Revelation 21 Cross References - HOT
Genesis 17:7-8
Exodus 28:17-21
Exodus 29:10-14
10 והקרבת את הפר לפני אהל מועד וסמך אהרן ובניו את ידיהם על ראשׁ הפר׃11 ושׁחטת את הפר לפני יהוה פתח אהל מועד׃12 ולקחת מדם הפר ונתתה על קרנת המזבח באצבעך ואת כל הדם תשׁפך אל יסוד המזבח׃13 ולקחת את כל החלב המכסה את הקרב ואת היתרת על הכבד ואת שׁתי הכלית ואת החלב אשׁר עליהן והקטרת המזבחה׃14 ואת בשׂר הפר ואת ערו ואת פרשׁו תשׂרף באשׁ מחוץ למחנה חטאת הוא׃
Exodus 40:3-5
Leviticus 13:46
46 כל ימי אשׁר הנגע בו יטמא טמא הוא בדד ישׁב מחוץ למחנה מושׁבו׃
Leviticus 26:11-12
Numbers 2:2-32
2 אישׁ על דגלו באתת לבית אבתם יחנו בני ישׂראל מנגד סביב לאהל מועד יחנו׃3 והחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב׃4 וצבאו ופקדיהם ארבעה ושׁבעים אלף ושׁשׁ מאות׃5 והחנים עליו מטה ישׂשכר ונשׂיא לבני ישׂשכר נתנאל בן צוער׃6 וצבאו ופקדיו ארבעה וחמשׁים אלף וארבע מאות׃7 מטה זבולן ונשׂיא לבני זבולן אליאב בן חלן׃8 וצבאו ופקדיו שׁבעה וחמשׁים אלף וארבע מאות׃9 כל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראשׁנה יסעו׃10 דגל מחנה ראובן תימנה לצבאתם ונשׂיא לבני ראובן אליצור בן שׁדיאור׃11 וצבאו ופקדיו שׁשׁה וארבעים אלף וחמשׁ מאות׃12 והחונם עליו מטה שׁמעון ונשׂיא לבני שׁמעון שׁלמיאל בן צורי שׁדי׃13 וצבאו ופקדיהם תשׁעה וחמשׁים אלף ושׁלשׁ מאות׃14 ומטה גד ונשׂיא לבני גד אליסף בן רעואל׃15 וצבאו ופקדיהם חמשׁה וארבעים אלף ושׁשׁ מאות וחמשׁים׃16 כל הפקדים למחנה ראובן מאת אלף ואחד וחמשׁים אלף וארבע מאות וחמשׁים לצבאתם ושׁנים יסעו׃17 ונסע אהל מועד מחנה הלוים בתוך המחנת כאשׁר יחנו כן יסעו אישׁ על ידו לדגליהם׃18 דגל מחנה אפרים לצבאתם ימה ונשׂיא לבני אפרים אלישׁמע בן עמיהוד׃19 וצבאו ופקדיהם ארבעים אלף וחמשׁ מאות׃20 ועליו מטה מנשׁה ונשׂיא לבני מנשׁה גמליאל בן פדהצור׃21 וצבאו ופקדיהם שׁנים ושׁלשׁים אלף ומאתים׃22 ומטה בנימן ונשׂיא לבני בנימן אבידן בן גדעני׃23 וצבאו ופקדיהם חמשׁה ושׁלשׁים אלף וארבע מאות׃24 כל הפקדים למחנה אפרים מאת אלף ושׁמנת אלפים ומאה לצבאתם ושׁלשׁים יסעו׃25 דגל מחנה דן צפנה לצבאתם ונשׂיא לבני דן אחיעזר בן עמישׁדי׃26 וצבאו ופקדיהם שׁנים ושׁשׁים אלף ושׁבע מאות׃27 והחנים עליו מטה אשׁר ונשׂיא לבני אשׁר פגעיאל בן עכרן׃28 וצבאו ופקדיהם אחד וארבעים אלף וחמשׁ מאות׃29 ומטה נפתלי ונשׂיא לבני נפתלי אחירע בן עינן׃30 וצבאו ופקדיהם שׁלשׁה וחמשׁים אלף וארבע מאות׃31 כל הפקדים למחנה דן מאת אלף ושׁבעה וחמשׁים אלף ושׁשׁ מאות לאחרנה יסעו לדגליהם׃32 אלה פקודי בני ישׂראל לבית אבתם כל פקודי המחנת לצבאתם שׁשׁ מאות אלף ושׁלשׁת אלפים וחמשׁ מאות וחמשׁים׃
