Acts 24:25 Cross References - Wycliffe

²⁵ And while he disputide of riytwisnesse, and chastite, and of dom to comynge, Felix was maad tremblinge, and answerde, That perteneth now, go; but in tyme couenable Y schal clepe thee.

⁷ now therfor stonde ye, that Y stryue bi doom ayens you bifor the Lord, of alle the mercyes of the Lord, whiche he dide with you, and with youre fadris.

³ Dauid seide, God of Israel spak to me, the stronge of Israel, the `iust Lord of men, `is Lord in the drede of God.

²⁷ Therfor whanne Achab hadde herd these wordis, he to-rente his cloth, and hilide his fleisch with an hayre, and he fastide, and slepte in a sak, and yede with the heed cast doun.

²⁶ And the kyng of Israel seide, Take ye Mychee, and dwelle he at Amon, prince of the citee, and at Joas, the sone of Amalech; ²⁷ and seie ye to hem, The kyng seith these thingis, Sende ye this man in to prisoun, and susteyne ye hym with breed of tribulacioun, and with watir of angwisch, til Y turne ayen in pees.

¹⁹ and thin herte was aferd, and thou were maad meke bifor the Lord, whanne the wordis weren herd ayens this place and ayens the dwelleris therof, that is, that thei schulden be maad in to wondryng, and in to cursyng, and thou to-rentist thi clothis, and weptist bifor me, and Y herde, seith the Lord;

³ smyte we boond of pees with `oure Lord God, and caste we awei alle `wyues aliens, and hem that ben borun of tho wyues, bi the wille of the Lord; and of hem that dreden the comaundement of oure God, `be it don bi the lawe.

⁹ Therfor alle the men of Juda and of Beniamyn camen togidere in to Jerusalem in thre daies; thilke is the nynthe monethe, in the twentithe dai of the monethe; and al the puple sat in `the street of Goddis hows, and trembliden for synne and reyn.

¹⁴ Y was clothid with riytfulnesse; and Y clothide me as with a cloth, and with my `doom a diademe.

⁷ The spechis of the Lord ben chast spechis; siluer examynyd bi fier, preued fro erthe, purgid seuen fold.

⁷ Hethene men weren disturblid togidere, and rewmes weren bowid doun; God yaf his vois, the erthe was moued.

³ God, haue thou merci on me; bi thi greet merci. And bi the mychilnesse of thi merciful doyngis; do thou awei my wickidnesse. ⁴ More waische thou me fro my wickidnesse; and clense thou me fro my synne.

¹ The title of the eiyte and fiftithe salm. `In Jeroms translacioun thus, To the ouercomer, that thou lese not Dauid, meke and simple, `whanne Saul sente and kepte the hous, to slee hym. `In Ebreu thus, To the ouercomyng, leese thou not the semeli song of Dauid, and so forth. ² Mi God, delyuer thou me fro myn enemyes; and delyuer thou me fro hem that risen ayens me.

² But my feet weren moued almeest; my steppis weren sched out almeest.

¹ The title of the two and eiytetithe salm. The song of the salm of Asaph. ² God, who schal be lijk thee? God, be thou not stille, nether be thou peesid. ³ For lo! thin enemyes sowneden; and thei that haten thee reisiden the heed. ⁴ Thei maden a wickid counsel on thi puple; and thei thouyten ayens thi seyntis.

¹ The titil of the nyne and nyntithe salm. `A salm to knouleche; `in Ebrew `thus, A salm for knouleching.

²⁴ For Y clepide, and ye forsoken; Y helde forth myn hond, and noon was that bihelde. ²⁵ Ye dispisiden al my councel; and chargiden not my blamyngis. ²⁶ And Y schal leiye in youre perisching; and Y schal scorne you, whanne that, that ye dreden, cometh to you. ²⁷ Whanne sodeyne wretchidnesse fallith in, and perisching bifallith as tempest; whanne tribulacioun and angwisch cometh on you. ²⁸ Thanne thei schulen clepe me, and Y schal not here; thei schulen rise eerli, and thei schulen not fynde me. ²⁹ For thei hatiden teching, and thei token not the drede of the Lord, ³⁰ nether assentiden to my councel, and depraueden al myn amendyng. ³¹ Therfor thei schulen ete the fruytis of her weie; and thei schulen be fillid with her counseils. ³² The turnyng awei of litle men in wit schal sle hem; and the prosperite of foolis schal leese hem.

