Genesis 24:15 Cross References - Vulgate

¹⁵ necdum intra se verba conpleverat et ecce Rebecca egrediebatur filia Bathuel filii Melchae uxoris Nahor fratris Abraham habens hydriam in scapula

²⁷ hae sunt autem generationes Thare Thare genuit Abram et Nahor et Aran porro Aran genuit Loth

²⁹ duxerunt autem Abram et Nahor uxores nomen autem uxoris Abram Sarai et nomen uxoris Nahor Melcha filia Aran patris Melchae et patris Ieschae

¹⁴ surrexit itaque Abraham mane et tollens panem et utrem aquae inposuit scapulae eius tradiditque puerum et dimisit eam quae cum abisset errabat in solitudine Bersabee

²⁰ his itaque gestis nuntiatum est Abraham quod Melcha quoque genuisset filios Nahor fratri suo ²¹ Hus primogenitum et Buz fratrem eius Camuhel patrem Syrorum ²² et Chased et Azau Pheldas quoque et Iedlaph ²³ ac Bathuel de quo nata est Rebecca octo istos genuit Melcha Nahor fratri Abraham

²⁴ quae respondit filia Bathuelis sum filii Melchae quem peperit Nahor

⁴⁵ dum haec mecum tacitus volverem apparuit Rebecca veniens cum hydria quam portabat in scapula descenditque ad fontem et hausit aquam et aio ad eam da mihi paululum bibere

⁹ adhuc loquebantur et ecce Rahel veniebat cum ovibus patris sui nam gregem ipsa pascebat

¹⁶ erant sacerdoti Madian septem filiae quae venerunt ad hauriendas aquas et impletis canalibus adaquare cupiebant greges patris sui

³⁶ dixitque Gedeon ad Dominum si salvum facis per manum meam Israhel sicut locutus es ³⁷ ponam vellus hoc lanae in area si ros in solo vellere fuerit et in omni terra siccitas sciam quod per manum meam sicut locutus es liberabis Israhel ³⁸ factumque est ita et de nocte consurgens expresso vellere concam rore conplevit ³⁹ dixitque rursus ad Dominum ne irascatur furor tuus contra me si adhuc semel temptavero signum quaerens in vellere oro ut solum vellus siccum sit et omnis terra rore madens ⁴⁰ fecitque Dominus nocte illa ut postulaverat et fuit siccitas in solo vellere et ros in omni terra

² dixitque Ruth Moabitis ad socrum suam si iubes vadam in agrum et colligam spicas quae metentium fugerint manus ubicumque clementis in me patris familias repperero gratiam cui illa respondit vade filia mi

¹⁷ collegit ergo in agro usque ad vesperam et quae collegerat virga caedens et excutiens invenit hordei quasi oephi mensuram id est tres modios

¹⁵ oculi Domini ad iustos et aures eius ad clamorem eorum

² verba iniquitatum praevaluerunt adversum me sceleribus nostris tu propitiaberis

¹⁸ sade iustus Dominus in omnibus viis suis et sanctus in omnibus operibus suis ¹⁹ coph iuxta est Dominus omnibus qui invocant eum omnibus qui invocant eum in veritate

²⁷ sade considerat semitas domus suae et panem otiosa non comedet

⁹ tunc invocabis et Dominus exaudiet clamabis et dicet ecce adsum si abstuleris de medio tui catenam et desieris digitum extendere et loqui quod non prodest

²⁴ eritque antequam clament ego exaudiam adhuc illis loquentibus ego audiam

²⁰ cumque adhuc loquerer et orarem et confiterer peccata mea et peccata populi mei Israhel ut prosternerem preces meas in conspectu Dei mei pro monte sancto Dei mei ²¹ adhuc me loquente in oratione ecce vir Gabrihel quem videram in visione principio cito volans tetigit me in tempore sacrificii vespertini ²² et docuit me et locutus est mihi dixitque Danihel nunc egressus sum ut docerem te et intellegeres ²³ ab exordio precum tuarum egressus est sermo ego autem veni ut indicarem tibi quia vir desideriorum es tu ergo animadverte sermonem et intellege visionem