bitake thee in to the hondis of these men, that seken thi lijf.

²⁷ Teth. It is good to a man, whanne he hath bore the yok fro his yongthe.

⁷ And whanne thou schalt be quenchid, Y schal hile heuenes, and Y schal make blak the sterris therof; Y schal kyuere the sunne with a clowde, and the moone schal not yyue hir liyt. ⁸ Y schal make alle the liyt yyueris of heuene to mourne on thee, and Y schal yyue derknessis on thi lond, seith the Lord God; whanne thi woundid men schulen falle doun in the myddis of erthe, seith the Lord God.

²³ and Y schal reise on tho o sheepherde, my seruaunt Dauid, that schal fede tho; he schal fede tho, and he schal be `in to a sheepherde to hem.

⁸ Forsothe Danyel purposide in his herte, that he schulde not be defoulid of the boord of the kyng, nether of the wyn of his drink; and he preiede the souereyn of onest seruauntis and chast, that he schulde not be defoulid. ⁹ Forsothe God yaf grace and merci to Daniel, in the siyt of the prince of onest seruauntis and chast.

¹⁷ Forsothe to these children God yaf kunnyng and lernyng in ech book, and in al wisdom; but to Daniel God yaf vndurstondyng of alle visiouns and dremys.

² And many of hem that slepen in the dust of erthe, schulen awake fulli, summe in to euerlastynge lijf, and othere in to schenschipe, that thei se euere.

⁹ Aliens eeten the strengthe of hym, and he knew not; but also hoor heeris weren sched out in hym, and he knew not.

⁸ Y schal schewe to thee, thou man, what is good, and what the Lord axith of thee; forsothe for to do doom, and for to loue merci, and be bisi for to walke with thi God.

² And he seide to me, What seest thou? And Y seide, Y saiy, and lo! a candilstike al of gold, and the laumpe therof on the heed therof, and seuene lanternes therof on it, and seuene vessels for to holde oyle to the lanternes, that weren on the heed therof. ³ And twei olyues there onne, oon of the riythalf `of the laumpe, and `an other on the left half therof.

⁴ The Lord of oostis seith these thingis, Yit elde men and elde wymmen schulen dwelle in the stretis of Jerusalem, and the staf of man in his hond, for the multitude of yeeris.

¹ The birthun of the word of the Lord on Israel. And the Lord seide, stretchynge forth heuene, and founding erthe, and makynge the spirit of a man in hym, Lo!

⁷ But he siy manye of the Farysees and of Saduceis comynge to his baptym, and seide to hem, Generaciouns of eddris, who shewide to you to fle fro the wraththe that is to come?

²⁶ Therfor drede ye not hem; for no thing is hid, that schal not be shewid; and no thing is priuey, that schal not be wist.

³⁶ And Y seie to you, that of euery idel word, that men speken, thei schulen yelde resoun therof in the dai of doom;

³¹ Whanne mannus sone schal come in his maieste, and alle hise aungels with hym, thanne he schal sitte on the sege of his maieste; ³² and alle folkis schulen be gaderid bifor hym, ³³ and he schal departe hem atwynne, as a scheeperde departith scheep from kidis; and he schal sette the scheep on his riythalf, and the kidis on the lefthalf. ³⁴ Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world. ³⁵ For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me; ³⁶ nakid, and ye hiliden me; sijk, and ye visitiden me; Y was in prisoun, and ye camen to me. ³⁷ Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk? ³⁸ and whanne sayn we thee herborles, and we herboreden thee; or nakid, and we hiliden thee? ³⁹ or whanne sayn we thee sijk, or in prisoun, and we camen to thee? ⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me. ⁴¹ Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels. ⁴² For Y hungride, and ye yauen not me to ete; Y thristide, and ye yauen not me to drynke; ⁴³ Y was herborles, and ye herberden not me; nakid, and ye keuerden not me; sijk, and in prisoun, and ye visitiden not me. ⁴⁴ Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee? ⁴⁵ Thanne he schal answere to hem, and seie, Treuli Y seie to you, `hou longe ye diden not to oon of these leeste, nether ye diden to me. ⁴⁶ And these schulen goo in to euerlastynge turment; but the iust men schulen go in to euerlastynge lijf.

