1 למנצח על מחלת משׂכיל לדוד׃ (53:2) אמר נבל בלבו אין אלהים השׁחיתו והתעיבו עול אין עשׂה טוב׃
Psalms 53:1 Cross References - HOT
Genesis 6:5-6
Genesis 6:11-13
Leviticus 18:24-30
24 אל תטמאו בכל אלה כי בכל אלה נטמאו הגוים אשׁר אני משׁלח מפניכם׃25 ותטמא הארץ ואפקד עונה עליה ותקא הארץ את ישׁביה׃26 ושׁמרתם אתם את חקתי ואת משׁפטי ולא תעשׂו מכל התועבת האלה האזרח והגר הגר בתוככם׃27 כי את כל התועבת האל עשׂו אנשׁי הארץ אשׁר לפניכם ותטמא הארץ׃28 ולא תקיא הארץ אתכם בטמאכם אתה כאשׁר קאה את הגוי אשׁר לפניכם׃29 כי כל אשׁר יעשׂה מכל התועבת האלה ונכרתו הנפשׁות העשׂת מקרב עמם׃30 ושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם׃
Deuteronomy 12:31
31 לא תעשׂה כן ליהוה אלהיך כי כל תועבת יהוה אשׁר שׂנא עשׂו לאלהיהם כי גם את בניהם ואת בנתיהם ישׂרפו באשׁ לאלהיהם׃
1 Kings 12:26
26 ויאמר ירבעם בלבו עתה תשׁוב הממלכה לבית דוד׃
1 Kings 14:24
24 וגם קדשׁ היה בארץ עשׂו ככל התועבת הגוים אשׁר הורישׁ יהוה מפני בני ישׂראל׃
Job 14:4
4 מי יתן טהור מטמא לא אחד׃
Job 15:16
16 אף כי נתעב ונאלח אישׁ שׁתה כמים עולה׃
Psalms 10:4
4 רשׁע כגבה אפו בל ידרשׁ אין אלהים כל מזמותיו׃
Psalms 10:6
6 אמר בלבו בל אמוט לדר ודר אשׁר לא ברע׃
Psalms 10:11
11 אמר בלבו שׁכח אל הסתיר פניו בל ראה לנצח׃
Psalms 10:13
13 על מה נאץ רשׁע אלהים אמר בלבו לא תדרשׁ׃
Psalms 14:1-7
1 למנצח לדוד אמר נבל בלבו אין אלהים השׁחיתו התעיבו עלילה אין עשׂה טוב׃2 יהוה משׁמים השׁקיף על בני אדם לראות הישׁ משׂכיל דרשׁ את אלהים׃3 הכל סר יחדו נאלחו אין עשׂה טוב אין גם אחד׃4 הלא ידעו כל פעלי און אכלי עמי אכלו לחם יהוה לא קראו׃5 שׁם פחדו פחד כי אלהים בדור צדיק׃6 עצת עני תבישׁו כי יהוה מחסהו׃7 מי יתן מציון ישׁועת ישׂראל בשׁוב יהוה שׁבות עמו יגל יעקב ישׂמח ישׂראל׃
Psalms 88:1
1 שׁיר מזמור לבני קרח למנצח על מחלת לענות משׂכיל להימן האזרחי׃ (88:2) יהוה אלהי ישׁועתי יום צעקתי בלילה נגדך׃
Psalms 92:6
6 (92:7) אישׁ בער לא ידע וכסיל לא יבין את זאת׃
Ezekiel 16:47
47 ולא בדרכיהן הלכת ובתועבותיהן עשׂיתי כמעט קט ותשׁחתי מהן בכל דרכיך׃
Ezekiel 16:51
51 ושׁמרון כחצי חטאתיך לא חטאה ותרבי את תועבותיך מהנה ותצדקי את אחותך בכל תועבותיך אשׁר עשׂיתי׃