1 John 4:21 Cross References - Wycliffe

21 And we han this comaundement of God, that he that loueth God, loue also his brothir.

Leviticus 19:18

18 Thou schalt not seke veniaunce, nether thou schalt be myndeful of the wrong of thi cyteseyns; thou schalt loue thi freend as thi silf; Y am the Lord.

Matthew 5:43

43 Ye han herd that it was seid, Thou shalt loue thi neiybore, and hate thin enemye.

Matthew 22:37-39

37 Jhesus seide to him, Thou schalt loue thi Lord God, of al thin herte, and in al thi soule, and in al thi mynde. 38 This is the firste and the moste maundement. 39 And the secounde is lijk to this; Thou schalt loue thi neiyebore as thi silf.

Mark 12:29-33

29 And Jhesus answeride to him, that the firste maundement of alle is, Here thou, Israel, thi Lord God is o God; 30 and thou schalt loue thi Lord God of al thin herte, and of al thi soule, and of al thi mynde, and of al thi myyt. 31 This is the firste maundement. And the secounde is lijk to this, Thou schalt loue thi neiybore as thi silf. Ther is noon other maundement gretter than these. 32 And the scribe seide to hym, Maister, in treuthe thou hast wel seid; for o God is, and ther is noon other, outakun hym; 33 that he be loued of al the herte, and of al the mynde, and of al the vndurstondynge, and of al the soule, and of al strengthe, and to loue the neiybore as hym silf, is gretter than alle brent offryngis and sacrifices.

Luke 10:37

37 And he seide, He that dide merci in to hym. And Jhesus seide to hym, Go thou, and do thou on lijk maner.

John 13:34-35

34 Y yyue to you a newe maundement, that ye loue togidir, as Y louede you, `and that ye loue togidir. 35 In this thing alle men schulen knowe, that ye ben my disciplis, if ye han loue togidere.

John 15:12

12 This is my comaundement, that ye loue togidere, as Y louede you.

Romans 12:9-10

9 Loue with outen feynyng, hatynge yuel, drawynge to good; 10 louynge togidere the charite of britherhod. Eche come bifore to worschipen othere;

Romans 13:9-10

9 For, Thou schalt do no letcherie, Thou schalt not sle, Thou schalt not stele, Thou schalt not seie fals witnessyng, Thou schalt not coueyte the thing of thi neiybore, and if ther be ony othere maundement, it is instorid in this word, Thou schalt loue thi neiybore as thi silf. 10 The loue of neiybore worchith not yuel; therfor loue is the fulfillyng of the lawe.

Galatians 5:6

6 For in Jhesu Crist nether circumcisioun is ony thing worth, nether prepucie, but the bileue that worchith bi charite.

Galatians 5:14

14 For euery lawe is fulfillid in o word, Thou schalt loue thi neiybore as thi silf.

1 Thessalonians 4:9

9 But of the charite of britherhed we hadden no nede to write to you; ye silf han lerud of God, that ye loue togidere;

1 Peter 3:8

8 And in feith alle of oon wille in preier be ye eche suffringe with othere, loueris of britherhod, merciful, mylde, meke;

1 Peter 4:8

8 bifore alle thingis haue ye charite ech to other in you silf algatis lastynge; for charite couerith the multitude of synnes.

1 John 3:11

11 For this is the tellyng, that ye herden at the bigynnyng, that ye loue ech othere;

1 John 3:14

14 We witen, that we ben translatid fro deeth to lijf, for we louen britheren. He that loueth not, dwellith in deth.

1 John 3:18

18 Mi litle sones, loue we not in word, nethir in tunge, but in werk and treuthe.

1 John 3:23

23 And this is the comaundement of God, that we bileue in the name of his sone Jhesu Crist, and that we loue ech othere, as he yaf heeste to vs.

1 John 4:11

11 Ye moost dere britheren, if God louede vs, we owen to loue ech other.

Cross Reference data is from OpenBible.info, retrieved June 28, 2010, and licensed under a Creative Commons Attribution License.