Hebrews 7:26 Cross References - Vulgate

²⁶ talis enim decebat ut nobis esset pontifex sanctus innocens inpollutus segregatus a peccatoribus et excelsior caelis factus

³⁶ facies et lamminam de auro purissimo in qua sculpes opere celatoris Sanctum Domino

¹⁸ benedictus Dominus per singulos dies portabit nos Deus salutis nostrae semper

⁹ et dabit impios pro sepultura et divitem pro morte sua eo quod iniquitatem non fecerit neque dolus fuerit in ore eius

¹⁸ sciebat enim quod per invidiam tradidissent eum

¹⁹ et Dominus quidem postquam locutus est eis adsumptus est in caelum et sedit a dextris Dei

³⁵ et respondens angelus dixit ei Spiritus Sanctus superveniet in te et virtus Altissimi obumbrabit tibi ideoque et quod nascetur sanctum vocabitur Filius Dei

²² ille autem tertio dixit ad illos quid enim mali fecit iste nullam causam mortis invenio in eo corripiam ergo illum et dimittam

⁴¹ et nos quidem iuste nam digna factis recipimus hic vero nihil mali gessit

⁴⁷ videns autem centurio quod factum fuerat glorificavit Deum dicens vere hic homo iustus erat

²⁶ nonne haec oportuit pati Christum et ita intrare in gloriam suam

⁴⁶ et dixit eis quoniam sic scriptum est et sic oportebat Christum pati et resurgere a mortuis die tertia

²⁹ et qui me misit mecum est non reliquit me solum quia ego quae placita sunt ei facio semper

³⁰ iam non multa loquar vobiscum venit enim princeps mundi huius et in me non habet quicquam

¹⁴ vos autem sanctum et iustum negastis et petistis virum homicidam donari vobis

²⁷ convenerunt enim vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis Israhel

²¹ eum qui non noverat peccatum pro nobis peccatum fecit ut nos efficeremur iustitia Dei in ipso

²⁰ quam operatus est in Christo suscitans illum a mortuis et constituens ad dexteram suam in caelestibus ²¹ supra omnem principatum et potestatem et virtutem et dominationem et omne nomen quod nominatur non solum in hoc saeculo sed et in futuro ²² et omnia subiecit sub pedibus eius et ipsum dedit caput supra omnia ecclesiae

⁸ propter quod dicit ascendens in altum captivam duxit captivitatem dedit dona hominibus ⁹ quod autem ascendit quid est nisi quia et descendit primum in inferiores partes terrae ¹⁰ qui descendit ipse est et qui ascendit super omnes caelos ut impleret omnia

⁹ propter quod et Deus illum exaltavit et donavit illi nomen super omne nomen ¹⁰ ut in nomine Iesu omne genu flectat caelestium et terrestrium et infernorum ¹¹ et omnis lingua confiteatur quia Dominus Iesus Christus in gloria est Dei Patris

³ qui cum sit splendor gloriae et figura substantiae eius portansque omnia verbo virtutis suae purgationem peccatorum faciens sedit ad dexteram Maiestatis in excelsis

¹⁰ decebat enim eum propter quem omnia et per quem omnia qui multos filios in gloriam adduxerat auctorem salutis eorum per passiones consummare

¹⁴ habentes ergo pontificem magnum qui penetraverit caelos Iesum Filium Dei teneamus confessionem ¹⁵ non enim habemus pontificem qui non possit conpati infirmitatibus nostris temptatum autem per omnia pro similitudine absque peccato

¹¹ si ergo consummatio per sacerdotium leviticum erat populus enim sub ipso legem accepit quid adhuc necessarium secundum ordinem Melchisedech alium surgere sacerdotem et non secundum ordinem Aaron dici

¹ capitulum autem super ea quae dicuntur talem habemus pontificem qui consedit in dextera sedis Magnitudinis in caelis

¹⁴ quanto magis sanguis Christi qui per Spiritum Sanctum semet ipsum obtulit inmaculatum Deo emundabit conscientiam vestram ab operibus mortuis ad serviendum Deo viventi

²³ necesse est ergo exemplaria quidem caelestium his mundari ipsa autem caelestia melioribus hostiis quam istis ²⁴ non enim in manufactis sanctis Iesus introiit exemplaria verorum sed in ipsum caelum ut appareat nunc vultui Dei pro nobis ²⁵ neque ut saepe offerat semet ipsum quemadmodum pontifex intrat in sancta per singulos annos in sanguine alieno ²⁶ alioquin oportebat eum frequenter pati ab origine mundi nunc autem semel in consummatione saeculorum ad destitutionem peccati per hostiam suam apparuit

¹¹ et omnis quidem sacerdos praesto est cotidie ministrans et easdem saepe offerens hostias quae numquam possunt auferre peccata ¹² hic autem unam pro peccatis offerens hostiam in sempiternum sedit in dextera Dei ¹³ de cetero expectans donec ponantur inimici eius scabillum pedum eius ¹⁴ una enim oblatione consummavit in sempiternum sanctificatos ¹⁵ contestatur autem nos et Spiritus Sanctus postquam enim dixit ¹⁶ hoc autem testamentum quod testabor ad illos post dies illos dicit Dominus dando leges meas in cordibus eorum et in mente eorum superscribam eas ¹⁷ et peccatorum et iniquitatium eorum iam non recordabor amplius ¹⁸ ubi autem horum remissio iam non oblatio pro peccato ¹⁹ habentes itaque fratres fiduciam in introitu sanctorum in sanguine Christi ²⁰ quam initiavit nobis viam novam et viventem per velamen id est carnem suam ²¹ et sacerdotem magnum super domum Dei ²² accedamus cum vero corde in plenitudine fidei aspersi corda a conscientia mala et abluti corpus aqua munda

² aspicientes in auctorem fidei et consummatorem Iesum qui pro proposito sibi gaudio sustinuit crucem confusione contempta atque in dextera sedis Dei sedit

¹⁹ sed pretioso sanguine quasi agni incontaminati et inmaculati Christi

²² qui peccatum non fecit nec inventus est dolus in ore ipsius

²² qui est in dextera Dei profectus in caelum subiectis sibi angelis et potestatibus et virtutibus

² et ipse est propitiatio pro peccatis nostris non pro nostris autem tantum sed etiam pro totius mundi

⁵ et scitis quoniam ille apparuit ut peccata tolleret et peccatum in eo non est

¹⁷ et cum vidissem eum cecidi ad pedes eius tamquam mortuus et posuit dexteram suam super me dicens noli timere ego sum primus et novissimus ¹⁸ et vivus et fui mortuus et ecce sum vivens in saecula saeculorum et habeo claves mortis et inferni

⁷ et angelo Philadelphiae ecclesiae scribe haec dicit sanctus et verus qui habet clavem David qui aperit et nemo cludit et cludit et nemo aperit