Acts 7:60 Cross References - Wycliffe

⁵ And in the sacrifice of euentid Y roos fro myn afflicioun, and aftir that Y to-rente the mentil and coote, Y bowide my knees, and I spredde abrood myn hondis to `my Lord God,

¹⁰ And whanne Danyel hadde founde this thing, that is, the lawe ordeyned, he entride in to his hous; and the while the wyndows weren open in his soler ayens Jerusalem, in thre tymes in the dai he bowide hise knees, and worschipide, and knoulechide bifore his God, as he was wont to do bifore.

⁴⁴ But Y seie to you, loue ye youre enemyes, do ye wel to hem that hatiden you, and preye ye for hem that pursuen, and sclaundren you;

⁵² and many bodies of seyntis that hadden slepte, rysen vp.

²⁸ blesse ye men that cursen you, preye ye for men that defamen you.

⁴¹ And he was taken awei fro hem, so myche as is a stonys cast; and he knelide,

³⁴ But Jhesus seide, Fadir, foryyue hem, for thei witen not what thei doon.

⁴⁰ And whanne alle men weren put with out forth, Petre knelide, and preiede. And he turnede to the bodi, and seide, Tabita, rise thou. And sche openyde hir iyen, and whanne sche siy Petre, sche sat vp ayen.

³⁶ But Dauid in his generacioun, whanne he hadde mynstrid to the wille of God, diede, and was leid with hise fadris, and say corrupcioun;

³⁶ And whanne he hadde seid these thingis, he knelide, and he preiede with alle hem.

⁵ And whanne the daies weren fillid, we yeden forth, and alle men with wyues and children ledden forth vs with outen the citee; and we kneliden in the see brenke, and we preieden.

¹⁴ Blesse ye men that pursuen you; blesse ye, and nyle ye curse; ¹⁵ for to ioye with men that ioyen, for to wepe with men that wepen. ¹⁶ Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf; ¹⁷ to no man yeldynge yuel for yuel, but purueye ye good thingis, not oneli bifor God, but also bifor alle men. ¹⁸ If it may be don, that that is of you, haue ye pees with alle men. ¹⁹ Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde. ²⁰ But if thin enemy hungrith, fede thou hym; if he thirstith, yyue thou drynke to hym; for thou doynge this thing schalt gidere togidere colis on his heed. ²¹ Nyle thou be ouercomun of yuel, but ouercome thou yuel bi good.

³⁰ Therfor among you many ben sijke and feble, and manye slepen.

⁶ aftirward he was seyn to mo than fyue hundrid britheren togidere, of whiche manye lyuen yit, but summe ben deed; aftirward he was seyn to James,

¹⁸ And thanne thei that han diede in Crist, han perischid.

²⁰ But now Crist roos ayen fro deth, the firste fruit of deed men;

⁵¹ Lo! Y seie to you priuyte of hooli thingis. And alle we schulen rise ayen, but not alle we schulen be chaungid;

¹³ For if we bileuen, that Jhesu was deed, and roos ayen, so God schal lede with hym hem that ben deed bi Jhesu. ¹⁴ And we seien this thing to you in the word of the Lord, that we that lyuen, that ben left in the comyng of the Lord, schulen not come bifor hem that ben deed.

¹⁰ that whether we waken, whether we slepen, we lyue togidere with him.