1 John 2:9 Cross References - Wycliffe

⁹ He that seith, that he is in liyt, and hatith his brother, is in derknesse yit.

⁵ Thei seiden, Come ye, and leese we hem fro the folk; and the name of Israel be no more hadde in mynde.

⁴¹ Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

¹⁸ and hast knowe his wille, and thou lerud bi lawe preuest the more profitable thingis, ¹⁹ and tristist thi silf to be a ledere of blynde men, the liyt of hem that ben in derknessis, ²⁰ a techere of vnwise men, a maistir of yonge children, that hast the foorme of kunnyng and of treuthe in the lawe; ²¹ what thanne techist thou another, and techist not thi silf? Thou that prechist that me schal not stele, stelist?

¹ If Y speke with tungis of men and of aungels, and Y haue not charite, Y am maad as bras sownynge, or a cymbal tynkynge. ² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt. ³ And if Y departe alle my goodis in to the metis of pore men, and yf Y bitake my bodi, so that Y brenne, and if Y haue not charite, it profitith to me no thing.

⁹ But to whom these ben not redi, he is blynd, and gropith with his hoond, and foryetith the purgyng of his elde trespassis.

⁶ If we seien, that we han felawschip with hym, and we wandren in derknessis, we lien, and don not treuthe.

⁴ He that seith that he knowith God, and kepith not hise comaundementis, is a liere, and trewthe is not in hym.

¹¹ But he that hatith his brother, is in derknessis, and wandrith in derknessis, and woot not whidir he goith; for derknessis han blindid hise iyen.

¹³ Britheren, nyle ye wondre, if the world hatith you. ¹⁴ We witen, that we ben translatid fro deeth to lijf, for we louen britheren. He that loueth not, dwellith in deth. ¹⁵ Ech man that hatith his brother, is a man sleere; and ye witen, that ech mansleere hath not euerlastinge lijf dwellinge in hym. ¹⁶ In this thing we han knowe the charite of God, for he puttide his lijf for vs, and we owen to putte oure lyues for oure britheren. ¹⁷ He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym?

²⁰ If ony man seith, that `Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?