³⁸ And thei camen in to the hous of the prince of the synagoge. And he saie noyse, and men wepynge and weilynge myche. ³⁹ And he yede ynne, and seide to hem, What ben ye troublid, and wepen? The damesel is not deed, but slepith.

¹ Forsothe for manye men enforceden to ordeyne the tellyng of thingis, whiche ben fillid in vs, ² as thei that seyn atte the bigynnyng, and weren ministris of the word, ³ bitaken, it is seen also to me, hauynge alle thingis diligentli bi ordre, to write to thee, ⁴ thou best Theofile, that thou knowe the treuthe of tho wordis, of whiche thou art lerned.

¹⁵ For he schal be greet bifor the Lord, and he schal not drynke wyn and sidir, and he schal be fulfillid with the Hooli Goost yit of his modir wombe.

⁵⁰ And his mercy is fro kynrede in to kynredes, to men that dreden hym.

⁴⁰ And the child wexe, and was coumfortid, ful of wisdom; and the grace of God was in hym. ⁴¹ And his fadir and modir wenten ech yeer in to Jerusalem, in the solempne dai of pask. ⁴² And whanne Jhesus was twelue yeer oold, thei wenten vp to Jerusalem, aftir the custom of the feeste dai. ⁴³ And whanne the daies weren don, thei turneden ayen; and the child abood in Jerusalem, and his fadir and modir knewen it not. ⁴⁴ For thei gessynge that he hadde be in the felowschip, camen a daies iourney, and souyten hym among hise cosyns and hise knouleche. ⁴⁵ And whanne thei founden hym not, thei turneden ayen in to Jerusalem, and souyten hym. ⁴⁶ And it bifelle, that aftir the thridde dai thei founden hym in the temple, sittynge in the myddil of the doctours, herynge hem and axynge hem. ⁴⁷ And alle men that herden hym, wondriden on the prudence and the answeris of hym. ⁴⁸ And thei seyn, and wondriden. And his modir seide to hym, Sone, what hast thou do to vs thus? Lo! thi fadir and Y sorewynge han souyte thee. ⁴⁹ And he seide to hem, What is it that ye souyten me? wisten ye not that in tho thingis that ben of my fadir, it behoueth me to be? ⁵⁰ And thei vndurstoden not the word, which he spak to hem. ⁵¹ And he cam doun with hem, and cam to Nazareth, and was suget to hem. And his moder kepte togidir alle these wordis, and bare hem in hir herte. ⁵² And Jhesus profitide in wisdom, age, and grace, anentis God and men.

¹ And whanne myche puple stood aboute, so that thei treden ech on othir, he bigan to seie to hise disciplis, Be ye war of the sourdouy of the Farisees, that is ypocrisie. ² For no thing is hilid, that schal not be schewid; nether hid, that schal not be wist.

²⁹ And Abraham seide to him, Thei han Moyses and the prophetis; here thei hem. ³⁰ And he seide, Nay, fadir Abraham, but if ony of deed men go to hem, thei schulen do penaunce. ³¹ And he seide to hym, If thei heren not Moises and prophetis, nethir if ony of deed men rise ayen, thei schulen bileue to hym.

¹⁶ But Jhesus clepide togider hem, and seide, Suffre ye children to come to me, and nyle ye forbede hem, for of siche is the kyngdom of heuenes.

¹⁰ Jhesus answeride, and seide to hym, Thou art a maister in Israel, and knowist not these thingis? ¹¹ Treuli, treuli, Y seie to thee, for we speken that that we witen, and we witnessen that that we han seyn, and ye taken not oure witnessyng.

²⁹ And thei that han do goode thingis, schulen go in to ayenrisyng of lijf; but thei that han done yuele thingis, in to ayenrisyng of doom.

³⁹ Seke ye scripturis, in which ye gessen to haue euerlastynge lijf; and tho it ben, that beren witnessyng of me.

¹⁴ Y am a good scheepherde, and Y knowe my scheep, and my scheep knowen me.

³¹ But these ben writun, that ye bileue, that Jhesus `is Crist, the sone of God, and that ye bileuynge haue lijf in his name.

²⁵ And ther ben also manye othere thingis that Jhesus dide, whiche if thei ben writun bi ech bi hym silf, Y deme that the world hym silf schal not take tho bookis, that ben to be writun.

