1 Kings 18:26 Cross References - Vulgate

²⁶ qui cum tulissent bovem quem dederat eis fecerunt et invocabant nomen Baal de mane usque ad meridiem dicentes Baal exaudi nos et non erat vox nec qui responderet transiliebantque altare quod fecerant

²⁴ invocate nomina deorum vestrorum et ego invocabo nomen Domini et deus qui exaudierit per ignem ipse sit Deus respondens omnis populus ait optima propositio

⁴ idola gentium argentum et aurum opus manuum hominum ⁵ os habent et non loquentur oculos habent et non videbunt ⁶ aures habent et non audient nasum habent et non odorabuntur ⁷ manus habent et non palpabunt pedes habent et non ambulabunt nec sonabunt in gutture suo ⁸ similes illis fiant qui faciunt ea omnis qui confidit in eis

¹⁵ idola gentium argentum et aurum opera manuum hominum ¹⁶ os habent et non loquentur oculos habent et non videbunt ¹⁷ aures habent et non audient sed nec spiritus in ore eorum ¹⁸ similes illis fiant qui faciunt ea omnis qui confidit in eis ¹⁹ domus Israhel benedicite Domino domus Aaron benedicite Domino ²⁰ domus Levi benedicite Domino timentes Dominum benedicite Domino

³⁸ et factum est cum adoraret in templo Nesrach deum suum Adramelech et Sarasar filii eius percusserunt eum gladio fugeruntque in terram Ararat et regnavit Asoraddon filius eius pro eo

¹⁷ reliquum autem eius deum fecit sculptile sibi curvatur ante illud et adorat illud et obsecrat dicens libera me quia deus meus es tu

²⁰ congregamini et venite et accedite simul qui salvati estis ex gentibus nescierunt qui levant lignum sculpturae suae et rogant deum non salvantem

⁵ in similitudinem palmae fabricata sunt et non loquentur portata tollentur quia incedere non valent nolite ergo timere ea quia nec male possunt facere nec bene

²³ sed adversum Dominatorem caeli elevatus es et vasa domus eius adlata sunt coram te et tu et optimates tui et uxores tuae et concubinae vinum bibistis in eis deos quoque argenteos et aureos et aereos ferreos ligneosque et lapideos qui non vident neque audiunt neque sentiunt laudasti porro Deum qui habet flatum tuum in manu sua et omnes vias tuas non glorificasti

¹⁸ quid prodest sculptile quia sculpsit illud fictor suus conflatile et imaginem falsam quia speravit in figmento fictor eius ut faceret simulacra muta

⁹ et visitabo omnem qui arroganter ingreditur super limen in die illa qui conplent domum Domini Dei sui iniquitate et dolo

⁷ orantes autem nolite multum loqui sicut ethnici putant enim quia in multiloquio suo exaudiantur

⁴ de escis autem quae idolis immolantur scimus quia nihil est idolum in mundo et quod nullus Deus nisi unus

¹⁹ quid ergo dico quod idolis immolatum sit aliquid aut quod idolum sit aliquid ²⁰ sed quae immolant gentes daemoniis immolant et non Deo nolo autem vos socios fieri daemoniorum non potestis calicem Domini bibere et calicem daemoniorum

² scitis quoniam cum gentes essetis ad simulacra muta prout ducebamini euntes