Numbers 5:3
3 מזכר עד נקבה תשׁלחו אל מחוץ למחנה תשׁלחום ולא יטמאו את מחניהם אשׁר אני שׁכן בתוכם׃
Numbers 12:15
15 ותסגר מרים מחוץ למחנה שׁבעת ימים והעם לא נסע עד האסף מרים׃
Deuteronomy 3:11
11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃
Deuteronomy 20:8
8 ויספו השׁטרים לדבר אל העם ואמרו מי האישׁ הירא ורך הלבב ילך וישׁב לביתו ולא ימס את לבב אחיו כלבבו׃
Deuteronomy 32:43
43 הרנינו גוים עמו כי דם עבדיו יקום ונקם ישׁיב לצריו וכפר אדמתו עמו׃
Judges 7:3
3 ועתה קרא נא באזני העם לאמר מי ירא וחרד ישׁב ויצפר מהר הגלעד וישׁב מן העם עשׂרים ושׁנים אלף ועשׂרת אלפים נשׁארו׃
1 Samuel 2:8
8 מקים מעפר דל מאשׁפת ירים אביון להושׁיב עם נדיבים וכסא כבוד ינחלם כי ליהוה מצקי ארץ וישׁת עליהם תבל׃
1 Kings 6:20
20 ולפני הדביר עשׂרים אמה ארך ועשׂרים אמה רחב ועשׂרים אמה קומתו ויצפהו זהב סגור ויצף מזבח ארז׃
1 Kings 8:27
27 כי האמנם ישׁב אלהים על הארץ הנה השׁמים ושׁמי השׁמים לא יכלכלוך אף כי הבית הזה אשׁר בניתי׃
1 Kings 18:12
12 והיה אני אלך מאתך ורוח יהוה ישׂאך על אשׁר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃
2 Kings 2:16
16 ויאמרו אליו הנה נא ישׁ את עבדיך חמשׁים אנשׁים בני חיל ילכו נא ויבקשׁו את אדניך פן נשׂאו רוח יהוה וישׁלכהו באחד ההרים או באחת הגיאות ויאמר לא תשׁלחו׃
2 Chronicles 2:6
6 (2:5) ומי יעצר כח לבנות לו בית כי השׁמים ושׁמי השׁמים לא יכלכלהו ומי אני אשׁר אבנה לו בית כי אם להקטיר לפניו׃
2 Chronicles 6:18
18 כי האמנם ישׁב אלהים את האדם על הארץ הנה שׁמים ושׁמי השׁמים לא יכלכלוך אף כי הבית הזה אשׁר בניתי׃
Ezra 9:9
9 כי עבדים אנחנו ובעבדתנו לא עזבנו אלהינו ויט עלינו חסד לפני מלכי פרס לתת לנו מחיה לרומם את בית אלהינו ולהעמיד את חרבתיו ולתת לנו גדר ביהודה ובירושׁלם׃
Nehemiah 12:27
27 ובחנכת חומת ירושׁלם בקשׁו את הלוים מכל מקומתם להביאם לירושׁלם לעשׂת חנכה ושׂמחה ובתודות ובשׁיר מצלתים נבלים ובכנרות׃
Job 28:16-19
Job 28:17-19
Psalms 22:27
27 (22:28) יזכרו וישׁבו אל יהוה כל אפסי ארץ וישׁתחוו לפניך כל משׁפחות גוים׃
Psalms 36:9
9 (36:10) כי עמך מקור חיים באורך נראה אור׃
Psalms 45:9-14