³⁷ Whanne thei herden these thingis, thei weren compunct in herte; and thei seiden to Petre and othere apostlis, Britheren, what schulen we do?

³⁰ For God dispisith the tymes of this vnkunnyng, and now schewith to men, that alle euery where doon penaunce; for that he hath ordeyned a dai, ³¹ in which he schal deme the world in equite, in a man in which he ordeynede, and yaf feith to alle men, and reiside hym fro deth.

¹⁶ in the dai whanne God schal deme the priuy thingis of men aftir my gospel, bi Jhesu Crist.

¹⁰ But what demest thou thi brothir? or whi dispisist thou thi brothir? for alle we schulen stonde bifore the trone of Crist. ¹¹ For it is writun, Y lyue, seith the Lord, for to me ech kne schal be bowid, and ech tunge schal knouleche to God. ¹² Therfor ech of vs schal yelde resoun to God for hym silf.

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

¹⁰ For it bihoueth vs alle to be schewid bifor the trone of Crist, that euery man telle the propre thingis of the bodi, as he hath don, ethir good, ether yuel.

⁴ For the armuris of oure knyythod ben not fleischli, but myyti bi God to the distruccioun of strengthis. And we distrien counsels,

⁴ And, fadris, nyle ye terre youre sones to wraththe; but nurische ye hem in the teching and chastising of the Lord.

⁵ for the hope that is kept to you in heuenes. Which ye herden in the word of treuthe of the gospel,

¹⁵ A trewe word and worthi al resseyuyng, for Crist Jhesu cam in to this world to make synful men saaf, of whiche Y am the firste.

¹⁵ for thou hast knowun hooli lettris fro thi youthe, whiche moun lerne thee to heelthe, bi feith that is in Crist Jhesu.

¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis.

²⁷ And as it is ordeynede to men,

⁹ And aftirward we hadden fadris of oure fleisch, techeris, and we with reuerence dredden hem. Whethir not myche more we schulen obeische to the fadir of spiritis, and we schulen lyue?

²³ and to the chirche of the firste men, whiche ben writun in heuenes, and to God, domesman of alle, and to the spirit of iust perfit men,

²⁰ And God of pees, that ladde out fro deth the greet scheepherd of scheep, in the blood of euerlastinge testament, oure Lord Jhesu Crist,

¹⁷ Onoure ye alle men, loue ye brithirhod, drede ye God, onoure ye the king.

⁴ And whanne the prince of scheepherdis schal appere, ye schulen resseyue the coroun of glorie, that may neuere fade.

¹⁹ And we han a saddere word of prophecie, to which ye yyuynge tent don wel, as to a lanterne that yyueth liyt in a derk place, til the dai bigynne to yyue liyt, and the dai sterre sprenge in youre hertis. ²⁰ And firste vndurstonde ye this thing, that ech prophesie of scripture is not maad bi propre interpretacioun; ²¹ for prophesie was not brouyt ony tyme bi mannus wille, but the hooli men of God inspirid with the Hooli Goost spaken.

²² And the vois of harpis, and of men of musik, and syngynge with pipe and trumpe, schal no more be herd in it. And ech crafti man, and ech craft, schal no more be foundun in it. And the vois of mylne stoon schal no more be herde in thee,

⁵ And a vois wente out of the trone, and seide, Alle the seruauntis of oure God, seie ye heriyngus to oure God, and ye that dreden God, smale and grete.

¹¹ Amen. And Y say a greet white trone, and oon sittynge on it, fro whos siyt erthe fled and heuene; and the place is not foundun `of hem. <sup>12</sup> And Y sai deed men, grete and smale, stondynge in the siyt of the trone; and bookis weren opened, and deed men weren demed of these thingis that weren writun in the bookis, aftir the werkis of hem. <sup>13</sup> And the see yaf his deed men, that weren in it; and deth and helle yauen her deed men, that weren in hem. And it was demed of ech, aftir the werkis of hem. <sup>14</sup> And helle and deth weren sent in to a poole of fier. `This is the secunde deth. ¹⁵ And he that was not foundun writun in the book of lijf, was sent in to the pool of fier.