Leviticus 24:2 Cross References - Vulgate

² praecipe filiis Israhel ut adferant tibi oleum de olivis purissimum ac lucidum ad concinnandas lucernas iugiter

²⁰ praecipe filiis Israhel ut adferant tibi oleum de arboribus olivarum purissimum piloque contusum ut ardeat lucerna semper ²¹ in tabernaculo testimonii extra velum quod oppansum est testimonio et conlocabunt eam Aaron et filii eius ut usque mane luceat coram Domino perpetuus erit cultus per successiones eorum a filiis Israhel

³⁷ altare aureum et unguentum thymiama ex aromatibus

²⁴ posuit et candelabrum in tabernaculum testimonii e regione mensae in parte australi

² loquere Aaroni et dices ad eum cum posueris septem lucernas contra eam partem quam candelabrum respicit lucere debebunt ³ fecitque Aaron et inposuit lucernas super candelabrum ut praeceperat Dominus Mosi ⁴ haec autem erat factura candelabri ex auro ductili tam medius stipes quam cuncta ex utroque calamorum latera nascebantur iuxta exemplum quod ostendit Dominus Mosi ita operatus est candelabrum

³ lucerna Dei antequam extingueretur Samuhel autem dormiebat in templo Domini ubi erat arca Dei ⁴ et vocavit Dominus Samuhel qui respondens ait ecce ego

¹¹ holocausta quoque offerunt Domino per singulos dies mane et vespere et thymiama iuxta legis praecepta confectum et proponuntur panes in mensa mundissima estque apud nos candelabrum aureum et lucernae eius ut accendantur semper ad vesperam nos quippe custodimus praecepta Domini Dei nostri quem vos reliquistis

¹⁰⁵ nun lucerna pedi meo verbum tuum et lux semitae meae

¹³⁰ ostium sermonum tuorum lucidum doce parvulos

²³ quia mandatum lucerna est et lex lux et via vitae increpatio disciplinae

²⁰ ad legem magis et ad testimonium quod si non dixerint iuxta verbum hoc non erit eis matutina lux

² et requiescet super eum spiritus Domini spiritus sapientiae et intellectus spiritus consilii et fortitudinis spiritus scientiae et pietatis

¹⁶ populus qui sedebat in tenebris lucem vidit magnam et sedentibus in regione et umbra mortis lux orta est eis

¹⁶ sic luceat lux vestra coram hominibus ut videant vestra bona opera et glorificent Patrem vestrum qui in caelis est

¹ tunc simile erit regnum caelorum decem virginibus quae accipientes lampadas suas exierunt obviam sponso et sponsae ² quinque autem ex eis erant fatuae et quinque prudentes ³ sed quinque fatuae acceptis lampadibus non sumpserunt oleum secum ⁴ prudentes vero acceperunt oleum in vasis suis cum lampadibus ⁵ moram autem faciente sponso dormitaverunt omnes et dormierunt ⁶ media autem nocte clamor factus est ecce sponsus venit exite obviam ei ⁷ tunc surrexerunt omnes virgines illae et ornaverunt lampades suas ⁸ fatuae autem sapientibus dixerunt date nobis de oleo vestro quia lampades nostrae extinguntur

⁷⁹ inluminare his qui in tenebris et in umbra mortis sedent ad dirigendos pedes nostros in viam pacis

³⁵ sint lumbi vestri praecincti et lucernae ardentes

⁴ in ipso vita erat et vita erat lux hominum

⁹ erat lux vera quae inluminat omnem hominem venientem in mundum

³⁵ ille erat lucerna ardens et lucens vos autem voluistis exultare ad horam in luce eius

¹² iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae

¹⁸ aperire oculos eorum ut convertantur a tenebris ad lucem et de potestate Satanae ad Deum ut accipiant remissionem peccatorum et sortem inter sanctos per fidem quae est in me

⁶ quoniam Deus qui dixit de tenebris lucem splendescere qui inluxit in cordibus nostris ad inluminationem scientiae claritatis Dei in facie Christi Iesu

¹⁷ ut Deus Domini nostri Iesu Christi Pater gloriae det vobis spiritum sapientiae et revelationis in agnitione eius ¹⁸ inluminatos oculos cordis vestri ut sciatis quae sit spes vocationis eius quae divitiae gloriae hereditatis eius in sanctis

⁸ eratis enim aliquando tenebrae nunc autem lux in Domino ut filii lucis ambulate ⁹ fructus enim lucis est in omni bonitate et iustitia et veritate ¹⁰ probantes quid sit beneplacitum Deo ¹¹ et nolite communicare operibus infructuosis tenebrarum magis autem et redarguite ¹² quae enim in occulto fiunt ab ipsis turpe est et dicere ¹³ omnia autem quae arguuntur a lumine manifestantur omne enim quod manifestatur lumen est ¹⁴ propter quod dicit surge qui dormis et exsurge a mortuis et inluminabit tibi Christus

¹⁵ ut sitis sine querella et simplices filii Dei sine reprehensione in medio nationis pravae et perversae inter quos lucetis sicut luminaria in mundo ¹⁶ verbum vitae continentes ad gloriam meam in die Christi quia non in vacuum cucurri neque in vacuum laboravi