Deuteronomy 24:17 Cross References - Wycliffe

¹⁷ Thou schalt not `peruerte, ethir waiwardli turne, the doom of the comelyng, and of fadirles ethir modirles; nethir thou schalt take awei in the stide of wed the cloth of a widewe.

²¹ Thou schalt not make sory a comelyng, nether thou schalt turmente hym; for also ye weren comelyngis in the lond of Egipt. ²² Ye schulen not anoye a widewe, and a fadirles ethir modirles child.

²⁶ If thou takist of thi neiybore `a wed a clooth, thou schalt yelde to hym bifore the goyng doun of the sunne; ²⁷ for that aloone is the cloothing of his fleisch, with which he is hilid, nether he hath another, in which he slepith; if he crieth to me, Y schal here hym; for Y am mercyful.

² Thou schalt not sue the cumpanye to do yuel, nether thou schalt ascente to the sentence of ful many men in doom, that thou go awey fro treuthe.

⁶ Thou schalt not bowe in the doom of a pore man.

⁹ Thou schalt not be diseseful to a pilgrym, for ye knowen the soulis of comelyngis, for also ye weren pilgryms in the lond of Egipt.

¹⁷ No difference schal be of persones; ye schulen here so a litil man, `that is, pore, as a greet man, nether ye schulen take the persoone of ony man, for it is the doom of God. That if ony thing semeth hard to you, telle ye to me, and Y schal here.

¹⁷ For youre Lord God hym silf is God of goddis, and Lord of lordis, `God greet, and miyti, and feerdful, which takith not persoone, nether yiftis. ¹⁸ He makith doom to the fadirles, and modirles, and to the widewe; he loueth a pilgrym, and yyueth to hym lyiflode and clothing.

¹⁹ and bowe not in `to the tother part for fauour, ethir yifte `ayens equete. Thou schalt not take persoone nether yiftis, for whi yiftis blynden the iyen of wise men, `and chaungen the wordis of iust men.

⁶ Thou schalt not take in the stide of wed the lowere and the hiyere queerne stoon of thi brothir, for he puttide his lijf to thee.

¹³ but anoon thou schalt yelde to hym bifor the goyng doun of the sunne, that he slepe in his cloth, and blesse thee, and thou haue riytfulnesse bifor thi Lord God.

¹⁹ He is cursid that peruertith the doom of a comelyng, of a fadirles, ethir modirles child, and of a widewe; and al the puple schal seie, Amen!

³ Y am redi; speke ye to me bifor the Lord, and bifor `the crist of hym; whether Y took `the oxe of ony man, ether the asse; if Y falsly chalengide ony mon; yf Y oppresside ony man; if Y took yifte of `the hond of ony man; and Y schal `dispise it to dai, and Y schal restore to you. ⁴ And thei seiden, Thou hast not falsly chalengid vs, nether hast oppressid vs, nether hast take ony thing of `the hond of ony man.

⁸ In the strengthe of thin arm thou haddist the lond in possessioun; and thou moost myyti heldist it. ⁹ Thou leftist widewis voide; and al to-brakist the schuldris of fadirles children.

¹¹ An eere herynge blesside me, and an iye seynge yeldide witnessyng to me; ¹² for Y hadde delyueride a pore man criynge, and a fadirles child, that hadde noon helpere. ¹³ The blessyng of a man `to perische cam on me, and Y coumfortide the herte of a widewe. <sup>14</sup> Y was clothid with riytfulnesse; and Y clothide me as with a cloth, and with my `doom a diademe. ¹⁵ Y was iye `to a blynde man, and foot to a crokyd man. ¹⁶ Y was a fadir of pore men; and Y enqueride most diligentli the cause, which Y knew not. ¹⁷ Y al tobrak the grete teeth of the wickid man, and Y took awei prey fro hise teeth.

¹ The title of the two and eiytetithe salm. The song of the salm of Asaph. ² God, who schal be lijk thee? God, be thou not stille, nether be thou peesid. ³ For lo! thin enemyes sowneden; and thei that haten thee reisiden the heed. ⁴ Thei maden a wickid counsel on thi puple; and thei thouyten ayens thi seyntis. ⁵ Thei seiden, Come ye, and leese we hem fro the folk; and the name of Israel be no more hadde in mynde.

