Ecclesiastes 3:17 Cross References - Vulgate

¹⁷ et dixi in corde meo iustum et impium iudicabit Deus et tempus omni rei tunc erit

²⁵ absit a te ut rem hanc facias et occidas iustum cum impio fiatque iustus sicut impius non est hoc tuum qui iudicas omnem terram nequaquam facies iudicium

⁹ ante Dominum quia venit iudicare terram iudicabit orbem in iustitia et populos in aequitatibus

¹⁶ locutus sum in corde meo dicens ecce magnus effectus sum et praecessi sapientia omnes qui fuerunt ante me in Hierusalem et mens mea contemplata est multa sapienter et didicit

¹ dixi ego in corde meo vadam et affluam deliciis et fruar bonis et vidi quod hoc quoque esset vanitas

¹ omnia tempus habent et suis spatiis transeunt universa sub caelo

⁶ omni negotio tempus est et oportunitas et multa hominis adflictio

⁹ laetare ergo iuvenis in adulescentia tua et in bono sit cor tuum in diebus iuventutis tuae et ambula in viis cordis tui et in intuitu oculorum tuorum et scito quod pro omnibus his adducet te Deus in iudicium

¹⁴ et cuncta quae fiunt adducet Deus in iudicium pro omni errato sive bonum sive malum sit

¹⁰ quia haec dicit Dominus cum coeperint impleri in Babylone septuaginta anni visitabo vos et suscitabo super vos verbum meum bonum ut reducam vos ad locum istum ¹¹ ego enim scio cogitationes quas cogito super vos ait Dominus cogitationes pacis et non adflictionis ut dem vobis finem et patientiam

⁴⁰ et in tempore praefinito proeliabitur adversum eum rex austri et quasi tempestas veniet contra illum rex aquilonis in curribus et in equitibus et in classe magna et ingredietur terras et conteret et pertransiet

⁴ tu autem Danihel clude sermones et signa librum usque ad tempus statutum pertransibunt plurimi et multiplex erit scientia

⁹ et ait vade Danihel quia clausi sunt signatique sermones usque ad tempus praefinitum

¹¹ et a tempore cum ablatum fuerit iuge sacrificium et posita fuerit abominatio in desolatione dies mille ducenti nonaginta ¹² beatus qui expectat et pervenit ad dies mille trecentos triginta quinque ¹³ tu autem vade ad praefinitum et requiesce et stabis in sorte tua in fine dierum

²⁷ Filius enim hominis venturus est in gloria Patris sui cum angelis suis et tunc reddet unicuique secundum opus eius

³¹ cum autem venerit Filius hominis in maiestate sua et omnes angeli cum eo tunc sedebit super sedem maiestatis suae ³² et congregabuntur ante eum omnes gentes et separabit eos ab invicem sicut pastor segregat oves ab hedis ³³ et statuet oves quidem a dextris suis hedos autem a sinistris ³⁴ tunc dicet rex his qui a dextris eius erunt venite benedicti Patris mei possidete paratum vobis regnum a constitutione mundi ³⁵ esurivi enim et dedistis mihi manducare sitivi et dedistis mihi bibere hospes eram et collexistis me ³⁶ nudus et operuistis me infirmus et visitastis me in carcere eram et venistis ad me ³⁷ tunc respondebunt ei iusti dicentes Domine quando te vidimus esurientem et pavimus sitientem et dedimus tibi potum ³⁸ quando autem te vidimus hospitem et colleximus te aut nudum et cooperuimus ³⁹ aut quando te vidimus infirmum aut in carcere et venimus ad te ⁴⁰ et respondens rex dicet illis amen dico vobis quamdiu fecistis uni de his fratribus meis minimis mihi fecistis ⁴¹ tunc dicet et his qui a sinistris erunt discedite a me maledicti in ignem aeternum qui paratus est diabolo et angelis eius ⁴² esurivi enim et non dedistis mihi manducare sitivi et non dedistis mihi potum ⁴³ hospes eram et non collexistis me nudus et non operuistis me infirmus et in carcere et non visitastis me ⁴⁴ tunc respondebunt et ipsi dicentes Domine quando te vidimus esurientem aut sitientem aut hospitem aut nudum aut infirmum vel in carcere et non ministravimus tibi ⁴⁵ tunc respondebit illis dicens amen dico vobis quamdiu non fecistis uni de minoribus his nec mihi fecistis ⁴⁶ et ibunt hii in supplicium aeternum iusti autem in vitam aeternam

²² neque enim Pater iudicat quemquam sed iudicium omne dedit Filio

²⁶ sicut enim Pater habet vitam in semet ipso sic dedit et Filio vitam habere in semet ipso ²⁷ et potestatem dedit ei et iudicium facere quia Filius hominis est ²⁸ nolite mirari hoc quia venit hora in qua omnes qui in monumentis sunt audient vocem eius ²⁹ et procedent qui bona fecerunt in resurrectionem vitae qui vero mala egerunt in resurrectionem iudicii

