Deuteronomy 32:49 Cross References - Wycliffe

⁴⁹ and seide, Stie thou in to this hil Abirym, that is, passyng, in to the hil of Nebo, which is in the lond of Moab, ayens Jerico; and se thou the lond of Canaan, which Y schal yyue to the sones of Israel to holde, and die thou in the hil.

¹² Also the Lord seide to Moises, Stie thou in to this hil of Aberym, and biholde thou fro thennus the lond, which Y schal yyue to the sones of Israel.

⁴⁷ And thei yeden out fro Helmon of Deblathaym, and camen to the hillis of Abarym, ayens Nabo. ⁴⁸ And thei yeden forth fro the hillis of Abarym, and passiden to the feeldi places of Moab, ouer Jordan, ayens Jericho.

¹ Therfor Moyses stiede fro the feeldi places of Moab on the hil of Nebo, in to the cop of Fasga, ayens Gerico. And the Lord schewide to hym al the lond of Galaad `til to Dan, <sup>2</sup> and al Neptalym, and the lond of Effraym and of Manasses, and al the lond of Juda, `til to the laste see; and the south part, ³ and the breede of the feeld of Jerico, of the citee of Palmes `til to Segor. <sup>4</sup> And the Lord seide to hym, This is the lond for which Y swoor to Abraham, Isaac, and Jacob; and Y seide, Y schal yyue it to thi seed; thou hast seyn it with thin iyen, and thou schalt not passe `to it. ⁵ And Moyses, the seruaunt of the Lord, was deed there, in the lond of Moab, `for the Lord comaundide.

¹⁷ Thei schulen se the kyng in his fairnesse; the iyen of hym schulen biholde the londe fro fer.

¹ And we witen, that if oure ertheli hous of this dwellynge be dissoluyd, that we han a bildyng of God, an hous not maad bi hondis, euerlastynge in heuenes.