1 John 1:1 Cross References - Wycliffe

¹ That thing that was fro the bigynnyng, which we herden, which we sayn with oure iyen, which we bihelden, and oure hondis touchiden, of the word of lijf; and the lijf is schewid.

²² The Lord weldide me in the bigynnyng of hise weies; bifore that he made ony thing, at the bigynnyng. ²³ Fro with out bigynnyng Y was ordeined; and fro elde tymes, bifor that the erthe was maad. ²⁴ Depthis of watris weren not yit; and Y was conseyued thanne. The wellis of watris hadden not brokun out yit, ²⁵ and hillis stoden not togidere yit bi sad heuynesse; bifor litil hillis Y was born. ²⁶ Yit he hadde not maad erthe; and floodis, and the herris of the world. ²⁷ Whanne he made redi heuenes, Y was present; whanne he cumpasside the depthis of watris bi certeyn lawe and cumpas. ²⁸ Whanne he made stidfast the eir aboue; and weiede the wellis of watris. ²⁹ Whanne he cumpasside to the see his marke; and settide lawe to watris, that tho schulden not passe her coostis. Whanne he peiside the foundementis of erthe; ³⁰ Y was making alle thingis with him. And Y delitide bi alle daies, and pleiede bifore hym in al tyme, ³¹ and Y pleiede in the world; and my delices ben to be with the sones of men.

⁴ Who wrouyte and dide these thingis? clepynge generaciouns at the bigynnyng. Y am the Lord; and Y am the firste and the laste.

² And thou, Bethleem Effrata, art litil in the thousyndis of Juda; he that is the lordli gouernour in Israel, schal go out of thee to me; and the goyng out of hym is fro bigynnyng, fro daies of euerlastyngnesse.

² as thei that seyn atte the bigynnyng, and weren ministris of the word,

³⁹ Se ye my hoondis and my feet, for Y my silf am. Fele ye, and se ye; for a spirit hath not fleisch and boonys, as ye seen that Y haue.

¹ In the bigynnyng was the word, and the word was at God, and God was the word. ² This was in the bigynnyng at God. ³ Alle thingis weren maad bi hym, and withouten hym was maad no thing, that thing that was maad. ⁴ In hym was lijf, and the lijf was the liyt of men; and the liyt schyneth in derknessis, ⁵ and derknessis comprehendiden not it. ⁶ A man was sent fro God, to whom the name was Joon. ⁷ This man cam in to witnessyng, that he schulde bere witnessing of the liyt, that alle men schulden bileue bi hym. ⁸ He was not the liyt, but that he schulde bere witnessing of the liyt. ⁹ There was a very liyt, which liytneth ech man that cometh in to this world. ¹⁰ He was in the world, and the world was maad bi hym, and the world knew hym not. ¹¹ He cam in to his owne thingis, and hise resseyueden hym not. ¹² But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis, ¹³ nether of the wille of fleische, nether of the wille of man, but ben borun of God. ¹⁴ And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe. <sup>15</sup> Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me; <sup>16</sup> and of the plente of hym we alle han takun, and grace for grace. <sup>17</sup> For the lawe was youun bi Moises; but grace and treuthe `is maad bi Jhesu Crist. ¹⁸ No man sai euer God, no but the `oon bigetun sone, that is in the bosum of the fadir, he hath teld out.

²⁶ For as the fadir hath lijf in hym silf, so he yaf to the sone, to haue lijf in him silf;

⁵⁸ Therfor Jhesus seide to hem, Treuli, treuli, Y seie to you, bifor that Abraham schulde be, Y am.

³⁵ And he that saiy, bare witnessyng, and his witnessing is trewe; and he woot that he seith trewe thingis, that ye bileue.

²⁷ Afterward he seith to Thomas, Putte in here thi fyngur, and se myn hondis, and putte hidur thin hond, and putte in to my side, and nyle thou be vnbileueful, but feithful.

³ to whiche he schewide hym silf `alyue aftir his passioun, by many argumentis, apperinge to hem fourti daies, and spekinge of the rewme of God.

²⁰ For we moten nedis speke tho thingis, that we han sayn and herd.

¹⁶ For we not suynge vnwise talis, han maad knowun to you the vertu and the biforknowyng of oure Lord Jhesu Crist; but we weren maad biholderis of his greetnesse. ¹⁷ For he took of God the fadir onour and glorie, bi siche maner vois slidun doun to hym fro the greet glorie, This is my loued sone, in whom Y haue plesid to me; here ye hym. ¹⁸ And we herden this vois brouyt from heuene, whanne we weren with hym in the hooli hil.

² And we sayn, and we witnessen, and tellen to you the euerlastynge lijf, that was anentis the fadir, and apperide to vs. ³ Therfor `we tellen to you that thing, that we seyn, and herden, that also ye haue felowschipe with vs, and oure felowschip be with the fadir, and with his sone Jhesu Crist.

¹³ Fadris, Y write to you, for ye han knowun hym, that is fro the bigynnyng. Yonge men, Y write to you, for ye han ouercomun the wickid. ¹⁴ Y write to you, yonge children, for ye han knowe the fadir. Y write to you, britheren, for ye han knowen hym, that is fro the bigynnyng. Y write to you, yonge men, for ye ben stronge, and the word of God dwellith in you, and ye han ouercomun the wickid.

¹⁴ And we sayen, and witnessen, that the fadir sente his sone sauyour of the world.

⁷ For thre ben, that yyuen witnessing in heuene, the Fadir, the Sone, and the Hooli Goost; and these thre ben oon.

⁸ Yhe, Amen! Y am alpha and oo, the bigynnyng and the ende, seith the Lord God, that is, and that was, and that is to comynge, almyyti.

¹¹ seiynge to me, Write thou in a book that thing that thou seest, and sende to the seuene chirchis that ben in Asie; to Ephesus, to Smyrma, and to Pergamus, and to Tiatira, and to Sardis, and to Filadelfia, and to Loadicia.

¹⁷ And whanne Y hadde seyn hym, Y felde doun at hise feet, as deed. And he puttide his riyt hond on me, and seide, Nyle thou drede; Y am the firste and the laste; and Y am alyue, and Y was deed; ¹⁸ and lo! Y am lyuynge in to worldis of worldis, and Y haue the keyes of deth and of helle.

⁸ And to the aungel of the chirche of Smyrma write thou, These thingis seith the firste and the laste, that was deed, and lyueth.

¹³ And he was clothid in a cloth spreynt with blood; and the name of hym was clepid The sone of God.