2 Timothy 2:3 Cross References - Wycliffe

³ Trauele thou as a good knyyt of Crist Jhesu.

⁷ it suffrith alle thingis, it bileueth alle thingis, it hopith alle thingis, it susteyneth alle thingis.

⁶ And whether we ben in tribulacioun, for youre tribulacioun and heelthe, ethir we ben coumfortid, for youre coumfort, ethir we ben monestid, for youre monestyng and heelthe. Which worchith in you the suffring of the same passiouns, whiche `we also suffren,

³ For we walkynge in fleisch, fiyten not aftir the fleisch. ⁴ For the armuris of oure knyythod ben not fleischli, but myyti bi God to the distruccioun of strengthis. And we distrien counsels, ⁵ and alle hiynesse that hiyeth it silf ayens the science of God, and dryuen `in to caitifte al vndirstonding in to the seruyce of Crist.

¹¹ Clothe you with the armere of God, that ye moun stonde ayens aspiynges of the deuel. ¹² For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis. ¹³ Therfor take ye the armere of God, that ye moun ayenstonde in the yuel dai; and in alle thingis stonde perfit. ¹⁴ Therfor stonde ye, and be gird aboute youre leendis in sothefastnesse, and clothid with the haburioun of riytwisnesse, ¹⁵ and youre feet schood in making redi of the gospel of pees. ¹⁶ In alle thingis take ye the scheld of feith, in which ye moun quenche alle the firy dartis of `the worste. ¹⁷ And take ye the helm of helthe, and the swerd of the Goost, that is, the word of God. ¹⁸ Bi al preier and bisechyng preie ye al tyme in spirit, and in hym wakinge in al bisynesse, and bisechyng for alle hooli men, and for me;

¹⁸ I bitake this comaundement to thee, thou sone Timothe, after the prophecies that han be hertofore in thee, that thou traueile in hem a good trauel,

⁸ Therfor nyl thou schame the witnessyng of oure Lord Jhesu Crist, nether me, his prisoner; but trauele thou togidere in the gospel bi the vertu of God;

¹⁰ Therfor Y suffre alle thingis for the chosun, that also thei gete the heelthe, that is in Crist Jhesu, with heuenli glorie.

¹¹ pacience, persecuciouns, passiouns, whiche weren maad to me at Antioche, at Ycony, at Listris, what maner persecucyouns Y suffride, and the Lord hath delyuered me of alle.

⁵ But wake thou, in alle thingis traueile thou, do the werk of an euangelist, fulfille thi seruyce, be thou sobre.

¹⁵ and so he long abidinge hadde the biheeste.

³² And haue ye mynde on the formere daies, in which ye weren liytned, and suffriden greet strijf of passiouns.

²⁷ Bi feith he forsook Egipt, and dredde not the hardynesse of the king; for he abood, as seinge hym that was vnuysible.

² biholdinge in to the makere of feith, and the perfit endere, Jhesu; which whanne ioye was purposid to hym, he suffride the cros, and dispiside confusioun, and sittith on the riythalf of the seet of God. ³ And bithenke ye on hym that suffride siche `ayen seiynge of synful men ayens hym silf, that ye be not maad wery, failinge in youre soulis.

¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.