9 (45:10) בנות מלכים ביקרותיך נצבה שׁגל לימינך בכתם אופיר׃10 (45:11) שׁמעי בת וראי והטי אזנך ושׁכחי עמך ובית אביך׃11 (45:12) ויתאו המלך יפיך כי הוא אדניך והשׁתחוי׃12 (45:13) ובת צר במנחה פניך יחלו עשׁירי עם׃13 (45:14) כל כבודה בת מלך פנימה ממשׁבצות זהב לבושׁה׃14 (45:15) לרקמות תובל למלך בתולות אחריה רעותיה מובאות׃
Psalms 48:1-3
Psalms 51:18
18 (51:20) היטיבה ברצונך את ציון תבנה חומות ירושׁלם׃
Psalms 72:10-11
Psalms 87:3
3 נכבדות מדבר בך עיר האלהים סלה׃
Psalms 101:8
8 לבקרים אצמית כל רשׁעי ארץ להכרית מעיר יהוה כל פעלי און׃
Psalms 122:7
7 יהי שׁלום בחילך שׁלוה בארמנותיך׃
Psalms 144:4
4 אדם להבל דמה ימיו כצל עובר׃
Proverbs 3:15
15 יקרה היא מפניים וכל חפציך לא ישׁוו׃
Proverbs 3:35
35 כבוד חכמים ינחלו וכסילים מרים קלון׃
Proverbs 19:5
5 עד שׁקרים לא ינקה ויפיח כזבים לא ימלט׃
Proverbs 19:9
9 עד שׁקרים לא ינקה ויפיח כזבים יאבד׃
Isaiah 1:21
21 איכה היתה לזונה קריה נאמנה מלאתי משׁפט צדק ילין בה ועתה מרצחים׃
Isaiah 2:2
2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃
Isaiah 2:5
5 בית יעקב לכו ונלכה באור יהוה׃
Isaiah 2:10
10 בוא בצור והטמן בעפר מפני פחד יהוה ומהדר גאנו׃
Isaiah 2:19
19 ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃
Isaiah 2:21
21 לבוא בנקרות הצרים ובסעפי הסלעים מפני פחד יהוה ומהדר גאונו בקומו לערץ הארץ׃
Isaiah 4:5
5 וברא יהוה על כל מכון הר ציון ועל מקראה ענן יומם ועשׁן ונגה אשׁ להבה לילה כי על כל כבוד חפה׃
Isaiah 9:15
15 (9:14) זקן ונשׂוא פנים הוא הראשׁ ונביא מורה שׁקר הוא הזנב׃
Isaiah 12:3
3 ושׁאבתם מים בשׂשׂון ממעיני הישׁועה׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 24:23
23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃
Isaiah 25:8
8 בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃
Isaiah 27:1
1 ביום ההוא יפקד יהוה בחרבו הקשׁה והגדולה והחזקה על לויתן נחשׁ ברח ועל לויתן נחשׁ עקלתון והרג את התנין אשׁר בים׃
Isaiah 30:19
19 כי עם בציון ישׁב בירושׁלם בכו לא תבכה חנון יחנך לקול זעקך כשׁמעתו ענך׃
Isaiah 35:8
8 והיה שׁם מסלול ודרך ודרך הקדשׁ יקרא לה לא יעברנו טמא והוא למו הלך דרך ואוילים לא יתעו׃
Isaiah 35:10
10 ופדויי יהוה ישׁבון ובאו ציון ברנה ושׂמחת עולם על ראשׁם שׂשׂון ושׂמחה ישׂיגו ונסו יגון ואנחה׃
Isaiah 42:9
9 הראשׁנות הנה באו וחדשׁות אני מגיד בטרם תצמחנה אשׁמיע אתכם׃
Isaiah 43:19
19 הנני עשׂה חדשׁה עתה תצמח הלוא תדעוה אף אשׂים במדבר דרך בישׁמון נהרות׃
Isaiah 51:11
Isaiah 52:1
1 עורי עורי לבשׁי עזך ציון לבשׁי בגדי תפארתך ירושׁלם עיר הקדשׁ כי לא יוסיף יבא בך עוד ערל וטמא׃