⁴ yyue thou not sleep to thin iyen, nether thin iyeliddis nappe. ⁵ Be thou rauyschid as a doo fro the hond; and as a bridde fro aspiyngis of the foulere.

¹² Thei that don wickidli ben abhomynable to the king; for the trone of the rewme is maad stidfast bi riytfulnesse.

³ Yyue thou not thi catel to wymmen, and thi richessis to do awei kyngis. ⁴ A! Lamuel, nyle thou yiue wyn to kingis; for no pryuete is, where drunkenesse regneth. ⁵ Lest perauenture thei drynke, and foryete domes, and chaunge the cause of the sones of a pore man.

¹⁶ I siy vndur sunne vnfeithfulnesse in the place of doom; and wickidnesse in the place of riytfulnesse. ¹⁷ And Y seide in myn herte, The Lord schal deme a iust man, and an vnfeithful man; and the tyme of ech thing schal be thanne.

¹⁶ Lond, wo to thee, whos kyng is a child, and whose princes eten eerli. ¹⁷ Blessid is the lond, whos kyng is noble; and whose princis eten in her tyme, to susteyne the kynde, and not to waste.

⁹ Therfor, thou yonge man, be glad in thi yongthe, and thin herte be in good in the daies of thi yongthe, and go thou in the weies of thin herte, and in the biholdyng of thin iyen; and wite thou, that for alle these thingis God shal brynge thee in to doom.

¹⁴ God schal brynge alle thingis in to dom, that ben don; for ech thing don bi errour, whether it be good, ether yuel.

¹⁸ And come ye, and repreue ye me, seith the Lord. Thouy youre synnes ben as blood reed, tho schulen be maad whijt as snow; and thouy tho ben reed as vermylioun, tho schulen be whijt as wolle.

²¹ Hou is the feithful citee ful of dom maad an hoore? riytfulnesse dwellide ther ynne; but now menquelleris dwellen ther ynne.

⁵ And the kyngis seete schal be maade redi in merci, and he schal sitte on it in treuthe, in the tabernacle of Dauid, demynge, and sekynge doom, and yeldynge swiftli that that is iust.

⁶ and a spirit of doom to hym that sittith on the trone, and strengthe to hem that turnen ayen fro batel to the yate. ⁷ But also thei knewen not for wyn, and erriden for drunkenesse; the preest and profete knewen not for drunkenesse; thei weren sopun up of wyn, thei erriden in drunkenesse; thei knewen not a profete, thei knewen not doom.

¹¹ Ye riche wymmen, be astonyed; ye that tristen, be disturblid; vnclothe ye you, and be ye aschamed;

²¹ Make ye niy youre doom, seith the Lord; brynge ye, if in hap ye han ony thing, seith the kyng of Jacob.

⁶ Seke ye the Lord, while he mai be foundun; clepe ye hym to help, while he is niy.

⁸ For Y am the Lord, louynge doom, and hatynge raueyn in brent sacrifice. And Y schal yyue the werk of hem in treuthe, and Y schal smyte to hem an euerlastynge boond of pees.

² Myn hond made alle these thingis, and alle these thingis ben maad, seith the Lord; but to whom schal Y biholde, no but to a pore man and contrit in spirit, and greetli dredynge my wordis?

³ The Lord seith these thingis, Do ye doom, and riytfulnesse, and delyuere ye hym that is oppressid bi violence fro the hond of the fals chalenger; and nyle ye make sori, nether oppresse ye wickidli a comelyng, and a fadirles child, and a widewe, and schede ye not out innocent blood in this place.

¹⁵ Whether thou schalt regne, for thou comparisonest thee to a cedre? whether thi fadir eet not, and drank, and dide doom and riytfulnesse thanne, whanne it was wel to hym? ¹⁶ He demyde the cause of a pore man, and nedi, in to his good; whether not therfor for he knew me? seith the Lord. ¹⁷ Forsothe thin iyen and herte ben to aueryce, and to schede innocent blood, and to fals caleng, and to the perfourmyng of yuel werk.

²⁹ Whether my wordis ben not as fier brennynge, seith the Lord, and as an hamer al to-brekynge a stoon?

