1 Corinthians 6:14 Cross References - Vulgate

¹⁴ Deus vero et Dominum suscitavit et nos suscitabit per virtutem suam

²⁸ nolite mirari hoc quia venit hora in qua omnes qui in monumentis sunt audient vocem eius ²⁹ et procedent qui bona fecerunt in resurrectionem vitae qui vero mala egerunt in resurrectionem iudicii

³⁹ haec est autem voluntas eius qui misit me Patris ut omne quod dedit mihi non perdam ex eo sed resuscitem illum novissimo die ⁴⁰ haec est enim voluntas Patris mei qui misit me ut omnis qui videt Filium et credit in eum habeat vitam aeternam et resuscitabo ego eum in novissimo die

²⁵ dixit ei Iesus ego sum resurrectio et vita qui credit in me et si mortuus fuerit vivet ²⁶ et omnis qui vivit et credit in me non morietur in aeternum credis hoc

²⁴ quem Deus suscitavit solutis doloribus inferni iuxta quod inpossibile erat teneri illum ab eo

³¹ eo quod statuit diem in qua iudicaturus est orbem in aequitate in viro in quo statuit fidem praebens omnibus suscitans eum a mortuis

⁴ consepulti enim sumus cum illo per baptismum in mortem ut quomodo surrexit Christus a mortuis per gloriam Patris ita et nos in novitate vitae ambulemus ⁵ si enim conplantati facti sumus similitudini mortis eius simul et resurrectionis erimus ⁶ hoc scientes quia vetus homo noster simul crucifixus est ut destruatur corpus peccati ut ultra non serviamus peccato ⁷ qui enim mortuus est iustificatus est a peccato ⁸ si autem mortui sumus cum Christo credimus quia simul etiam vivemus cum Christo

¹¹ quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis

¹⁵ invenimur autem et falsi testes Dei quoniam testimonium diximus adversus Deum quod suscitaverit Christum quem non suscitavit si mortui non resurgunt ¹⁶ nam si mortui non resurgunt neque Christus resurrexit ¹⁷ quod si Christus non resurrexit vana est fides vestra adhuc enim estis in peccatis vestris ¹⁸ ergo et qui dormierunt in Christo perierunt ¹⁹ si in hac vita tantum in Christo sperantes sumus miserabiliores sumus omnibus hominibus ²⁰ nunc autem Christus resurrexit a mortuis primitiae dormientium

²³ unusquisque autem in suo ordine primitiae Christus deinde hii qui sunt Christi in adventu eius

¹⁴ scientes quoniam qui suscitavit Iesum et nos cum Iesu suscitabit et constituet vobiscum

¹⁹ et quae sit supereminens magnitudo virtutis eius in nos qui credidimus secundum operationem potentiae virtutis eius ²⁰ quam operatus est in Christo suscitans illum a mortuis et constituens ad dexteram suam in caelestibus

¹⁰ ad agnoscendum illum et virtutem resurrectionis eius et societatem passionum illius configuratus morti eius ¹¹ si quo modo occurram ad resurrectionem quae est ex mortuis

²¹ qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia

¹⁴ si enim credimus quod Iesus mortuus est et resurrexit ita et Deus eos qui dormierunt per Iesum adducet cum eo