Isaiah 52:15
15 כן יזה גוים רבים עליו יקפצו מלכים פיהם כי אשׁר לא ספר להם ראו ואשׁר לא שׁמעו התבוננו׃
Isaiah 54:5
5 כי בעליך עשׂיך יהוה צבאות שׁמו וגאלך קדושׁ ישׂראל אלהי כל הארץ יקרא׃
Isaiah 54:11
11 עניה סערה לא נחמה הנה אנכי מרביץ בפוך אבניך ויסדתיך בספירים׃
Isaiah 54:11-12
Isaiah 54:12-12
12 ושׂמתי כדכד שׁמשׁתיך ושׁעריך לאבני אקדח וכל גבולך לאבני חפץ׃
Isaiah 55:1-3
Isaiah 55:5
5 הן גוי לא תדע תקרא וגוי לא ידעוך אליך ירוצו למען יהוה אלהיך ולקדושׁ ישׂראל כי פארך׃
Isaiah 55:10
10 כי כאשׁר ירד הגשׁם והשׁלג מן השׁמים ושׁמה לא ישׁוב כי אם הרוה את הארץ והולידה והצמיחה ונתן זרע לזרע ולחם לאכל׃
Isaiah 57:11
11 ואת מי דאגת ותיראי כי תכזבי ואותי לא זכרת לא שׂמת על לבך הלא אני מחשׁה ומעלם ואותי לא תיראי׃
Isaiah 57:20
20 והרשׁעים כים נגרשׁ כי השׁקט לא יוכל ויגרשׁו מימיו רפשׁ וטיט׃
Isaiah 60:1-2
1 קומי אורי כי בא אורך וכבוד יהוה עליך זרח׃2 כי הנה החשׁך יכסה ארץ וערפל לאמים ועליך יזרח יהוה וכבודו עליך יראה׃3 והלכו גוים לאורך ומלכים לנגה זרחך׃4 שׂאי סביב עיניך וראי כלם נקבצו באו לך בניך מרחוק יבאו ובנתיך על צד תאמנה׃5 אז תראי ונהרת ופחד ורחב לבבך כי יהפך עליך המון ים חיל גוים יבאו׃6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃7 כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃8 מי אלה כעב תעופינה וכיונים אל ארבתיהם׃9 כי לי איים יקוו ואניות תרשׁישׁ בראשׁנה להביא בניך מרחוק כספם וזהבם אתם לשׁם יהוה אלהיך ולקדושׁ ישׂראל כי פארך׃10 ובנו בני נכר חמתיך ומלכיהם ישׁרתונך כי בקצפי הכיתיך וברצוני רחמתיך׃11 ופתחו שׁעריך תמיד יומם ולילה לא יסגרו להביא אליך חיל גוים ומלכיהם נהוגים׃
Isaiah 60:13
13 כבוד הלבנון אליך יבוא ברושׁ תדהר ותאשׁור יחדו לפאר מקום מקדשׁי ומקום רגלי אכבד׃
Isaiah 60:16
Isaiah 60:18-18
Isaiah 60:20-20
Isaiah 61:3
3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
Isaiah 61:10
10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃
Isaiah 62:4
4 לא יאמר לך עוד עזובה ולארצך לא יאמר עוד שׁממה כי לך יקרא חפצי בה ולארצך בעולה כי חפץ יהוה בך וארצך תבעל׃
Isaiah 65:9
9 והוצאתי מיעקב זרע ומיהודה יורשׁ הרי וירשׁוה בחירי ועבדי ישׁכנו שׁמה׃
Isaiah 65:17-19
Isaiah 66:1
1 כה אמר יהוה השׁמים כסאי והארץ הדם רגלי אי זה בית אשׁר תבנו לי ואי זה מקום מנוחתי׃
Isaiah 66:11-12
Isaiah 66:18
18 ואנכי מעשׂיהם ומחשׁבתיהם באה לקבץ את כל הגוים והלשׁנות ובאו וראו את כבודי׃