¹⁷ And Jeremye seide to Sedechie, the kyng, What haue Y synned to thee, and to thi seruauntis, and to thi puple, for thou hast sent me in to the hous of prisoun? ¹⁸ Where ben youre profetis, that profesieden to you, and seiden, The king of Babiloyne schal not come on you, and on this lond? ¹⁹ Now therfor, my lord the kyng, Y biseche, here thou, my preier be worth in thi siyt, and sende thou not me ayen in to the hous of Jonathas, the scryuen, lest Y die there. ²⁰ Therfor Sedechie comaundide, that Jeremye schulde be bitakun in to the porche of the prisoun, and that a cake of breed schulde be youun to hym ech dai, outakun seew, til alle looues of the citee weren wastid; and Jeremye dwellide in the porche of the prisoun.

¹⁴ And kyng Sedechie sente, and took hym Jeremye, the profete, at the thridde dore that was in the hous of the Lord. And the kyng seide to Jeremye, Y axe of thee a word; hide thou not ony thing fro me. ¹⁵ Forsothe Jeremye seide to Sedechie, If Y telle to thee, whether thou schalt not sle me? And if Y yyue councel to thee, thou schalt not here me. ¹⁶ Therfor Sedechie the king swoor to Jeremye priueli, and seide, The Lord lyueth, that maad to vs this soule, Y schal not sle thee, and Y schal not bitake thee in to the hondis of these men, that seken thi lijf. ¹⁷ And Jeremye seide to Sedechie, The Lord of oostis, God of Israel, seith these thingis, If thou goest forth, and goest out to the princes of the kyng of Babiloyne, thi soule schal lyue, and this citee schal not be brent with fier, and thou schalt be saaf, thou and thin hous. ¹⁸ Forsothe if thou goest not out to the princes of the kyng of Babiloyne, this citee schal be bitakun in to the hondis of Caldeis; and thei schulen brenne it with fier, and thou schalt not ascape fro the hond of hem. ¹⁹ And kyng Sedechie seide to Jeremye, Y am angwischid for the Jewis that fledden ouer to Caldeis, lest perauenture Y be bitakun in to the hondis of hem, and thei scorne me. ²⁰ Forsothe Jeremye answeride, and seide to hym, Thei schulen not bitake thee; Y biseche, here thou the vois of the Lord, which Y schal speke to thee, and it schal be wel to thee, and thi soule schal lyue. ²¹ That if thou wolt not go out, this is the word which the Lord schewide to me, Lo! ²² alle the wymmen, that weren left in the hous of the kyng of Juda, schulen be led out to the princes of the kyng of Babiloyne; and tho wymmen schulen seie, Thi pesible men disseyueden thee, and hadden the maistrye ayens thee; thei drenchiden thee in filthe, and thi feet in slidirnesse, and yeden awei fro thee. ²³ And alle thi wyues and thi sones schulen be led out to Caldeis, and thou schalt not ascape the hondis of hem; but thou schalt be bitakun in to the hondis of the kyng of Babiloyne, and he schal brenne this citee bi fier. ²⁴ Therfore Sedechie seide to Jeremye, No man wite these wordis, and thou schalt not die. ²⁵ Sotheli if the princes heren, that Y spak with thee, and comen to thee, and seien to thee, Schewe thou to vs what thou spakest with the kyng, hide thou not fro vs, and we schulen not sle thee; and what the kyng spak with thee, ²⁶ thou schalt seie to hem, Knelyngli Y puttide forth my preiris bifore the kyng, that he schulde not comaunde me to be led ayen in to the hous of Jonathan, and Y schulde die there. ²⁷ Therfor alle the princes camen to Jeremye, and axiden hym; and he spak to hem bi alle the wordis whiche the kyng hadde comaundid to hym, and thei ceessiden fro hym; for whi no thing was herd. ²⁸ Therfor Jeremye dwellide in the porche of the prisoun, til to the dai wherynne Jerusalem was takun; and it was don, that Jerusalem schulde be takun.

⁹ The Lord God seith these thingis, O! princes of Israel, suffice it to you, leue ye wickidnesse `and raueyns, and do ye doom and riytfulnesse; departe ye youre niy coostis fro my puple, seith the Lord God.

²⁷ and the kyng answeride, and seide, Whether this is not Babiloyne, the greet citee, which Y bildide in to the hous of rewme, in the miyt of my strengthe, and in the glorie of my fairnesse?

