Song of Songs 1:4 Cross References - HOT

4 משׁכני אחריך נרוצה הביאני המלך חדריו נגילה ונשׂמחה בך נזכירה דדיך מיין מישׁרים אהבוך׃

Psalms 42:4

4 (42:5) אלה אזכרה ואשׁפכה עלי נפשׁי כי אעבר בסך אדדם עד בית אלהים בקול רנה ותודה המון חוגג׃

Psalms 45:14-15

14 (45:15) לרקמות תובל למלך בתולות אחריה רעותיה מובאות׃15 (45:16) תובלנה בשׂמחת וגיל תבאינה בהיכל מלך׃

Psalms 48:9

9 (48:10) דמינו אלהים חסדך בקרב היכלך׃

Psalms 63:5

5 (63:6) כמו חלב ודשׁן תשׂבע נפשׁי ושׂפתי רננות יהלל פי׃

Psalms 98:4-9

4 הריעו ליהוה כל הארץ פצחו ורננו וזמרו׃5 זמרו ליהוה בכנור בכנור וקול זמרה׃6 בחצצרות וקול שׁופר הריעו לפני המלך יהוה׃7 ירעם הים ומלאו תבל וישׁבי׃8 נהרות ימחאו כף יחד הרים ירננו׃9 לפני יהוה כי בא לשׁפט הארץ ישׁפט תבל בצדק ועמים במישׁרים׃

Psalms 103:1-2

1 לדוד ברכי נפשׁי את יהוה וכל קרבי את שׁם קדשׁו׃2 ברכי נפשׁי את יהוה ואל תשׁכחי כל גמוליו׃

Psalms 111:4

4 זכר עשׂה לנפלאתיו חנון ורחום יהוה׃

Psalms 119:32

32 דרך מצותיך ארוץ כי תרחיב לבי׃

Psalms 119:60

60 חשׁתי ולא התמהמהתי לשׁמר מצותיך׃

Psalms 149:2

2 ישׂמח ישׂראל בעשׂיו בני ציון יגילו במלכם׃

Song of Songs 1:2-3

2 ישׁקני מנשׁיקות פיהו כי טובים דדיך מיין׃3 לריח שׁמניך טובים שׁמן תורק שׁמך על כן עלמות אהבוך׃

Song of Songs 2:3-5

3 כתפוח בעצי היער כן דודי בין הבנים בצלו חמדתי וישׁבתי ופריו מתוק לחכי׃4 הביאני אל בית היין ודגלו עלי אהבה׃5 סמכוני באשׁישׁות רפדוני בתפוחים כי חולת אהבה אני׃

Song of Songs 3:4

4 כמעט שׁעברתי מהם עד שׁמצאתי את שׁאהבה נפשׁי אחזתיו ולא ארפנו עד שׁהביאתיו אל בית אמי ואל חדר הורתי׃

Isaiah 25:8

8 בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

Isaiah 45:25

25 ביהוה יצדקו ויתהללו כל זרע ישׂראל׃

Isaiah 61:3

3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Isaiah 63:7

7 חסדי יהוה אזכיר תהלת יהוה כעל כל אשׁר גמלנו יהוה ורב טוב לבית ישׂראל אשׁר גמלם כרחמיו וכרב חסדיו׃

Jeremiah 31:3

3 מרחוק יהוה נראה לי ואהבת עולם אהבתיך על כן משׁכתיך חסד׃

Hosea 11:4

4 בחבלי אדם אמשׁכם בעבתות אהבה ואהיה להם כמרימי על על לחיהם ואט אליו אוכיל׃

Zephaniah 3:14

14 רני בת ציון הריעו ישׂראל שׂמחי ועלזי בכל לב בת ירושׁלם׃

Zechariah 9:9

9 גילי מאד בת ציון הריעי בת ירושׁלם הנה מלכך יבוא לך צדיק ונושׁע הוא עני ורכב על חמור ועל עיר בן אתנות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.