³ For God is a greet Lord, and a greet king aboue alle goddis; for the Lord schal not putte awei his puple. ⁴ For alle the endis of erthe ben in his hond; and the hiynesses of hillis ben hise. ⁵ For the see is his, and he made it; and hise hondis formeden the drie lond. ⁶ Come ye, herie we, and falle we doun bifore God, wepe we bifore the Lord that made vs;

²² Do thou not violence to a pore man, for he is pore; nethir defoule thou a nedi man in the yate. ²³ For the Lord schal deme his cause, and he schal turmente hem, that turmentiden his soule.

⁵ Lest perauenture thei drynke, and foryete domes, and chaunge the cause of the sones of a pore man.

²³ Thi princes ben vnfeithful, the felowis of theuys; alle louen yiftis, suen meedis; thei demen not to a fadirles child, and the cause of a widewe entrith not to hem.

¹⁵ Whi al to-breken ye my puple, and grynden togidere the faces of pore men? seith the Lord God of oostis.

¹⁵ He that goith in riytfulnessis, and spekith treuthe; he that castith awei aueryce of fals calenge, and schakith awei his hondis fro al yifte; he that stoppith his eeris, that he heere not blood, and closith his iyen, that he se not yuel.

²⁸ and maad riche, maad fat with ynne, and maad fat with outforth, and thei passiden worst my wordis; thei demyden not a cause of a widewe, thei dressiden not the cause of a fadirles child, and thei demyden not the doom of pore men.

³ The Lord seith these thingis, Do ye doom, and riytfulnesse, and delyuere ye hym that is oppressid bi violence fro the hond of the fals chalenger; and nyle ye make sori, nether oppresse ye wickidli a comelyng, and a fadirles child, and a widewe, and schede ye not out innocent blood in this place.

⁷ Thei punyschiden with wrongis fadir and modir in thee, thei calengiden falsli a comelyng in the myddis of thee, thei maden sori a fadirles child and a widewe at thee.

²⁹ The puples of the lond calengiden fals caleng, and rauyschiden bi violence; thei turmentiden a nedi man and pore, and oppressiden a comeling bi fals caleng, with out doom.

⁷ Whiche conuerten doom in to wermod, and forsaken riytwisnesse in the lond, ⁸ and forsaken hym that makith Arture and Orion, and hym that turneth derknessis in to the morewtid, and him that chaungith dai in to niyt; which clepith watris of the see, and heldith out hem on the face of erthe; the Lord is name of hym. ⁹ Which scorneth distriyng on the stronge, and bringith robbyng on the myyti. ¹⁰ Thei hatiden a man repreuynge in the yate, and thei wlatiden a man spekynge perfitli. ¹¹ Therfor for that that ye robbiden a pore man, and token fro hym the chosun prey, ye schulen bilde housis with square stoon, and ye schulen not dwelle in hem; ye schulen plaunte moost louyd vyneyerdis, and ye schulen not drynke the wyn of hem. ¹² For Y knew youre grete trespassis many, and youre stronge synnes; enemyes of `the riytwis man, takynge yifte, and berynge doun pore men in the yate.

¹ Wo to you, that thenken vnprofitable thing, and worchen yuele in youre beddis; in the morewtid liyt thei don it, for the hond of hem is ayenus God. ² Thei coueitiden feeldis, and tooken violentli; and rauyschiden housis, and falsli calengiden a man and his hous, a man and his eritage.

³ The yuel of her hondis thei seien good; the prince axith, and the domesman is in yeldyng; and a greet man spak the desir of his soule, and thei sturbliden togidere it.

¹⁰ And nyle ye falsli calenge a widewe, and fadirles, ether modirles, and comelyng, and pore man; and a man thenke not in his herte yuel to his brother.

⁵ And Y schal come to you in doom, and Y schal be a swift witnesse to mysdoeris, `ether enchaunteris of deuelis craft, and to auouteris, and forsworn men, and that falsli calengen the hire of the hirid man, and widewis, and fadirles, `ether modirles, children, and oppressen a pilgrym, `nether dredden me, seith the Lord of oostis.

¹⁴ And knyytis axiden hym, and seiden, What schulen also we do? And he seide to hem, Smyte ye wrongfuli no man, nethir make ye fals chalenge, and be ye apayed with youre sowdis.

⁶ But ye han dispisid the pore man. Whether riche men oppressen not you bi power, and thei drawen you to domes?