¹ Balthasar, the kyng, made a greet feeste to hise beste men a thousynde, and ech man drank aftir his age. ² Forsothe the kyng thanne drunkun comaundide, that the goldun and siluerne vessels schulden be brouyt forth, whiche Nabugodonosor, his fadir, hadde borun out of the temple that was in Jerusalem, that the kyng, and hise beste men, hise wyues, and councubyns schulden drynke in tho vessels. ³ Thanne the goldun vessels and siluerne, whiche he hadde borun out of the temple that was in Jerusalem, weren brouyt forth; and the kyng, and hise beste men, and hise wyues, and concubyns, drunken in tho vessels. ⁴ Thei drunken wyn, and herieden her goddis of gold, and of siluer, of bras, and of irun, and of tree, and of stoon.

³⁰ In the same niyt Balthasar, the kyng of Caldeis, was slayn;

² And many of hem that slepen in the dust of erthe, schulen awake fulli, summe in to euerlastynge lijf, and othere in to schenschipe, that thei se euere.

⁵ The dai of oure kyng; the princis bigunnen to be wood of wyn; he stretchide forth his hoond with scorneris.

⁴ Speke ye wordis of vnprofitable visioun, and ye schulen smyte boond of pees with leesyng; and doom as bittirnesse schal burioune on the forewis of the feeld.

¹² Sowe ye to you riytfulnesse in treuthe, and repe ye in the mouthe of merci, and make ye newe to you a feld newli brouyte to tilthe. Forsothe tyme is to seke the Lord, whanne he cometh, that schal teche you riytfulnesse.

²⁴ And doom schal be schewid as watir, and riytfulnesse as a strong streem.

¹² For lo! the Lord schal comaunde, and schal smyte the grettere hous with fallyngis, and the lesse hous with brekyngis.

¹⁶ Y herde, and my wombe is troblid togidere; my lippis trembliden togidere of the vois. Rot entre in my boonys, and sprenge vndur me; that Y reste ayen in the dai of tribulacioun, and Y schal stie vp to oure puple gird togidere.

² and seide, The Lord of oostis seith these thingis, and spekith, This puple seith, Yit cometh not the tyme of the hous of the Lord to be bildid.

⁵ And he willynge to sle hym, dredde the puple; for thei hadden hym as a prophete. ⁶ But in the dai of Heroudis birthe, the douytir of Herodias daunside in the myddil, and pleside Heroude. ⁷ Wherfor with an ooth he bihiyte to yyue to hir, what euere thing she hadde axid of hym. ⁸ And she bifor warned of hir modir, seide, Yif thou to me here the heed of Joon Baptist in a disch. ⁹ And the kyng was sorewful, but for the ooth, and for hem that saten to gidere at the mete, he comaundide to be youun. ¹⁰ And he sente, and bihedide Joon in the prisoun.

⁵ But thei dispisiden, and wenten forth, oon in to his toun, anothir to his marchaundise. But othere helden his seruauntis, and turmentiden hem, and slowen.

¹ Thanne the kyngdoom of heuenes schal be lijk to ten virgyns, whiche token her laumpis, and wenten out ayens the hosebonde and the wijf; ² and fyue of hem weren foolis, and fyue prudent. ³ But the fyue foolis token her laumpis, and token not oile with hem; ⁴ but the prudent token oile in her vessels with the laumpis. ⁵ And whilis the hosebonde tariede, alle thei nappiden and slepten. ⁶ But at mydnyyt a cryy was maad, Lo! the spouse cometh, go ye oute to mete with him. ⁷ Thanne alle tho virgyns risen vp, and araieden her laumpis. ⁸ And the foolis seiden to the wise, Yyue ye to vs of youre oile, for oure laumpis ben quenchid. ⁹ The prudent answeriden, and seiden, Lest perauenture it suffice not to vs and to you, go ye rather to men that sellen, and bie to you. ¹⁰ And while thei wenten for to bie, the spouse cam; and tho that weren redi, entreden with him to the weddyngis; and the yate was schit.

³¹ Whanne mannus sone schal come in his maieste, and alle hise aungels with hym, thanne he schal sitte on the sege of his maieste; ³² and alle folkis schulen be gaderid bifor hym, ³³ and he schal departe hem atwynne, as a scheeperde departith scheep from kidis; and he schal sette the scheep on his riythalf, and the kidis on the lefthalf. ³⁴ Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world. ³⁵ For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me; ³⁶ nakid, and ye hiliden me; sijk, and ye visitiden me; Y was in prisoun, and ye camen to me. ³⁷ Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk? ³⁸ and whanne sayn we thee herborles, and we herboreden thee; or nakid, and we hiliden thee? ³⁹ or whanne sayn we thee sijk, or in prisoun, and we camen to thee? ⁴⁰ And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me. ⁴¹ Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels. ⁴² For Y hungride, and ye yauen not me to ete; Y thristide, and ye yauen not me to drynke; ⁴³ Y was herborles, and ye herberden not me; nakid, and ye keuerden not me; sijk, and in prisoun, and ye visitiden not me. ⁴⁴ Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee? ⁴⁵ Thanne he schal answere to hem, and seie, Treuli Y seie to you, `hou longe ye diden not to oon of these leeste, nether ye diden to me. ⁴⁶ And these schulen goo in to euerlastynge turment; but the iust men schulen go in to euerlastynge lijf.

