3 John 1:1 Cross References - Vulgate

¹ senior Gaio carissimo quem ego diligo in veritate

²⁹ et impleta est civitas confusione et impetum fecerunt uno animo in theatrum rapto Gaio et Aristarcho Macedonibus comitibus Pauli

⁴ comitatus est autem eum Sopater Pyrri Beroensis Thessalonicensium vero Aristarchus et Secundus et Gaius Derbeus et Timotheus Asiani vero Tychicus et Trophimus

²³ salutat vos Gaius hospes meus et universae ecclesiae salutat vos Erastus arcarius civitatis et Quartus frater

¹⁴ gratias ago Deo quod neminem vestrum baptizavi nisi Crispum et Gaium

¹⁸ filioli non diligamus verbo nec lingua sed opere et veritate

¹ senior electae dominae et natis eius quos ego diligo in veritate et non ego solus sed et omnes qui cognoverunt veritatem ² propter veritatem quae permanet in nobis et nobiscum erit in aeternum ³ sit nobiscum gratia misericordia pax a Deo Patre et a Christo Iesu Filio Patris in veritate et caritate ⁴ gavisus sum valde quoniam inveni de filiis tuis ambulantes in veritate sicut mandatum accepimus a Patre ⁵ et nunc rogo te domina non tamquam mandatum novum scribens tibi sed quod habuimus ab initio ut diligamus alterutrum ⁶ et haec est caritas ut ambulemus secundum mandata eius hoc mandatum est ut quemadmodum audistis ab initio in eo ambuletis ⁷ quoniam multi seductores exierunt in mundum qui non confitentur Iesum Christum venientem in carne hic est seductor et antichristus ⁸ videte vosmet ipsos ne perdatis quae operati estis sed ut mercedem plenam accipiatis ⁹ omnis qui praecedit et non manet in doctrina Christi Deum non habet qui permanet in doctrina hic et Filium et Patrem habet ¹⁰ si quis venit ad vos et hanc doctrinam non adfert nolite recipere eum in domum nec have ei dixeritis ¹¹ qui enim dicit illi have communicat operibus illius malignis ¹² plura habens vobis scribere nolui per cartam et atramentum spero enim me futurum apud vos et os ad os loqui ut gaudium vestrum plenum sit ¹³ salutant te filii sororis tuae electae