⁷ dixit autem eis non est vestrum nosse tempora vel momenta quae Pater posuit in sua potestate

³¹ eo quod statuit diem in qua iudicaturus est orbem in aequitate in viro in quo statuit fidem praebens omnibus suscitans eum a mortuis

⁵ secundum duritiam autem tuam et inpaenitens cor thesaurizas tibi iram in die irae et revelationis iusti iudicii Dei ⁶ qui reddet unicuique secundum opera eius ⁷ his quidem qui secundum patientiam boni operis gloriam et honorem et incorruptionem quaerentibus vitam aeternam ⁸ his autem qui ex contentione et qui non adquiescunt veritati credunt autem iniquitati ira et indignatio ⁹ tribulatio et angustia in omnem animam hominis operantis malum Iudaei primum et Graeci ¹⁰ gloria autem et honor et pax omni operanti bonum Iudaeo primum et Graeco

⁵ itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo

¹⁰ omnes enim nos manifestari oportet ante tribunal Christi ut referat unusquisque propria corporis prout gessit sive bonum sive malum

¹ de temporibus autem et momentis fratres non indigetis ut scribamus vobis

⁶ si tamen iustum est apud Deum retribuere tribulationem his qui vos tribulant ⁷ et vobis qui tribulamini requiem nobiscum in revelatione Domini Iesu de caelo cum angelis virtutis eius ⁸ in flamma ignis dantis vindictam his qui non noverunt Deum et qui non oboediunt evangelio Domini nostri Iesu ⁹ qui poenas dabunt in interitu aeternas a facie Domini et a gloria virtutis eius ¹⁰ cum venerit glorificari in sanctis suis et admirabilis fieri in omnibus qui crediderunt quia creditum est testimonium nostrum super vos in die illo

⁷ caeli autem qui nunc sunt et terra eodem verbo repositi sunt igni servati in diem iudicii et perditionis impiorum hominum ⁸ unum vero hoc non lateat vos carissimi quia unus dies apud Dominum sicut mille anni et mille anni sicut dies unus

² atrium autem quod est foris templum eice foras et ne metieris eum quoniam datum est gentibus et civitatem sanctam calcabunt mensibus quadraginta duobus ³ et dabo duobus testibus meis et prophetabunt diebus mille ducentis sexaginta amicti saccos

¹⁸ et iratae sunt gentes et advenit ira tua et tempus mortuorum iudicari et reddere mercedem servis tuis prophetis et sanctis et timentibus nomen tuum pusillis et magnis et exterminandi eos qui corruperunt terram

¹² et decem cornua quae vidisti decem reges sunt qui regnum nondum acceperunt sed potestatem tamquam reges una hora accipiunt post bestiam ¹³ hii unum consilium habent et virtutem et potestatem suam bestiae tradunt ¹⁴ hii cum agno pugnabunt et agnus vincet illos quoniam Dominus dominorum est et rex regum et qui cum illo sunt vocati et electi et fideles ¹⁵ et dixit mihi aquas quas vidisti ubi meretrix sedet populi sunt et gentes et linguae ¹⁶ et decem cornua quae vidisti et bestiam hii odient fornicariam et desolatam facient illam et nudam et carnes eius manducabunt et ipsam igni concremabunt ¹⁷ Deus enim dedit in corda eorum ut faciant quod illi placitum est ut dent regnum suum bestiae donec consummentur verba Dei

² et adprehendit draconem serpentem antiquum qui est diabolus et Satanas et ligavit eum per annos mille

⁷ et cum consummati fuerint mille anni solvetur Satanas de carcere suo et exibit et seducet gentes quae sunt super quattuor angulos terrae Gog et Magog et congregabit eos in proelium quorum numerus est sicut harena maris ⁸ et ascenderunt super latitudinem terrae et circumierunt castra sanctorum et civitatem dilectam ⁹ et descendit ignis a Deo de caelo et devoravit eos et diabolus qui seducebat eos missus est in stagnum ignis et sulphuris ubi et bestia

¹¹ et vidi thronum magnum candidum et sedentem super eum a cuius aspectu fugit terra et caelum et locus non est inventus ab eis ¹² et vidi mortuos magnos et pusillos stantes in conspectu throni et libri aperti sunt et alius liber apertus est qui est vitae et iudicati sunt mortui ex his quae scripta erant in libris secundum opera ipsorum ¹³ et dedit mare mortuos qui in eo erant et mors et inferus dederunt mortuos qui in ipsis erant et iudicatum est de singulis secundum opera ipsorum ¹⁴ et inferus et mors missi sunt in stagnum ignis haec mors secunda est stagnum ignis ¹⁵ et qui non est inventus in libro vitae scriptus missus est in stagnum ignis