¹⁸ For Joon seide to Eroude, It is not leueful to thee, to haue the wijf of thi brothir. ¹⁹ And Erodias leide aspies to hym, and wolde sle hym, and myyte not. ²⁰ And Eroude dredde Joon, and knewe hym a iust man and hooli, and kepte hym. And Eroude herde hym, and he dide many thingis, and gladli herde hym. ²¹ And whanne a couenable dai was fallun, Eroude in his birthdai made a soper to the princis, and tribunes, and to the grettest of Galilee. ²² And whanne the douyter of thilke Erodias was comun ynne, and daunside, and pleside to Eroude, and also to men that saten at the mete, the kyng seide to the damysel, Axe thou of me what thou wolt, and Y schal yyue to thee. ²³ And he swore to hir, That what euer thou axe, Y schal yyue to thee, thouy it be half my kyngdom. ²⁴ And whanne sche hadde goon out, sche seide to hir modir, What schal Y axe? And sche seide, The heed of Joon Baptist.

²⁴ Stryue ye to entre bi the streite yate; for Y seie to you, many seken to entre, and thei schulen not mowe. ²⁵ For whanne the hosebonde man is entrid, and the dore is closid, ye schulen bigynne to stonde with out forth, and knocke at the dore, and seie, Lord, opyn to vs. And he schal answere, and seie to you, Y knowe you not, of whennus ye ben.

²⁶ And as it was doon in the daies of Noe, so it schal be in the daies of mannys sone. ²⁷ Thei eeten and drunkun, weddiden wyues, and weren youun to weddyngis, til in to the dai in the whych Noe entride in to the schip; and the greet flood cam, and loste alle. ²⁸ Also as it was don in the daies of Loth, thei eeten and drunkun, bouyten and seelden, plauntiden and bildiden; but the dai that Loth wente out of Sodome, ²⁹ the Lord reynede fier and brymstoon fro heuene, and loste alle.

⁸ And whanne he cometh, he schal repreue the world of synne, and of riytwisnesse, and of doom.

³⁷ Whanne thei herden these thingis, thei weren compunct in herte; and thei seiden to Petre and othere apostlis, Britheren, what schulen we do?

⁶ And he tremblide, and wondride, and seide, Lord, what wolt thou that Y do?

⁴² And he comaundide to vs to preche to the puple, and to witnesse, that he it is, that is ordeyned of God domesman of the quyk and of deede.

²⁹ And he axide liyt, and entride, and tremblide, and felle doun to Poul and to Silas at her feet. ³⁰ And he brouyte hem with out forth, and seide, Lordis, what bihoueth me to do, that Y be maad saaf? ³¹ And thei seiden, Bileue thou in the Lord Jhesu, and thou schalt be saaf, and thin hous. ³² And thei spaken to hym the word of the Lord, with alle that weren in his hous. ³³ And he took hem in the ilke our of the niyt, and waschide her woundis. And he was baptisid, and al his hous anoon. ³⁴ And whanne he hadde led hem in to his hous, he settide to hem a boord. And he was glad with al his hous, and bileuede to God.

² And bi custom Poul entride to hem, and bi thre sabatis he declaride to hem of scripturis,

¹³ But whanne the Jewis in Tessalonyk hadden knowe, that also at Bero the word of God was prechid of Poul, thei camen thidir, mouynge and disturblynge the multitude.

³² And whanne thei hadden herd the ayenrysing of deed men, summe scorneden, and summe seiden, We schulen here thee eft of this thing.

¹⁵ whiche also thei hem silf abiden, the ayenrisyng `to comynge of iust men and wickid.

²⁶ Also he hopide, that money schulde be youun to hym of Poul; for which thing eft he clepide hym, and spak with hym.

²⁸ And Agrippa seide to Poul, In litil thing thou counseilist me to be maad a cristen man.

¹⁶ in the dai whanne God schal deme the priuy thingis of men aftir my gospel, bi Jhesu Crist.

