Psalms 92:7 Cross References - HOT

7 (92:8) בפרח רשׁעים כמו עשׂב ויציצו כל פעלי און להשׁמדם עדי עד׃

1 Samuel 25:36-38

36 ותבא אביגיל אל נבל והנה לו משׁתה בביתו כמשׁתה המלך ולב נבל טוב עליו והוא שׁכר עד מאד ולא הגידה לו דבר קטן וגדול עד אור הבקר׃37 ויהי בבקר בצאת היין מנבל ותגד לו אשׁתו את הדברים האלה וימת לבו בקרבו והוא היה לאבן׃38 ויהי כעשׂרת הימים ויגף יהוה את נבל וימת׃

Job 12:6

6 ישׁליו אהלים לשׁדדים ובטחות למרגיזי אל לאשׁר הביא אלוה בידו׃

Job 21:7-12

7 מדוע רשׁעים יחיו עתקו גם גברו חיל׃8 זרעם נכון לפניהם עמם וצאצאיהם לעיניהם׃9 בתיהם שׁלום מפחד ולא שׁבט אלוה עליהם׃10 שׁורו עבר ולא יגעל תפלט פרתו ולא תשׁכל׃11 ישׁלחו כצאן עויליהם וילדיהם ירקדון׃12 ישׂאו כתף וכנור וישׂמחו לקול עוגב׃

Psalms 37:1-2

1 לדוד אל תתחר במרעים אל תקנא בעשׂי עולה׃2 כי כחציר מהרה ימלו וכירק דשׁא יבולון׃

Psalms 37:35-36

35 ראיתי רשׁע עריץ ומתערה כאזרח רענן׃36 ויעבר והנה איננו ואבקשׁהו ולא נמצא׃

Psalms 37:38

38 ופשׁעים נשׁמדו יחדו אחרית רשׁעים נכרתה׃

Psalms 73:12

12 הנה אלה רשׁעים ושׁלוי עולם השׂגו חיל׃

Psalms 73:18-20

18 אך בחלקות תשׁית למו הפלתם למשׁואות׃19 איך היו לשׁמה כרגע ספו תמו מן בלהות׃20 כחלום מהקיץ אדני בעיר צלמם תבזה׃

Psalms 90:5-6

5 זרמתם שׁנה יהיו בבקר כחציר יחלף׃6 בבקר יציץ וחלף לערב ימולל ויבשׁ׃

Psalms 94:4

4 יביעו ידברו עתק יתאמרו כל פעלי און׃

Psalms 103:15-16

15 אנושׁ כחציר ימיו כציץ השׂדה כן יציץ׃16 כי רוח עברה בו ואיננו ולא יכירנו עוד מקומו׃

Proverbs 1:32

32 כי משׁובת פתים תהרגם ושׁלות כסילים תאבדם׃

Isaiah 37:27

27 וישׁביהן קצרי יד חתו ובשׁו היו עשׂב שׂדה וירק דשׁא חציר גגות ושׁדמה לפני קמה׃

Isaiah 40:6-7

6 קול אמר קרא ואמר מה אקרא כל הבשׂר חציר וכל חסדו כציץ השׂדה׃7 יבשׁ חציר נבל ציץ כי רוח יהוה נשׁבה בו אכן חציר העם׃

Jeremiah 12:1-2

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃2 נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃

Malachi 3:15

15 { ועתה אנחנו מאשׁרים זדים גם נבנו עשׂי רשׁעה גם בחנו אלהים וימלטו׃

Malachi 4:1

1 (3:19) כי הנה היום בא בער כתנור והיו כל זדים וכל עשׂה רשׁעה קשׁ ולהט אתם היום הבא אמר יהוה צבאות אשׁר לא יעזב להם שׁרשׁ וענף׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.