Isaiah 66:22
22 כי כאשׁר השׁמים החדשׁים והארץ החדשׁה אשׁר אני עשׂה עמדים לפני נאם יהוה כן יעמד זרעכם ושׁמכם׃
Jeremiah 2:13
13 כי שׁתים רעות עשׂה עמי אתי עזבו מקור מים חיים לחצב להם בארות בארת נשׁברים אשׁר לא יכלו המים׃
Jeremiah 4:2
2 ונשׁבעת חי יהוה באמת במשׁפט ובצדקה והתברכו בו גוים ובו יתהללו׃
Jeremiah 31:13
13 אז תשׂמח בתולה במחול ובחרים וזקנים יחדו והפכתי אבלם לשׂשׂון ונחמתים ושׂמחתים מיגונם׃
Jeremiah 31:23
23 כה אמר יהוה צבאות אלהי ישׂראל עוד יאמרו את הדבר הזה בארץ יהודה ובעריו בשׁובי את שׁבותם יברכך יהוה נוה צדק הר הקדשׁ׃
Jeremiah 31:33
33 כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃
Jeremiah 32:38
38 והיו לי לעם ואני אהיה להם לאלהים׃
Ezekiel 1:22
22 ודמות על ראשׁי החיה רקיע כעין הקרח הנורא נטוי על ראשׁיהם מלמעלה׃
Ezekiel 1:26
26 וממעל לרקיע אשׁר על ראשׁם כמראה אבן ספיר דמות כסא ועל דמות הכסא דמות כמראה אדם עליו מלמעלה׃
Ezekiel 3:14
14 ורוח נשׂאתני ותקחני ואלך מר בחמת רוחי ויד יהוה עלי חזקה׃
Ezekiel 8:3
3 וישׁלח תבנית יד ויקחני בציצת ראשׁי ותשׂא אתי רוח בין הארץ ובין השׁמים ותבא אתי ירושׁלמה במראות אלהים אל פתח שׁער הפנימית הפונה צפונה אשׁר שׁם מושׁב סמל הקנאה המקנה׃
Ezekiel 11:1
1 ותשׂא אתי רוח ותבא אתי אל שׁער בית יהוה הקדמוני הפונה קדימה והנה בפתח השׁער עשׂרים וחמשׁה אישׁ ואראה בתוכם את יאזניה בן עזר ואת פלטיהו בן בניהו שׂרי העם׃
Ezekiel 11:24
24 ורוח נשׂאתני ותביאני כשׂדימה אל הגולה במראה ברוח אלהים ויעל מעלי המראה אשׁר ראיתי׃
Ezekiel 28:13-14
Ezekiel 28:16
16 ברב רכלתך מלו תוכך חמס ותחטא ואחללך מהר אלהים ואבדך כרוב הסכך מתוך אבני אשׁ׃
Ezekiel 37:27
27 והיה משׁכני עליהם והייתי להם לאלהים והמה יהיו לי לעם׃
Ezekiel 40:1-49
1 בעשׂרים וחמשׁ שׁנה לגלותנו בראשׁ השׁנה בעשׂור לחדשׁ בארבע עשׂרה שׁנה אחר אשׁר הכתה העיר בעצם היום הזה היתה עלי יד יהוה ויבא אתי שׁמה׃2 במראות אלהים הביאני אל ארץ ישׂראל ויניחני אל הר גבה מאד ועליו כמבנה עיר מנגב׃3 ויביא אותי שׁמה והנה אישׁ מראהו כמראה נחשׁת ופתיל פשׁתים בידו וקנה המדה והוא עמד בשׁער׃4 וידבר אלי האישׁ בן אדם ראה בעיניך ובאזניך שׁמע ושׂים לבך לכל אשׁר אני מראה אותך כי למען הראותכה הבאתה הנה הגד את כל אשׁר אתה ראה לבית ישׂראל׃5 והנה חומה מחוץ לבית סביב סביב וביד האישׁ קנה המדה שׁשׁ אמות באמה וטפח וימד את רחב הבנין קנה אחד וקומה קנה אחד׃6 ויבוא אל שׁער אשׁר פניו דרך הקדימה ויעל במעלותו וימד את סף השׁער קנה