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God. ²⁰ For of the werkis of the lawe ech fleisch schal not be iustified bifor hym; for bi the lawe ther is knowyng of synne.

¹ Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

¹² Therfor ech of vs schal yelde resoun to God for hym silf.

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

²⁴ But if alle men prophecien, if ony vnfeithful man or idiot entre, he is conuyct of alle, he is wiseli demyd of alle. ²⁵ For the hid thingis of his herte ben knowun, and so he schal falle doun on the face, and schal worschipe God, and schewe verili that God is in you.

¹⁰ For it bihoueth vs alle to be schewid bifor the trone of Crist, that euery man telle the propre thingis of the bodi, as he hath don, ethir good, ether yuel.

² For he seith, In tyme wel plesinge Y haue herd thee, and in the dai of heelthe Y haue helpid thee. Lo! now a tyme acceptable, lo! now a dai of heelthe.

²² But scripture hath concludid alle thingis vndir synne, that the biheeste of the feith of Jhesu Crist were yyuen to hem that bileuen.

²³ benygnyte, goodnesse, myldenesse, feith, temperaunce, contynence, chastite; ayen suche thingis is no lawe.

⁷ and to you that ben troblid, rest with vs in the schewing of the Lord Jhesu fro heuene, with aungelis of his vertu, ⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist. ⁹ Whiche schulen suffre euere lastinge peynes, in perischinge fro the face of the Lord, and fro the glorie of his vertu, ¹⁰ whanne he schal come to be glorified in hise seyntis, and to be maad wondurful in alle men that bileueden, for oure witnessing is bileuyd on you, in that dai.

¹ I witnesse bifore God and Crist Jhesu, that schal deme the quike and the deed, and bi the comyng of hym, and the kyngdom of hym,

¹¹ For the grace of `God, oure sauyour, <sup>12</sup> hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, `and piteuousli in this world,

⁷ Wherfor as the Hooli Goost seith, To dai, if ye han herd his vois, nyle ye hardne youre hertis, ⁸ as in wraththing, lijk the dai of temptacioun in desert;

¹³ But moneste you silf bi alle daies, the while to dai is named, that noon of you be hardned bi fallas of synne.

¹ Therfor drede we, lest perauenture while the biheest of entryng in to his reste is left, that ony of vs be gessid to be awei.

¹¹ Therfor haste we to entre in to that reste, that no man falle in to the same ensaumple of vnbileue. For the word of God is quyk, ¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis.

² and of leiynge on of hondis, and of risyng ayen of deed men, and of the euerlastinge doom.

²⁷ And as it is ordeynede to men,

²¹ And so dredeful it was that was seyn, that Moises seide, Y am a ferd, and ful of trembling.

¹⁹ Thou bileuest, that o God is; thou doist wel; and deuelis bileuen, and tremblen.

¹³ And who art thou, that demest thi neiybore? Lo! now ye, that seien, To dai ethir to morewe we schulen go in to thilke citee, and there we schulen dwelle a yeer, and we schulen make marchaundise, and we schulen make wynning; ¹⁴ whiche witen not, what is to you in the morewe.

¹⁵ But halewe ye the Lord Crist in youre hertis, and euermore be ye redi to satisfaccioun to ech man axynge you resoun of that feith and hope that is in you,

⁴ In whiche now thei ben astonyed, in which thing thei wondren, for ye rennen not togidere `in to the same confusioun of letcherie, and blasfemen. ⁵ And thei schulen yyue resoun to hym, that is redi to deme the quyke and the deed.

⁶ in kunnyng abstinence, in abstynence pacience, in pacience pitee;

⁷ Litle sones, no man disseyue you; he that doith riytwysnesse, is iust, as also he is iust.

¹⁰ In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir.

¹¹ Amen. And Y say a greet white trone, and oon sittynge on it, fro whos siyt erthe fled and heuene; and the place is not foundun `of hem. <sup>12</sup> And Y sai deed men, grete and smale, stondynge in the siyt of the trone; and bookis weren opened, and deed men weren demed of these thingis that weren writun in the bookis, aftir the werkis of hem. <sup>13</sup> And the see yaf his deed men, that weren in it; and deth and helle yauen her deed men, that weren in hem. And it was demed of ech, aftir the werkis of hem. <sup>14</sup> And helle and deth weren sent in to a poole of fier. `This is the secunde deth. ¹⁵ And he that was not foundun writun in the book of lijf, was sent in to the pool of fier.