2 Timothy 3:16 Cross References - Wycliffe

¹⁶ For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.

³⁶ Fro heuene he made thee to here his vois, that he schulde teche thee; and in erthe he schewide to thee his grettiste fier, and thou herdist the wordis `of hym fro the myddis of the fier;

² The spiryt of the Lord spak bi me, and his word bi my tunge.

²⁰ And thou yauest to hem thi good Spirit, that tauyte hem; and thou forbedist not thin aungels mete fro her mouth, and thou yauest to hem water in thirst.

⁷ The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris. ⁸ Thes in charis, and these in horsis; but we schulen inwardli clepe in the name of oure Lord God. ⁹ Thei ben boundun, and felden doun; but we han rise, and ben reisid. ¹⁰ Lord, make thou saaf the kyng; and here thou vs in the dai in which we inwardli clepen thee.

²³ For the comaundement of God is a lanterne, and the lawe is liyt, and the blamyng of techyng is the weie of lijf;

¹⁰ Yuel teching is of men forsakinge the weie of lijf; he that hatith blamyngis, schal die.

³¹ The eere that herith the blamyngis of lijf, schal dwelle in the myddis of wise men.

⁷ seith the hous of Jacob. Whether the Spirit of the Lord is abreggid, either siche ben the thouytis of hym? Whether my wordis ben not gode, with hym that goith riytli?

⁵² He seith to hem, Therfor euery wise man of lawe in the kyngdom of heuenes, is lijk to an hosebonde man, that bryngith forth of his tresoure newe thingis and elde.

⁴² Jhesus seith to hem, Redden ye neuer in scripturis, The stoon which bilderis repreueden, this is maad in to the heed of the corner? Of the Lord this thing is don, and it is merueilous bifor oure iyen.

³¹ And of the risyng ayen of deed men, `han ye not red, that is seid of the Lord, that seith to you, ³² Y am God of Abraham, and God of Ysaac, and God of Jacob? he is not God of deede men, but of lyuynge men.

⁴³ He seith to hem, Hou thanne Dauid in spirit clepith hym Lord,

⁵⁴ Hou thanne schulen the scriptures be fulfilled? for so it bihoueth to be doon.

⁵⁶ But al this thing was don, that the scripturis of profetis schulden be fulfillid. Thanne alle the disciplis fledden, and leften hym.

²⁴ And Jhesus answeride, and seide to hem, Whether ye erren not therfor, that ye knowe not scripturis, nethir the vertu of God?

³⁶ For Dauid hym silf seide in the Hooli Goost, the Lord seide to my lord, Sitte on my riythalf, til Y putte thin enemyes the stool of thi feet.

²⁰ For ech man that doith yuele, hatith the liyt; and he cometh not to the liyt, that hise werkis be not repreued.

³⁵ Yf he seide that thei weren goddis, to whiche the word of God was maad, and scripture may not be vndon,

¹⁶ Britheren, it bihoueth that the scripture be fillid, whiche the Hooly Goost bifore seide bi the mouth of Dauith, of Judas that was ledere of hem that token Jhesu;

²⁵ This man was tauyt the weie of the Lord, and was feruent in spirit, and spak, and tauyte diligentli tho thingis that weren of Jhesu, and knew oonli the baptym of Joon.

²⁰ hou Y withdrowe not of profitable thingis to you, that Y telde not to you, and tauyte you opynli, and bi housis;

²⁷ For Y fley not awey, that Y telde not to you al the counsel of God.

²⁵ And whanne thei weren not consentinge togidir, thei departiden. And Poul seide o word, For the Hooli Goost spak wel bi Ysaye, the profete, to oure fadris,

²⁰ a techere of vnwise men, a maistir of yonge children, that hast the foorme of kunnyng and of treuthe in the lawe;

² Myche bi al wise; first, for the spekyngis of God `weren bitakun to hem.

²³ And it is not writun oneli for him, that it was arettid to hym to riytwisnesse,

⁴ For what euere thingis ben writun, tho ben writun to oure techynge, that bi pacience and coumfort of scripturis we haue hope.

⁷ And to ech man the schewyng of spirit is youun to profit. The word of wisdom is youun to oon bi spirit;

⁸ And the scripture seynge afer, that God iustifieth the hethene, of bileue told tofor to Abraham, That in thee alle the hethene schulen be blessid.

¹¹ And he yaf summe apostlis, summe prophetis, othere euangelistis, othere scheepherdis and techeris, ¹² to the ful endyng of seyntis, in to the werk of mynystrie, in to edificacioun of Cristis bodi, ¹³ til we rennen alle, in to vnyte of feith and of knowyng of Goddis sone, in to a parfit man, aftir the mesure of age of the plente of Crist; ¹⁴ that we be not now litle children, mouynge as wawis, and be not borun aboute with ech wynd of teching, in the weiwardnesse of men, in sutil wit, to the disseyuyng of errour. ¹⁵ But do we treuthe in charite, and wexe in him by alle thingis, that is Crist oure heed; ¹⁶ of whom alle the bodi set togidere, and boundun togidere bi ech ioynture of vnder seruyng, bi worching in to the mesure of ech membre, makith encreesyng of the bodi, in to edificacioun of it silf in charite.

¹¹ And nyle ye comyne to vnfruytouse werkis of derknessis; but more repreue ye. ¹² For what thingis ben don of hem in priuy, it is foule, yhe, to speke. ¹³ And alle thingis that ben repreuyd of the liyt, ben opynli schewid; for al thing that is schewid, is liyt.

²⁵ paciente, with temperaunce repreuynge hem that ayenstonden the treuthe, that sum tyme God yyue to hem forthenkyng, that thei knowen the treuthe,

² preche the word, be thou bisi couenabli with outen rest, repreue thou, biseche thou, blame thou in al pacience and doctryn.

⁷ Wherfor as the Hooli Goost seith, To dai, if ye han herd his vois, nyle ye hardne youre hertis,

¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis.

¹ But feith is the substaunce of thingis that ben to be hopid, and an argument of thingis not apperynge.

¹⁹ And we han a saddere word of prophecie, to which ye yyuynge tent don wel, as to a lanterne that yyueth liyt in a derk place, til the dai bigynne to yyue liyt, and the dai sterre sprenge in youre hertis. ²⁰ And firste vndurstonde ye this thing, that ech prophesie of scripture is not maad bi propre interpretacioun; ²¹ for prophesie was not brouyt ony tyme bi mannus wille, but the hooli men of God inspirid with the Hooli Goost spaken.