אחד רחב ואת סף אחד קנה אחד רחב׃7 והתא קנה אחד ארך וקנה אחד רחב ובין התאים חמשׁ אמות וסף השׁער מאצל אולם השׁער מהבית קנה אחד׃8 וימד את אלם השׁער מהבית קנה אחד׃9 וימד את אלם השׁער שׁמנה אמות ואילו שׁתים אמות ואלם השׁער מהבית׃10 ותאי השׁער דרך הקדים שׁלשׁה מפה ושׁלשׁה מפה מדה אחת לשׁלשׁתם ומדה אחת לאילם מפה ומפו׃11 וימד את רחב פתח השׁער עשׂר אמות ארך השׁער שׁלושׁ עשׂרה אמות׃12 וגבול לפני התאות אמה אחת ואמה אחת גבול מפה והתא שׁשׁ אמות מפו ושׁשׁ אמות מפו׃13 וימד את השׁער מגג התא לגגו רחב עשׂרים וחמשׁ אמות פתח נגד פתח׃14 ויעשׂ את אילים שׁשׁים אמה ואל איל החצר השׁער סביב סביב׃15 ועל פני השׁער היאתון על לפני אלם השׁער הפנימי חמשׁים אמה׃16 וחלנות אטמות אל התאים ואל אליהמה לפנימה לשׁער סביב סביב וכן לאלמות וחלונות סביב סביב לפנימה ואל איל תמרים׃17 ויביאני אל החצר החיצונה והנה לשׁכות ורצפה עשׂוי לחצר סביב סביב שׁלשׁים לשׁכות אל הרצפה׃18 והרצפה אל כתף השׁערים לעמת ארך השׁערים הרצפה התחתונה׃19 וימד רחב מלפני השׁער התחתונה לפני החצר הפנימי מחוץ מאה אמה הקדים והצפון׃20 והשׁער אשׁר פניו דרך הצפון לחצר החיצונה מדד ארכו ורחבו׃21 ותאו שׁלושׁה מפו ושׁלשׁה מפו ואילו ואלמו היה כמדת השׁער הראשׁון חמשׁים אמה ארכו ורחב חמשׁ ועשׂרים באמה׃22 וחלונו ואלמו ותמרו כמדת השׁער אשׁר פניו דרך הקדים ובמעלות שׁבע יעלו בו ואילמו לפניהם׃23 ושׁער לחצר הפנימי נגד השׁער לצפון ולקדים וימד משׁער אל שׁער מאה אמה׃24 ויולכני דרך הדרום והנה שׁער דרך הדרום ומדד אילו ואילמו כמדות האלה׃25 וחלונים לו ולאילמו סביב סביב כהחלנות האלה חמשׁים אמה ארך ורחב חמשׁ ועשׂרים אמה׃26 ומעלות שׁבעה עלותו ואלמו לפניהם ותמרים לו אחד מפו ואחד מפו אל אילו׃27 ושׁער לחצר הפנימי דרך הדרום וימד משׁער אל השׁער דרך הדרום מאה אמות׃28 ויביאני אל חצר הפנימי בשׁער הדרום וימד את השׁער הדרום כמדות האלה׃29 ותאו ואילו ואלמו כמדות האלה וחלונות לו ולאלמו סביב סביב חמשׁים אמה ארך ורחב עשׂרים וחמשׁ אמות׃30 ואלמות סביב סביב ארך חמשׁ ועשׂרים אמה ורחב חמשׁ אמות׃31 ואלמו אל חצר החצונה ותמרים אל אילו ומעלות שׁמונה מעלו׃32 ויביאני אל החצר הפנימי דרך הקדים וימד את השׁער כמדות האלה׃33 ותאו ואלו ואלמו כמדות האלה וחלונות לו ולאלמו סביב סביב ארך חמשׁים אמה ורחב חמשׁ ועשׂרים אמה׃34 ואלמו לחצר החיצונה ותמרים אל אלו מפו ומפו ושׁמנה מעלות מעלו׃35 ויביאני אל שׁער הצפון ומדד כמדות האלה׃36 תאו אלו ואלמו וחלונות לו סביב סביב ארך חמשׁים אמה ורחב חמשׁ ועשׂרים אמה׃37 