1 Kings 18:21 Cross References - Wycliffe

²¹ Forsothe Elie neiyede to al the puple of Israel, and seide, Hou long halten ye in to twey partis? If the Lord is God, sue ye hym; forsothe if Baal is God, sue ye hym. And the puple answeride not o word to hym.

⁵⁰ Laban and Batuel answeriden, The word is gon out of the Lord; we moun not speke ony other thing with thee without his plesaunce.

¹⁶ To whom Judas seide, What schulen we answere to my lord, ether what schulen we speke, ether moun iustli ayenseie? God hath founde the wickidnesse of thi seruauntis; lo! alle we ben the seruauntis of my lord, bothe we and he at whom the cuppe is foundun.

¹ Aftir these thingis Moises and Aaron entriden, and seiden to Farao, The Lord God of Israel seith these thingis, Delyuere thou my puple, that it make sacrifice to me in deseert. ² And he answeride, Who is the Lord, that Y here his vois, and delyuere Israel? I knowe not the Lord, and Y schal not delyuere Israel.

³⁵ that thou schuldist wite, that the Lord hym silf is God, and noon other is, outakun oon.

¹⁵ But if it semeth yuel to you, `that ye serue the Lord, chesyng is youun to you; chese ye to you to dai that, that plesith, whom ye owen most to serue; whether to goddis, whiche youre fadris serueden in Mesopotanye, whether to the goddis of Ammorreis, in whose lond ye dwellen; forsothe Y, and myn hows schulen serue the Lord.

²³ Therfor, he seide, Now do ye awei alien goddis fro the myddis of you, and bowe ye youre hertis to the Lord God of Israel. ²⁴ And the puple seide to Josue, We schulen serue `oure Lord God, and we schulen be obedient to hise heestis.

³ Forsothe Samuel spak to al the hows of Israel, and seide, If in al youre herte ye turnen ayen to the Lord, do ye awei alien goddis, Balym and Astaroth, fro the myddis of you; and make ye redi youre hertis to the Lord, and serue ye hym aloone; and he schal delyuere you fro the hond of Filisteis.

³⁹ And whanne al the puple hadde seyn this, it felde in to his face, and seide, The Lord he is God; the Lord he is God.

⁴¹ Therfor these hethene men dredden sotheli God; but netheles thei serueden also her idols, for bothe her sones and the sones of sones doen so, til in to present dai, as her fadris diden.

²⁶ Now therfor, Lord, thou art God, and hast spoke to thi seruaunt so grete benefices;

¹³ And he preiede God, and bisechide ententifli; and God herde his preier, and brouyte hym ayen `in to Jerusalem in to his rewme; and Manasses knew, that the Lord hym silf is God.

⁴ And if thou hast an arm, as God hath, and if thou thundrist with lijk vois, `take thou fairnesse aboute thee, <sup>5</sup> and be thou reisid an hiy, and be thou gloriouse, and be thou clothid `in faire clothis.

³ I settide not forth bifore myn iyen an vniust thing; Y hatide hem that maden trespassyngis.

⁵ and hem that worschipen on roouys the knyythod of heuene, and worschipen, and sweren in the Lord, and sweren in Melchon;

²⁴ No man may serue tweyn lordis, for ethir he schal hate `the toon, and loue the tother; ethir he shal susteyne `the toon, and dispise the tothir. Ye moun not serue God and richessis.

¹² And he seide to hym, Freend, hou entridist thou hidir with out bride clothis? And he was doumbe.

³⁴ And Fariseis herden that he hadde put silence to Saduceis, and camen togidere.

³⁶ Maistir, which is a greet maundement in the lawe?

¹³ And whanne the day was come, he clepide hise disciplis, and chees twelue of hem, whiche he clepide also apostlis;

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God.

¹⁶ God forbede. Witen ye not, that to whom ye yyuen you seruauntis to obeie to, ye ben seruauntis of that thing, to which ye han obeschid, ether of synne to deth, ether of obedience to riytwisnesse? ¹⁷ But Y thanke God, that ye weren seruauntis of synne; but ye han obeischid of herte in to that fourme of techyng, in which ye ben bitakun. ¹⁸ And ye delyuered fro synne, ben maad seruauntis of riytwisnesse. ¹⁹ Y seie that thing that is of man, for the vnstidefastnesse of youre fleisch. But as ye han youun youre membris to serue to vnclennesse, and to wickidnesse `in to wickidnesse, so now yyue ye youre membris to serue to riytwisnesse in to hoolynesse. ²⁰ For whanne ye weren seruauntis of synne, ye weren fre of riytfulnesse. ²¹ Therfor what fruyt hadden ye thanne in tho thingis, in whiche ye schamen now? For the ende of hem is deth. ²² But now ye delyuered fro synne, and maad seruauntis to God, han your fruyt in to holinesse, and the ende euerlastinge lijf. For the wagis of synne is deth; the grace of God is euerlastynge lijf in Crist Jhesu our Lord.

²¹ ye moun not be parteneris of the boord of the Lord, and of the bord of feendis. ²² Whether we han enuye to the Lord? whether we ben strengere then he? Alle thingis ben leeueful to me, but not alle thingis ben spedeful.

¹⁴ Nyle ye bere the yok with vnfeithful men. For what parting of riytwisnes with wickidnesse? or what felouschipe of liyt to derknessis? ¹⁵ and what acording of Crist to Belial? or what part of a feithful with the vnfeithful? ¹⁶ and what consent to the temple of God with mawmetis? And ye ben the temple of the lyuynge God, as the Lord seith, For Y schal dwelle in hem, and Y schal walke among hem; and Y schal be God of hem, and thei schulen be a puple to me.

¹⁵ I woot thi werkis, for nether thou art cold, nether thou art hoot; Y wolde that thou were could, ethir hoot; ¹⁶ but for thou art lew, and nether cold, nether hoot, Y schal bigynne to caste thee out of my mouth.