1 John 4:1 Cross References - Wycliffe

¹ Moost dere britheren, nyle ye bileue to ech spirit, but preue ye spiritis, if thei ben of God; for many false prophetis wenten out in to the world.

¹ If a prophete risith in the myddis of thee, ethir he that seith hym silf to haue seyn a dreem, and he biforseith a signe and a wondur to comynge aftir, ² and this that he spak bifallith, and he seith to thee, Go we, and sue alien goddis, whiche thou knowist not, and serue we hem, ³ thou schalt not here the wordis of that prophete, ether of dremere; for youre Lord God assaieth you, that he wite opynli whether ye louen hym ether nay, in al youre herte, and in al youre soule. ⁴ Sue ye youre Lord, and `drede ye hym; kepe ye his comaundementis, and here ye `the vois of hym; ye schulen serue hym, and ye schulen cleue to hym. ⁵ Forsothe thilke prophete, ether the feynere of dremes, schal be slayn; for he spak that he schulde turne you awei fro youre Lord God, that ladde you out of the lond of Egipt, and ayenbouyte you fro the hous of seruage, that `thilke prophete schulde make thee to erre fro the weie which thi Lord God comaundide to thee; and thou schalt do awey yuel fro the myddis of thee.

¹⁵ An innocent man bileueth to eche word; a felle man biholdith hise goyngis.

³¹ profetis profesieden leesyng, and prestis ioieden with her hondis, and my puple louyde siche thingis. What therfor schal be don in the laste thing therof?

⁸ The Lord of oostis, God of Israel, seith these thingis, Youre profetis, that ben in the myddis of you, and youre dyuynours disseyue you not; and take ye noon heede to youre dremes, whiche ye dremen; ⁹ for thei profesien falsli to you in my name, and Y sente not hem, seith the Lord.

¹⁵ Be ye war of fals prophetis, that comen to you in clothingis of scheep, but withynneforth thei ben as wolues of raueyn; ¹⁶ of her fruytis ye schulen knowe hem. Whether men gaderen grapis of thornes, or figus of breris?

⁴ And Jhesus answeride, and seide to hem, Loke ye, that no man disseyue you. ⁵ For many schulen come in my name, and schulen seie, Y am Crist; and thei schulen disseyue manye.

²³ Thanne if ony man seie to you, Lo! here is Crist, or there, nyle ye bileue. ²⁴ For false Cristis and false prophetis schulen rise, and thei schulen yyue grete tokenes and wondrys; so that also the chosun be led in to erroure, if it may be done. ²⁵ Lo! Y haue bifor seid to you. ²⁶ Therfor if thei seie to you, Lo! he is in desert, nyle ye go out; lo! in priuey placis, nyle ye trowe.

²¹ And thanne if ony man seie to you, Lo! here is Crist, lo! there, bileue ye not.

⁵⁷ But what and of you silf ye demen not that that is iust?

⁸ And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.

¹¹ But these weren the worthier of hem that ben at Thessolonik, whiche resseyueden the word with al desire, eche dai sekinge scripturis, if these thingis hadden hem so.

²⁹ Y woot, that aftir my departyng, rauyschinge wolues schulen entre in to you, `and spare not the flok;

¹⁸ For suche men seruen not to the Lord Crist, but to her wombe, and bi swete wordis and blessyngis disseyuen the hertis of innocent men. ¹⁹ But youre obedience is pupplischid in to euery place, therfor Y haue ioye in you. But Y wole that ye be wise in good thing, and symple in yuel.

¹⁰ to another, the worchyng of vertues; to another, profecie; to another, very knowyng of spiritis; to another, kyndis of langagis; to another, expownyng of wordis.

²⁹ Prophetis tweine or thre seie, and othere wiseli deme.

²¹ But preue ye alle thingis, and holde ye that thing that is good.

¹ But the spirit seith opynli, that in the laste tymes summen schulen departe fro the feith, yyuynge tent to spiritis of errour, and to techingis of deuelis; that speken leesing in ipocrisie,

¹ Blame thou not an eldere man, but biseche as a fadir, yonge men as britheren; elde wymmen as modris,

¹³ But yuele men and disseyueris schulen encreese in to worse, errynge, and sendinge in to errour.

¹ But also false prophetis weren in the puple, as in you schulen be maistris lieris, that schulen bringe in sectis of perdicioun; and thei denyen thilke Lord that bouyte hem, and bringen on hem silf hasti perdicioun.

¹⁸ My litle sones, the laste our is; and as ye han herd, that antecrist cometh, now many antecristis ben maad; wherfor we witen, that it is the laste our.

⁷ For many disseyueris wenten out in to the world, which knoulechen not that Jhesu Crist hath come in fleisch; this is a disseyuere and antecrist.

² Y woot thi werkis, and trauel, and thi pacience, and that thou maist not suffre yuele men; and thou hast asaied hem that seien that thei ben apostlis, and ben not, and thou hast foundun hem lieris;