11 forþam þe manega foron fram þam iudeon for his þingon & gelyfdon on þone hælend;
John 12:11 Cross References - WestSaxon990
John 7:31
31 Manega of ðære menigeo gelyfdon on hine & cwædon. Cweþe ge wyrcð crist ma tacna þonne he cymð þonne þes deð.
John 11:45
45 manega þara iudea þe comon to marïan & gesawon ða þing þe he dyde gelyfdon on hine;
John 11:48
48 gif we hine forlætaþ ealle gelyfað on hine; & romane cumað & nimað ure land & urne þeod-scipe;
John 12:18
18 & forði him com seo menio ongean forðam þe hi gehyrdon þt he worhte þt tacn.
John 15:18-25
18 Gif middan-eard eow hatað witað þt he hatede me ær eow;
19 Gif ge of middan-earde wæron. middan-eard lufode þt his wæs; Forþam þe ge ne synt of middan-earde. ac ic eow geceas of middan-earde. forði middan-eard eow hatað;
20 Gemunað minre spræce þe ic eow sæde. Nis se ðeowa mærra þonne his hlaford; Gif hi me ahton (sic). hi wyllað ehtan eower; Gif hi mine spræce heoldon hi healdað eac eowre;
21 Ac ealle þas þing hi doð eow for minum naman. forþam hi ne cunnon þæne þe me sende;
22 Gif ic ne come & to him ne spræce næfdon hig nane synne; Nu hi nabbað nane lade be hyra synne;
23 Se þe me hatað hatað minne fæder;
24 Gif ic näne weorc ne worhte on him þe nan oðer ne worhte næfdon hi nane synne; Nu hi gesawon & hi hatedon ægðer ge më ge minne fæder;
25 Ac þt seo spræc sy gefylled þe on hyra .æ. awriten ys þt hi hatedon me buton gewyrhton;