ואילו לחצר החיצונה ותמרים אל אילו מפו ומפו ושׁמנה מעלות מעלו׃38 ולשׁכה ופתחה באילים השׁערים שׁם ידיחו את העלה׃39 ובאלם השׁער שׁנים שׁלחנות מפו ושׁנים שׁלחנות מפה לשׁחוט אליהם העולה והחטאת והאשׁם׃40 ואל הכתף מחוצה לעולה לפתח השׁער הצפונה שׁנים שׁלחנות ואל הכתף האחרת אשׁר לאלם השׁער שׁנים שׁלחנות׃41 ארבעה שׁלחנות מפה וארבעה שׁלחנות מפה לכתף השׁער שׁמונה שׁלחנות אליהם ישׁחטו׃42 וארבעה שׁלחנות לעולה אבני גזית ארך אמה אחת וחצי ורחב אמה אחת וחצי וגבה אמה אחת אליהם ויניחו את הכלים אשׁר ישׁחטו את העולה בם והזבח׃43 והשׁפתים טפח אחד מוכנים בבית סביב סביב ואל השׁלחנות בשׂר הקרבן׃44 ומחוצה לשׁער הפנימי לשׁכות שׁרים בחצר הפנימי אשׁר אל כתף שׁער הצפון ופניהם דרך הדרום אחד אל כתף שׁער הקדים פני דרך הצפן׃45 וידבר אלי זה הלשׁכה אשׁר פניה דרך הדרום לכהנים שׁמרי משׁמרת הבית׃46 והלשׁכה אשׁר פניה דרך הצפון לכהנים שׁמרי משׁמרת המזבח המה בני צדוק הקרבים מבני לוי אל יהוה לשׁרתו׃47 וימד את החצר ארך מאה אמה ורחב מאה אמה מרבעת והמזבח לפני הבית׃48 ויבאני אל אלם הבית וימד אל אלם חמשׁ אמות מפה וחמשׁ אמות מפה ורחב השׁער שׁלשׁ אמות מפו ושׁלשׁ אמות מפו׃49 ארך האלם עשׂרים אמה ורחב עשׁתי עשׂרה אמה ובמעלות אשׁר יעלו אליו ועמדים אל האילים אחד מפה ואחד מפה׃
Ezekiel 41:1-5
1 ויביאני אל ההיכל וימד את האילים שׁשׁ אמות רחב מפו ושׁשׁ אמות רחב מפו רחב האהל׃2 ורחב הפתח עשׂר אמות וכתפות הפתח חמשׁ אמות מפו וחמשׁ אמות מפו וימד ארכו ארבעים אמה ורחב עשׂרים אמה׃3 ובא לפנימה וימד איל הפתח שׁתים אמות והפתח שׁשׁ אמות ורחב הפתח שׁבע אמות׃4 וימד את ארכו עשׂרים אמה ורחב עשׂרים אמה אל פני ההיכל ויאמר אלי זה קדשׁ הקדשׁים׃5 וימד קיר הבית שׁשׁ אמות ורחב הצלע ארבע אמות סביב סביב לבית סביב׃
Ezekiel 43:2
2 והנה כבוד אלהי ישׂראל בא מדרך הקדים וקולו כקול מים רבים והארץ האירה מכבדו׃
Ezekiel 43:7
7 ויאמר אלי בן אדם את מקום כסאי ואת מקום כפות רגלי אשׁר אשׁכן שׁם בתוך בני ישׂראל לעולם ולא יטמאו עוד בית ישׂראל שׁם קדשׁי המה ומלכיהם בזנותם ובפגרי מלכיהם במותם׃
Ezekiel 44:9
9 כה אמר אדני יהוה כל בן נכר ערל לב וערל בשׂר לא יבוא אל מקדשׁי לכל בן נכר אשׁר בתוך בני ישׂראל׃
Ezekiel 48:8-20
