1 Corinthians 8:4 Cross References - Wycliffe

⁴ But of metis that ben offrid to idols, we witen, that an idol is no thing in the world, and that ther is no God but oon.

²⁴ for noon other God is ether in heuene, ether in erthe, that mai do thi werkis, and may be comparisound to thi strengthe.

³⁵ that thou schuldist wite, that the Lord hym silf is God, and noon other is, outakun oon.

³⁹ Therfor wite thou to dai, and thenke in thin herte, that the Lord him silfe is God in heuene aboue, and in erthe bynethe, and noon other is.

⁴ Thou Israel, here, thi Lord God is o God.

³⁹ Se ye that Y am aloone, and noon other God is outakun me; Y schal sle, and Y schal make to lyue; Y schal smyte, and Y schal make hool; and noon is that may delyuere fro myn hond.

⁴ I schal take the cuppe of heelthe; and Y schal inwardli clepe the name of the Lord. ⁵ I schal yelde my vowis to the Lord bifor al his puple; ⁶ the deth of seyntis of the Lord is precious in his siyt. ⁷ O! Lord, for Y am thi seruant; Y am thi seruaunt, and the sone of thi handmaide. Thou hast broke my bondys, ⁸ to thee Y schal offre a sacrifice of heriyng; and Y schal inwardli clepe the name of the Lord.

¹⁶ and seide, Lord of oostis, God of Israel, that sittist on cherubyn, thou art God aloone of alle the rewmes of erthe; thou madist heuene and erthe.

²⁰ And now, oure Lord God, saue thou vs fro the hond of hym; and alle rewmes of erthe knowe, that thou art Lord God aloone.

²⁴ Lo! ye ben of nouyt, and youre werk is of that that is not; he that chees you, is abhomynacioun.

⁶ The Lord, kyng of Israel, and ayenbiere therof, the Lord of oostis seith these thingis, Y am the firste and Y am the laste, and with outen me is no God.

⁸ Nyle ye drede, nether be ye disturblid; fro that tyme Y made thee for to here, and Y telde; ye ben my witnessis. Whethir a God is with out me, and a formere, whom Y knew not? ⁹ Alle the fourmeris of an idol ben no thing, and the moost louyd thingis of hem schulen not profite; thei ben witnessis of tho, that tho seen not, nether vndurstonden, that thei be schent.

²⁴ The Lord, thin ayenbiere, and thi fourmere fro the wombe, seith these thingis, Y am the Lord, makynge alle thingis, and Y aloone stretche forth heuenes, and stablische the erthe, and noon is with me;

⁵ Y am the Lord, and ther is no more; with out me is no God. Y haue gird thee, and thou knewist not me.

¹⁴ The Lord God seith these thingis, The trauel of Egipt, and the marchaundie of Ethiopie, and of Sabaym; hiy men schulen go to thee, and schulen be thine; thei schulen go aftir thee, thei schulen go boundun in manyclis, and schulen worschipe thee, and schulen biseche thee. God is oneli in thee, and with out thee is no God.

¹⁰ Forsothe the Lord is veri God; he is God lyuynge, and a kyng euerlastynge; the erthe schal be mouyd togidere of his indignacioun, and hethene men schulen not suffre the manaassing of hym.

¹⁴ Ech man is maad a fool of kunnyng, ech crafti man is schent in a grauun ymage; for whi that that he wellide togidere is fals, and no spirit is in tho.

¹⁷ Ech man is maad a fool of kunnyng, ech wellere togidere is schent in a grauun ymage; for his wellyng togidere is fals, and a spirit is not in tho. ¹⁸ The werkis ben veyn, and worthi of scorn; tho schulen perische in the tyme of her visityng.

¹⁹ Wo to hym that seith to a tre, Wake thou; Rise thou, to a stoon beynge stille; whether he schal mow teche? Lo! this is kyuerid with gold and siluer, and no spirit is in his entrails. ²⁰ Forsothe the Lord is in his hooli temple, al erthe be stille fro his face.

²⁹ And Jhesus answeride to him, that the firste maundement of alle is, Here thou, Israel, thi Lord God is o God;

¹⁵ which in generaciouns passid suffride alle folkis to gon in to her owne weies.

²⁶ and ye seen and heren, that this Poul counseilith and turneth awei myche puple, not oonli of Effesie, but almest of al Asie, and seith, that thei ben not goddis, that ben maad with hoondis.

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth.

⁶ netheles to vs is o God, the fadir, of whom ben alle thingis, and we in hym; and o Lord Jhesu Crist, bi whom ben alle thingis, and we bi hym. ⁷ But not in alle men is kunnyng. For summen with conscience of ydol til now eten as thing offrid to idolis; and her conscience is defoulid, for it is sijk.

¹⁰ For if ony man schal se hym, that hath kunnyng, etynge in a place where idols ben worschipid, whethir his conscience, sithen it is sijke, schal not be edified to ete thingis offrid to idols?

¹⁹ What therfor seie Y, that a thing that is offrid to idols is ony thing, or that the idol is ony thing? ²⁰ But tho thingis that hethene men offren, thei offren to deuelis, and not to God. But Y nyle, that ye ben maad felowis of feendis; for ye moun not drynke the cuppe of the Lord, and the cuppe of fendis;

⁶ o feith, o baptym, o God and fadir of alle, which is aboue alle men, and bi alle thingis, and in vs alle.

¹⁷ And to the king of worldis, vndeedli and vnvysible God aloone, be onour and glorie in to worldis of worldis. Amen.

⁵ For o God and a mediatour is of God and of men, a man Crist Jhesus,

²⁵ bi Jhesu Crist oure Lord, be glorie, and magnefiyng, empire, and power, bifore alle worldis, `and now and in to alle worldis of worldis. Amen.