1 Timothy 1:5 Cross References - Wycliffe

⁵ For the ende of comaundement is charite of clene herte, and good conscience, and of feith not feyned.

⁴ Alle men doynge wickyd thingis superfluli; be schent. Lord, schewe thou thi weies to me; and teche thou me thi pathis.

¹⁰ Forsothe Y, as a fruytful olyue tre in the hous of God; hopide in the merci of God with outen ende, and in to the world of world.

¹⁴ Thou Jerusalem, waische thin herte fro malice, that thou be maad saaf. Hou long schulen noiful thouytis dwelle in thee?

⁸ Blessid ben thei that ben of clene herte, for thei schulen se God.

³⁵ A good man bryngith forth good thingis of good tresoure, and an yuel man bringith forth yuel thingis of yuel tresoure.

²⁸ And oon of the scribis, that hadde herde hem dispuytynge togidir, cam nyy, and saiy that Jhesus had wel answeride hem, and axide hym, which was the firste maundement of alle. ²⁹ And Jhesus answeride to him, that the firste maundement of alle is, Here thou, Israel, thi Lord God is o God; ³⁰ and thou schalt loue thi Lord God of al thin herte, and of al thi soule, and of al thi mynde, and of al thi myyt. ³¹ This is the firste maundement. And the secounde is lijk to this, Thou schalt loue thi neiybore as thi silf. Ther is noon other maundement gretter than these. ³² And the scribe seide to hym, Maister, in treuthe thou hast wel seid; for o God is, and ther is noon other, outakun hym; ³³ that he be loued of al the herte, and of al the mynde, and of al the vndurstondynge, and of al the soule, and of al strengthe, and to loue the neiybore as hym silf, is gretter than alle brent offryngis and sacrifices. ³⁴ And Jhesus seynge that he hadde answerid wiseli, seide to hym, Thou art not fer fro the kyngdom of God.

⁹ and no thing diuerside bitwixe vs and hem, `and clenside the hertis of hem bi feith.

¹ And Poul bihelde in to the counsel, and seide, Britheren, Y with al good conscience haue lyued bifore God, `til in to this dai.

¹⁶ In this thing Y studie with outen hirtyng, to haue concience to God, and to men euermore.

¹ I seie treuthe in Crist Jhesu, Y lye not, for my conscience berith witnessyng to me in the Hooli Goost,

⁴ For the ende of the lawe is Crist, to riytwisnesse to ech man that bileueth.

⁸ To no man owe ye ony thing, but that ye loue togidere. For he that loueth his neiybore, hath fulfillid the lawe. ⁹ For, Thou schalt do no letcherie, Thou schalt not sle, Thou schalt not stele, Thou schalt not seie fals witnessyng, Thou schalt not coueyte the thing of thi neiybore, and if ther be ony othere maundement, it is instorid in this word, Thou schalt loue thi neiybore as thi silf. ¹⁰ The loue of neiybore worchith not yuel; therfor loue is the fulfillyng of the lawe.

¹⁵ And if thi brother be maad sori in conscience for mete, now thou walkist not aftir charite. Nyle thou thorouy thi mete lese hym, for whom Crist diede.

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth. ² But if ony man gessith, that he kan ony thing, he hath not yit knowe hou it bihoueth hym to kunne. ³ And if ony man loueth God, this is knowun of hym.

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge.

¹ Sue ye charite, loue ye spiritual thingis, but more that ye prophecien.

¹² For oure glorie is this, the witnessyng of oure conscience, that in symplenesse and clennesse of God, and not in fleischli wisdom, but in the grace of God, we lyueden in this world, but more plenteuousli to you.

⁶ For in Jhesu Crist nether circumcisioun is ony thing worth, nether prepucie, but the bileue that worchith bi charite.

¹³ For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere. ¹⁴ For euery lawe is fulfillid in o word, Thou schalt loue thi neiybore as thi silf.

²² But the fruyt of the spirit is charite, ioye, pees, pacience, long abidyng,

¹⁹ hauynge feith and good conscience, which summen casten awei, and perischiden aboute the feith.

⁹ that han the mysterie of feith in clene conscience.

³ I do thankyngis to my God, to whom Y serue fro my progenytouris in clene conscience, that with outen ceessyng Y haue mynde of thee in my preyeris,

⁵ And Y bithenke of that feith, that is in thee not feyned, which also dwellide firste in thin aunte Loide, and in thi modir Eunyce. And Y am certeyn, that also in thee.

²² And fle thou desiris of yongthe, but sue thou riytwisnesse, feith, charite, pees, with hem that inwardli clepen the Lord of a clene herte.

¹⁵ And alle thingis ben clene to clene men; but to vnclene men and to vnfeithful no thing is clene, for the soule and conscience of hem ben maad vnclene.

¹⁴ hou myche more the blood of Crist, which bi the Hooli Goost offride hym silf vnwemmyd to God, schal clense oure conscience fro deed werkis, to serue God that lyueth?

²² neiye we with very herte in the plente of feith; and be oure hertis spreined fro an yuel conscience, and oure bodies waischun with clene watir,

⁵ Bi feith Ennok was translatid, that he schulde not se deth; and he was not foundun, for the Lord translatide him. For bifore translacioun he hadde witnessing that he pleside God. ⁶ And it is impossible to plese God without feith. For it bihoueth that a man comynge to God, bileue that he is, and that he is rewardere to men that seken hym.

¹⁸ Preie ye for vs, and we tristen that we han good conscience in alle thingis, willynge to lyue wel.

⁸ Neiye ye to God, and he schal neiye to you. Ye synneris, clense ye hondis, and ye double in soule, purge ye the hertis.

²² And make ye chast youre soulis in obedience of charite, in loue of britherhod; of simple herte loue ye togidre more bisili.

¹⁶ but with myldenesse and drede, hauynge good conscience; that in that thing that thei bacbiten of you, thei ben confoundid, whiche chalengen falsly youre good conuersacioun in Crist.

²¹ And so baptym of lijk forme makith vs saaf; not the puttyng awei of the filthis of fleisch, but the axyng of a good conscience in God, bi the ayenrysyng of oure Lord Jhesu Crist, that is in the riyt half of God,

⁸ bifore alle thingis haue ye charite ech to other in you silf algatis lastynge; for charite couerith the multitude of synnes.

⁷ in pitee, love of britherhod, and in loue of britherhod charite.

³ And ech man that hath this hope in hym, makith hym silf hooli, as he is hooli.

²³ And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs.

⁷ Moost dere britheren, loue we togidere, for charite is of God; and ech that loueth his brother, is borun of God, and knowith God. ⁸ He that loueth not, knowith not God; for God is charite. ⁹ In this thing the charite of God apperide in vs, for God sente hise oon bigetun sone in to the world, that we lyue bi hym. ¹⁰ In this thing is charite, not as we hadden loued God, but for he firste louede vs, and sente hise sone foryyuenesse for oure synnes. ¹¹ Ye moost dere britheren, if God louede vs, we owen to loue ech other. ¹² No man say euer God; if we louen togidre, God dwellith in vs, and the charite of hym is perfit in vs. ¹³ In this thing we knowen, that we dwellen in hym, and he in vs; for of his spirit he yaf to vs. ¹⁴ And we sayen, and witnessen, that the fadir sente his sone sauyour of the world.