8 ועל גבול יהודה מפאת קדים עד פאת ימה תהיה התרומה אשׁר תרימו חמשׁה ועשׂרים אלף רחב וארך כאחד החלקים מפאת קדימה עד פאת ימה והיה המקדשׁ בתוכו׃9 התרומה אשׁר תרימו ליהוה ארך חמשׁה ועשׂרים אלף ורחב עשׂרת אלפים׃10 ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃11 לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃12 והיתה להם תרומיה מתרומת הארץ קדשׁ קדשׁים אל גבול הלוים׃13 והלוים לעמת גבול הכהנים חמשׁה ועשׂרים אלף ארך ורחב עשׂרת אלפים כל ארך חמשׁה ועשׂרים אלף ורחב עשׂרת אלפים׃14 ולא ימכרו ממנו ולא ימר ולא יעבור ראשׁית הארץ כי קדשׁ ליהוה׃15 וחמשׁת אלפים הנותר ברחב על פני חמשׁה ועשׂרים אלף חל הוא לעיר למושׁב ולמגרשׁ והיתה העיר בתוכה׃
Ezekiel 48:15-20
Ezekiel 48:16-20
Ezekiel 48:17-20
Ezekiel 48:18-20
Ezekiel 48:19-20
Ezekiel 48:20-20
20 כל התרומה חמשׁה ועשׂרים אלף בחמשׁה ועשׂרים אלף רביעית תרימו את תרומת הקדשׁ אל אחזת העיר׃21 והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃22 ומאחזת הלוים ומאחזת העיר בתוך אשׁר לנשׂיא יהיה בין גבול יהודה ובין גבול בנימן לנשׂיא יהיה׃
Ezekiel 48:31-34
31 ושׁערי העיר על שׁמות שׁבטי ישׂראל שׁערים שׁלושׁה צפונה שׁער ראובן אחד שׁער יהודה אחד שׁער לוי אחד׃32 ואל פאת קדימה חמשׁ מאות וארבעת אלפים ושׁערים שׁלשׁה ושׁער יוסף אחד שׁער בנימן אחד שׁער דן אחד׃33 ופאת נגבה חמשׁ מאות וארבעת אלפים מדה ושׁערים שׁלשׁה שׁער שׁמעון אחד שׁער ישׂשכר אחד שׁער זבולן אחד׃34 פאת ימה חמשׁ מאות וארבעת אלפים שׁעריהם שׁלשׁה שׁער גד אחד שׁער אשׁר אחד שׁער נפתלי אחד׃35 סביב שׁמנה עשׂר אלף ושׁם העיר מיום יהוה שׁמה׃
Daniel 7:3
3 וארבע חיון רברבן סלקן מן ימא שׁנין דא מן דא׃
Hosea 13:14
14 מיד שׁאול אפדם ממות אגאלם אהי דבריך מות אהי קטבך שׁאול נחם יסתר מעיני׃
Hosea 14:4
4 (14:5) ארפא משׁובתם אהבם נדבה כי שׁב אפי ממנו׃
Joel 3:17
Habakkuk 3:3
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃
Zechariah 2:1
1 (2:5) ואשׂא עיני וארא והנה אישׁ ובידו חבל מדה׃
Zechariah 2:11
11 (2:15) ונלוו גוים רבים אל יהוה ביום ההוא והיו לי לעם ושׁכנתי בתוכך וידעת כי יהוה צבאות שׁלחני אליך׃
Zechariah 8:8
8 והבאתי אתם ושׁכנו בתוך ירושׁלם והיו לי לעם ואני אהיה להם לאלהים באמת ובצדקה׃
Zechariah 8:22-23
Zechariah 13:9
9 והבאתי את השׁלשׁית באשׁ וצרפתים כצרף את הכסף ובחנתים כבחן את הזהב הוא יקרא בשׁמי ואני אענה אתו אמרתי עמי הוא והוא יאמר יהוה אלהי׃
Zechariah 14:7
7 והיה יום אחד הוא יודע ליהוה לא יום ולא לילה והיה לעת ערב יהיה אור׃
Zechariah 14:21
21 והיה כל סיר בירושׁלם וביהודה קדשׁ ליהוה צבאות ובאו כל הזבחים ולקחו מהם ובשׁלו בהם ולא יהיה כנעני עוד בבית יהוה צבאות ביום ההוא׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