Matthew 9:5 Cross References - Vulgate

⁵ quid est facilius dicere dimittuntur tibi peccata aut dicere surge et ambula

⁵ tunc aperientur oculi caecorum et aures surdorum patebunt ⁶ tunc saliet sicut cervus claudus et aperta erit lingua mutorum quia scissae sunt in deserto aquae et torrentes in solitudine

⁹ quid est facilius dicere paralytico dimittuntur tibi peccata an dicere surge et tolle grabattum tuum et ambula ¹⁰ ut autem sciatis quia potestatem habet Filius hominis in terra dimittendi peccata ait paralytico ¹¹ tibi dico surge tolle grabattum tuum et vade in domum tuam ¹² et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimus

²³ quid est facilius dicere dimittuntur tibi peccata an dicere surge et ambula ²⁴ ut autem sciatis quia Filius hominis potestatem habet in terra dimittere peccata ait paralytico tibi dico surge tolle lectum tuum et vade in domum tuam ²⁵ et confestim surgens coram illis tulit in quo iacebat et abiit in domum suam magnificans Deum

⁸ dicit ei Iesus surge tolle grabattum tuum et ambula ⁹ et statim sanus factus est homo et sustulit grabattum suum et ambulabat erat autem sabbatum in illo die ¹⁰ dicebant Iudaei illi qui sanatus fuerat sabbatum est non licet tibi tollere grabattum tuum ¹¹ respondit eis qui me fecit sanum ille mihi dixit tolle grabattum tuum et ambula ¹² interrogaverunt ergo eum quis est ille homo qui dixit tibi tolle grabattum tuum et ambula ¹³ is autem qui sanus fuerat effectus nesciebat quis esset Iesus enim declinavit turba constituta in loco ¹⁴ postea invenit eum Iesus in templo et dixit illi ecce sanus factus es iam noli peccare ne deterius tibi aliquid contingat

¹⁷ Iesus autem respondit eis Pater meus usque modo operatur et ego operor ¹⁸ propterea ergo magis quaerebant eum Iudaei interficere quia non solum solvebat sabbatum sed et Patrem suum dicebat Deum aequalem se faciens Deo respondit itaque Iesus et dixit eis

⁶ Petrus autem dixit argentum et aurum non est mihi quod autem habeo hoc tibi do in nomine Iesu Christi Nazareni surge et ambula ⁷ et adprehensa ei manu dextera adlevavit eum et protinus consolidatae sunt bases eius et plantae ⁸ et exiliens stetit et ambulabat et intravit cum illis in templum ambulans et exiliens et laudans Dominum ⁹ et vidit omnis populus eum ambulantem et laudantem Deum ¹⁰ cognoscebant autem illum quoniam ipse erat qui ad elemosynam sedebat ad Speciosam portam templi et impleti sunt stupore et extasi in eo quod contigerat illi ¹¹ cum teneret autem Petrum et Iohannem concurrit omnis populus ad eos ad porticum qui appellatur Salomonis stupentes

¹⁶ et in fide nominis eius hunc quem videtis et nostis confirmavit nomen eius et fides quae per eum est dedit integram sanitatem istam in conspectu omnium vestrum

⁹ si nos hodie diiudicamur in benefacto hominis infirmi in quo iste salvus factus est ¹⁰ notum sit omnibus vobis et omni plebi Israhel quia in nomine Iesu Christi Nazareni quem vos crucifixistis quem Deus suscitavit a mortuis in hoc iste adstat coram vobis sanus

³⁴ et ait illi Petrus Aeneas sanat te Iesus Christus surge et sterne tibi et continuo surrexit

⁸ et quidam vir in Lystris infirmus pedibus sedebat claudus ex utero matris suae qui numquam ambulaverat ⁹ hic audivit Paulum loquentem qui intuitus eum et videns quia haberet fidem ut salvus fieret ¹⁰ dixit magna voce surge super pedes tuos rectus et exilivit et ambulabat ¹¹ turbae autem cum vidissent quod fecerat Paulus levaverunt vocem suam lycaonice dicentes dii similes facti hominibus descenderunt ad nos